Read Vaiphei 1 KORINTH 13 Bible Online

1 KORINTH 13 - Vaiphei bible

1 KORINTH 13

¹Mihingte leh vansawlchâkte pau in thu gen maleng, hepina ka neilo chun, dak gi a hem, vaikhutbet gi a hem gual bep ka hi.

²Chuleh, thugen theina nei in, thugûk zosia hethei in, tâng chawntheina khop ginna kim nei maleng, hepina ka neilo chun, bangma ka hi puai.

³Ka thil nei zosia pezo kei in, ka taksale pedok ziang maleng, hepina ka neilo chun bangma ka lawkpi puai.

⁴Hepina chu a dawthei in; hepina chu a ngilnei in; hepina chun a thangsia pua’n; a kipakcha pua’n; a kisathei pua’n;

⁵a tawi mêlsia puai. Ama ma khua bep a khual pua’n, a lungna vak pua’n, phat lona lam a ngaitua pua’n;

⁶dik lona a kipakpi pua’n, thutak vang a kipakpi sek hi;

⁷bangkim a thuak ham ham in, bangkim a gingchan, bangkim a kinem in, bangkim a thuak mual suak sek hi.

⁸Hepina chu bei pua’n a. Thugen theinate chu hung mangthai in a; pauhetlote chu hung bei intin; hetna chu hung bei in a.

⁹Bukim lo in I hiau ah, bukim lo ma’n I gen sek ui.

¹⁰A bukim chu a hung tun phat leh, a bukim lo hi sukbei hita’n a.

¹¹Ka naupan lai in naupang pau in ka pau ah, naupang het in ka hia’n, naupang ngaitua in ka ngaitua a; ka hung pitin nung hin naupang hi’dante chu ka haisan tai.

¹²Tu’hin vang, lîmet ah kichian lo in I muu in, ziaphat chuleh, kimaitua tai tiu. Tu’hin bukim lo in ka hia’n, ziaphat chuleh vang, het ah ka um gual hin bukim tak in he ta’ng ka.

¹³Tu’hin, zia pathum: Ginna, kinepna leh hepinate hi a um zing un; ziate lak ah thupi pen chu hepina ahi.