Read Vaiphei MATTHAI 7 Bible Online

MATTHAI 7 - Vaiphei bible

MATTHAI 7

¹Mi gensia kiu in, gensiat ah la um lona ding un.

²La gensiat gual mau in gensiat hi’n lau; la te’na ngai mau ah hun te’ piak kit in au.

³Bang a tia nangma mit ah thingtum um chu ngaitua lo ah, la unau mit ah thil them neucha um chu la mu thei?

⁴Nangma mit ah thingthem um zing ngal a, bangti’n a hem la unau kiang ah, “La mit ah kipat ki’dak neucha um kha ei lâkdawsak in,” la ti thei ding?

⁵Nang, mi kiphatsak, a masa’n nang mit ah kipat thingtum kha ladok masa’n la; chutichun la unau mit ah ki’dak neucha um chu, ladok thei dingin muchian thei ta’n la.

⁶Uicha kiang ah chun thil thiangtho pekiu in; vokpi ma-âng ah le tuikep suang paitha kiu in; a keng un childen bep in tiu in, nang le hun sukliam khawlaw bep in au.

⁷Don un, tichun piak in um in lau; hawl un, mun lau; kiu un, tichun, hon piak in um in lau,

⁸kuale a don tapo chun a mu sek ui; kuale a hawl chun a mu sek ui; kuale kot kiu tapo chu hon piak hi’n au.

⁹Nanghaw lak ah kuale a chapa’n vaithum don taleh, kua a hem suang pia ding?

¹⁰Aleh, sanga don taleh kua a hem gul pia ding?

¹¹Nang uh mi phalo in bawn, la chateu thilpha piakna châng la het ua leh, la Pau van ah um chun a donte chu thilpha pia zaw ma malo ding a hem?

¹²Nangmau chung ah min hileu ti la dawi gual tak un, nang unle mi chung in bawl un; zia chu Dan leh jawlneite thuhil ahi ngal a.

¹³Kotkhak neu ah chun lut un; manthaina lam zotna kot chu a lian in, a lampile a nuam in, zia lam ah chia chu tamle a tam ui.

¹⁴Hinna lutna kotkhak chu a chîp in, a lampile a haksa’n, a mu te le tawmcha a hiu.

¹⁵Jawlnei lêmte lak ah kivêng un; ziate chu belam vun sil in la kiang un a hung sek ui, a sung lam uh bo chu ngei gawlsan tawhbang a hiu.

¹⁶Amau chu a gau ah kipat in he mai in lau. Khau lingnei gui ah grep ga a kilo ngai em? Lingkung ah le theichang a kilo ngai em?

¹⁷Zia gual ma chun thingpha tapo a ga a pha sek in, thingsia tapo a ga le a sia sek hi.

¹⁸Thingpha ga a sethei pua’n; thing siale a ga a pha thei diak puai.

¹⁹Thing tin ga phalo tapo chu a phûk un, mei lak in a pai lut sek ui.

²⁰Tichun, amau chu a gau in he mai in lau.

²¹LALPA, LALPA, ei ti taphot van-gam lut ding a hiziang puau; ka Pa van ah um dawi gual hi’te bep lut ding a hiu hi.

²²Zia ni tak chuleh mi tam tak in, “LALPA, LALPA, la min in thute ka gen sek in, la min in thithate ka deldok sek in, la min in thilmak tam tak le ka hisek hilo a hem?” a la ti’n au.

²³Himaleh, keima’n a kiang un, “Nang uh thil gilo hi’te haw, ka hun hekha ngai puai, ka kiang ah kipat chia mang un,” a la ti ta’ng ka.

²⁴Kuale zia ka thugen hi he ah mang tapo chu, mipil suangpi chung ah Insapa gual chu hi’n a.

²⁵Gua a hung zu, tui a hung lian ah, thigua a hung hâng ah, zia In chu a hun nam sot sot a; himaleh, suangpi chung ah sak det ahiziak in, a pûk diak puai.

²⁶Chun, kuale zia ka thugente hi he ngal ah mang lo tapo chu, mingol piaunêl chung ah In sapa gual chu hi’n a.

²⁷Gua a hung zu, tui a hung lian a, thigua a hung hang a, zia In chu a hun nam sot sot ah, a chim ta ahi; a chip chu a huaisia na e! a tia.

²⁸Jesu’n zia thute chu a gen zaw phatin, mipite chun a thugen chu mak a sa ma mau hi.

²⁹Ama chun a lekha zikteu gual ah thu gen lo in, thunei tak gual ah a gen zawk ziak ahi.