Read Vaiphei 1 KORINTH 5 Bible Online

1 KORINTH 5 - Vaiphei bible

1 KORINTH 5

¹La lak ua thanhuaina a um hi ti thu ei hil un, zia tawhbang thanhuaina chu Jentelte lak inle a kigen kha nai puai; mi pakhat in a pa ji a kichenpi ziang thu kha ahi.

²Zia gual mi chu lungngaipi nâk sâng in, lu’lulna’n la mang zawu ah; a thilbawlte ziak ah chun la lak ua pat nawdok ding hizaw lo a hem?

³Keima taksa ngei la lak un panglo malengle, thagau in ka pang zing ah, zia gual thil bawlpa chu tu’hin le Lalpa Jesu min in, la lak ua um zing gual in a chung thu ka ngaitua zo ta ahi.

⁴Lalpa Jesu min ziak ah la kikhop khawm phat ua leh, I Lalpau Jesu thilhitheina chun thagau in ka hung pang sek hi.

⁵Zia gual mi chu, a thagau Lalpa Jesu ni ah hukhin a hitheina dingin, a taksa chu himangthai dingin Setan kiang in pedok un.

⁶La kisuanpiu hi a pha puai. Thawi tawmcha hin changbuang tang pumpi a jel suak sek hi ti la hepuau em?

⁷Thawipanglo changbuang kimêktang thak la hung hitheina ding un, thawi lui chu zendok tau in. I Chiakân kûtnau Khrista chu eimau â ding ah lat zaw ahi tangal a.

⁸Ziaziakchun, thawi lui pang talo in, nunsiatna leh phatlona thawi le pang diak lo in, thutak leh ginumna vaithum, thawipanglo ah chun kût bawl zaw tai tiu.

⁹Ka lekha ah khan, mi tat thanghuaite tawh kivop lo dingin ka hun hil ta’n;

¹⁰zia khawvel mi thanghuaite leh mi ênhatte a hem, mi suamhatte a hem, milim ho-te a hem haw chu ka ti’na ei puai; chuti taleh, khawvel ah kipat pawt daw kul mai ding ahi.

¹¹Himaleh, kua hitaleh, unau minpu ngal ah, thanghuai chîng mi a hem, huaihap a hem, milim ho a hem, hânsia a hem, zudawn mi leh suammang ahi chun, kivoppi lo dingin ka hil la hiu. Zia gual mi chu tawh nêkle nekhawm kiu in.

¹²Pawlam ah mite chu keima’n ka ngaituana ding a um ah a hem? Nang un sunglam ah mite chu la ngaitua diu hilo a hem?

¹³Himaleh, pawlam ah umte chu Pathian in ngaitua in a. La lak ua migilo chu nawdok un.