Read Vaiphei DAN LEKHABU 7 Bible Online

DAN LEKHABU 7 - Vaiphei bible

DAN LEKHABU 7

¹LALPA la Pathian un nam tam tak, nanghaw sâng ah hatzaw leh tamzaw Hitte, Girgashte, Amorte, Kanaante, Perizte, Hivte leh Jebushte, nam sagite hi a naw daw zaw phat ah, la luana ding uh gam ah a hun pui lût ah, la lua phat ua leh,

²a leng ua nang mau khut ah LALPA la Pathian un a hun piak phat leh, that gam in, la hi’mang sik sek ding uh ahi. Amau tawh kilemna thuthung bangma la bawl lo ding uh ahi’n, la daidawp lo ding uh ahi.

³Amau tawh la kichen lo ding uh, la chanuteu a chapateu ji ding ah la piaklo ding uh, amau chanuteu le la chapateu ji ding ah la lâk lo ding uh a hi;

⁴achutiloleh, la chateu chu pathian dang ho ding ah pui kawi ah um in, ei nusia kha’n lau. Ziaphat chuleh, LALPA chu la chung un lungna’n tin, kin tak in hun hi’mangthai ziang kha’n ah.

⁵Amau chu zia gual ah hin bawl un: A mâichâmteu chu hisiau inla, a suang phuteu khen bong unla, a dawikhuamteu chu phûk unla, a milim bawlteu chule hâl tum un.

⁶LALPA la Pathian uh â dingin nam thiangtho la hiu ah; LALPA la Pathian uh gochan bîk leh a mipi hi ding ah khawvel nam zosia lak ah kipat a kitêl chuamte la hi’ngâl un.

⁷Nam dangte sâng ah la tam zawk ziak ua LALPA‘n a hun ngaisak ah, a hun têlchuam uh la hi puau hi, mi lak lak ah a tawm pen la hiveu.

⁸LALPA‘n a hun hepi ziakin, la pu leh pateu kiang ah a la kipau tiamna thu chu a vop det ziakin, Aigupta lengpa Pharaoh khut ah kipat leh, la suak channau In sung ah kipat hun hi’thiangtho in, LALPA‘n a khut hât tak in a hun pui daw la hi zawu hi.

⁹Ziaziakchun, LALPA la Pathian uh hi Pathian tak tak, Pathian ginum, ama hepi ah, a thu zawmte chung ah suan a sâng ah sim tiang ah le a thuthung leh a hepina tâklang zing ahi ti hiau inla;

¹⁰chuleh, ama pâmpaite hi’mangthai ding ah amau chung ngei ah thuk sek mi ahi. Ama doi lo ah pampaite chung ah kipadâm lo ah, amau taksa chung ngei ah thuk kit ziang sek chu ahi.

¹¹Ziaziakchun, tu’ni zui ding ah ka hun thupiakte — a thupiakte, a dante leh a vaihawmna thute hi gunchu tak in zui tau in, a tia.

¹²Zia vaihawmna dante hi zui ah, gunchu tak ah la zui uh chun, LALPA la Pathian un la pu leh pateu kiang ah a la thutep dungzui in, a thuthung leh a ja’ngaina chu hun hi’pitin piak intin;

¹³hun hepi in, maljawl in, hun hi’pung in ah; la pu leh pateu kiang ah piak a la tiamsa gam ah chun la gil ua gate leh la gam ua theiga te, bu te, uain te, sathau te, la ganchateu leh la belamteu chu hi’pun piak in a.

¹⁴Midang zosia sâng ah maljawlna dong chuam diak hung hi’n la tiu in, la lak ua numei pawsal leh la ganchateu le a chîng um pua’n lau.

¹⁵La lak ua kipat natna zosia LALPA‘n la mang in ah; Aigupta gam ah natna la la thokteu zosia kha la chung ua tun sak lo in, la mêlmateu chung in tung zaw ta’n a.

¹⁶LALPA la Pathian un la khut ua a hun piaksa nam zosia chu, lainatna pang lo in hi’mangthai sik sek un; a pathianteu na sêm kiu in, nang uh â ding ah kipalna thâng hi ding ahi ngâl a.

¹⁷La lungthim un, Zia mite hi keimau sâng in a tam zaw ngâl un, bangti’n suandok thei ding ka hiu em? ti’n,

¹⁸amau chu lau kiu in. LALPA la Pathian un Pharaoh leh Aigupta gam chung ah a thilbawl zosia kha hezing zaw tau in;

¹⁹patepna nasa tak la mit ngei ua la muu leh, tepte’na leh thilmak a bawlte, a khut ban tha hât leh a bânjak ah LALPA la Pathian un a hun puidaw dante kha. La mi lau zosia teu chung ah zia gual ma ah chun LALPA la Pathian un hun bawl ding ahi.

²⁰LALPA la Pathian un la lak un khuaingal hun sawl intin, la mulo ding ua kisêl mangte leh a jamchekte nasan hun that gam sik sek ding ahi ngâl a.

²¹Pathian thupi tak leh lau um tak, LALPA la Pathian uh chun a hun umpi ziakin, amau chu lau kiu in.

²²LALPA la Pathian un la masang ua namte chu neucha cha’n hun nawdaw piak in ah; chomlo kâl sung mai ah la thagam ziang lo ding uh ahi; achutiloleh, gamsate hung pung ta law kha’n au.

²³Himaleh, LALPA la Pathian un amau chu la khut un hun pedok sik sek intin, sukmanthai dim dem ahi masangsiau buaina huaisia tak tuaksak in a.

²⁴A leng leh lalteu chu la khut un hun pedok intin, van nuai ah a min uh thaimang sik sek ta’n lau; a leng ua la hi’mangthai suak masangsiau kuama’n hun do ngam pua’n au.

²⁵A pathian lim siamteu chu mei in hâltum unla, a sana leh dangka neiteu chu enla kiu in; nang uh â dinginle kilâk diak kiu in. Nang uh subuai ah hung pang ziang thei a hiziak un; ziate chu LALPA la Pathian un a ki’dak lam tak ahi ngâl a.

²⁶Thil buakte him him la In sung ua la lâk lut lo ding uh ahi; amau gual ah nanghaw le hisiat in um kha’n lau. Hânsia law khumsa leh hisiat ding ah um ahi tâk ziak un, nasa tak in ki’dak unla, haw ma ma ziang un.