Read Vaiphei 1 THESSALONITE 1 Bible Online

1 THESSALONITE 1 - Vaiphei bible

1 THESSALONITE 1

¹Paul, Silvana leh Timothi in, Pa Pathian leh Lalpa Jesu Khrista jal ah Thessalonika khua kochuamte kiang in: Hepina leh chamna la kiang un um ta hen.

²Ka pauchapnateu in la min uh lam in, nang uh zosia ziakin Pathian kiang in kipak thu ka gen sek ui.

³I Pa Pathian leh Pa ma ah chun, ginna ziak ah la thilhi danteu, hepina ziak ah la sepgim danteu leh, I Lalpau Jesu Khrista ah kinepna ziak ah la thok-hatnateu chu ka hezing ui;

⁴suapi Pathian doitakte haw, a hun têldaw la hiu chu ka hezing ui.

⁵Ka chanchinpha gen uh kha thu bep in la kiang un a hung tung pua’n, thilhitheina leh Thagau Thiangtho leh hetchianna tak tawh a hung tung zaw ngal a; nang uh â ding ah bang tawhbang mi ka hiu em ti la hiau hi.

⁶Thu chu sukgentheina thuak kawm in, Thagau Thiangtho ah kipak tak in la pom ua, kei uh leh Lalpa umdan zuitute la hitau hi.

⁷Tichun, Makedonia gam leh Akaia gam ah gingtu zosia etton la hung hitau hi.

⁸Lalpa thu chu nangmau ah kipat in a kithangdok tangal a. Makedonia gam leh Akaia gam bep ah le hilo in, Pathian la gindan uh chu mun tin in a kithang ta ahi; kei uh gen a ngai ta puai.

⁹Amau ngei in, nanghaw’n lei la lop dan uh, milimte ah kipat Pathian lam ah, Pathian hing leh dik tak nasêm ding ah la kihei dan uh chu a gen tau hi.

¹⁰A Chapa Jesu, mithi lak ah kipat a kaithawkitpa chun, lungnatna hung tung ding lak ah ei hukdok in, van ah kipat a hung kitna ding chu ngak in la um tau ahi.