Read Vaiphei 2 KORINTH 3 Bible Online

2 KORINTH 3 - Vaiphei bible

2 KORINTH 3

¹Keimau kigenphat pat kit gua ka hitau em? Ahiloleh, nang uh kiang ah piak ding a hem, la kiang ua kipat a hem genphatna lekha, mi khenkhat â ding ah a kûl gual in, kei uh â ding ah le kûl ding a hem?

²Nangmau hi ka lekhau chu la hiu; ka lunggil sung ua kizik, mi zosia het leh sim chu la hiu hi.

³Khrista lekha, keimau zik, lekhatui ah hilo, Pathian hing Thagau ah zik, suangpek ah hilo, lunggil suang pek ah kizik chu la hi zawu hi, ti a kilang tangal a.

⁴Pathian lam ah Khrista jal in zia gual ah taksanna chu ka nei uh ahi.

⁵Bangkim keimau ah kipat pawt gual in, keimau ka tin ui ti ka hi puai; ka tin zawnau chu Pathian ah kipat ahi zawi.

⁶Ama’n thuthung thak nasem dingin ei tinsak a; thu kizik hilo in, a Thagau nasemte hiding in. Thu kizik chun a that sek a, Thagau chun a hinsak sek hi.

⁷Mosi mêl a vak ziakin Israel mite’n a en thei puau a, zia lopina kha a mang hiai hiai ah; thina nasepna, suangpêk ah kizik bawn zia gual ah lopi chun a tun leh,

⁸Thagau nasepna chu bang gual ah lopi in a tung diam?

⁹Thiamlo chansakna nasepna bawn zia gual ah chu lopi ahileh, dikna nasepna chu lopi zaw ma ma in a.

¹⁰A lopi chu a lopi jaw’n a khel ta’n, lopina a nei ta puai.

¹¹A mang kit ding bawn lopi tak ah a tun leh, a um zing ding chu lopina thuam in um zaw ma ma in a.

¹²Zia gual ah kinepna chu ka nei ziak un ka hangsan uh ahi.

¹³Mosi hi’gual in ka hi’puau a; ama’n lopina mang hiai hiai kha a man tawpna Israelte’n a mu lona ding un a mai a khû hi.

¹⁴Himaleh, a lungthimteu chu a suktâk ua. Tu’ni tiang hin thuthung lui a sim phat ua leh mai khû’na chu a hawk ngai puau in, zia mai khû’na chu Khrista bep ah sukbei ahi.

¹⁵Tu’ni tiang hin Mosi lekhabu a sim phat ua leh, a lungthim uh khû’na a um zing in,

¹⁶Lalpa lam a ngat phat ua leh vang khû’na chu lâkmang a hisek hi.

¹⁷Lalpa chu zia Thagau chu ahi’n; Lalpa Thagau umna taphot in zalenna a um sek hi.

¹⁸Ei un vang mai khu’lo in, lîmet gual in LALPA lopina salvâk in, lopina kipat lopi zaw diak in, ama kibatpi hiding in LALPA Thagau ah hi’danglam in I um ui.