Read Vaiphei 2 KORINTH 10 Bible Online

2 KORINTH 10 - Vaiphei bible

2 KORINTH 10

¹Kei Paul, la mit muu ah thunuaigol tak ah um ah, la lak ua ka umlo phat leh khau sek hin, Khrista jaidamna leh nunnemna’n ka don la hiu.

²La kiang ua ka um phat leh, khenkhat taksa gual ah um ah ei ngaituate chung ah, hâng tak ah ka ngapthaw lona dingin ka don la hiu.

³Taksa ah um himaleu hin, taksa galdo gual in I do puau hi.

⁴Ei uh kigâlvannate chu taksa thil a hipua’n, kulpi det takte phiatna ding ah Pathian thilhithei tak chu ahi zawi.

⁵Lungthim ah ngaitua kawm ah mi nialna leh Pathian do-na ah kigêl thilsâng tak te chu suchim in, lungthim ngaituana zosia chu suak ah pui in Khrista thu ka nunsak sek ui.

⁶La thu awinau sukbukim ahi’phat leh, thu awi lona zosia phuba la dingin ka kisa zo zing hi.

⁷La mit muu ah thil umte chu en un. Kua’nle Khrista â hi ah a kiginchâk leh, zia hi kingaituau hen; ama chu Khrista â ahi gual in, kei uh le ka hiu.

⁸Nanghaw suksiatna ding hilo ah, nanghaw siamphatna ding ah thuneina LALPA’n ei piak hi suang diak leng unle zakcha pua’ng kau.

⁹Ka lekhathot ah hun suklau gua ka kilat lona dingin ka ti ahi.

¹⁰“A lekha zikte hi a gik in a khau ah, a taksa vang a jawngkhal ah, a paule a thasit um hi,” a tiu a.

¹¹Zia gual mite chun zia hi ngaituau hen, la kiang ua ka umlo lai ua lekhathot ah thu gual in, la kiang ua ka um phat ua leh thilbawl ing kau.

¹²Amau kigenphate lak ah chun ka kisim khawm ngam puau a, amau tawh ka kite’ ngam puau hi; ahi’n, amau leh amau ki-enchian in, amau leh amau kitêkak in lungthim neilo in a um ui.

¹³Keihaw vang, a khêl a vâl in kisuang pua’ng kau; nanghaw kiang tiang bep tung zo dingin, Pathian in gam ei piakna sung bep in um ding ka hiu.

¹⁴La kiang uh ka hung tun phâk uh hi ka gamgiu khêl lam hung tung ka hi puau hi; zia lam tiang tiang hi hung tung ah, Khrista Chanchinpha hung hil masa pen ka hiu hi.

¹⁵Midangte nasep gimna kisuanpi ah, a khêl a vâl ah kisuang ka hi puau hi; la ginnau a hung pun ah, la lak ua sepna ding ka gam uh a hung let jel ding chu ka kineppiu ahi;

¹⁶chutileh, midangte bial ah sepnasa kisuanpi hilo in, nanghaw khêl lam gam tiang ah Chanchinpha ka tâklat theina ding un.

¹⁷“A suang tapo in Lalpa chu suang tau hen,”

¹⁸Ama kigenpha chun pâkchât a law pua’n, LALPA’n a genphat te chun a law zaw sek hi.