Read Vaiphei JOSHUA 16 Bible Online

JOSHUA 16 - Vaiphei bible

JOSHUA 16

¹Joseph phung ah mite gam ding ah kipiakna chu, Jeriko khua jawn ah Jordan lui ah kipat in gamthip lam, sualam pang Jeriko tui mun chan in; Jeriko khua kipat in thingtâng gam ah Bethel tiang in a chia to pek a;

²Bethel ah kipat in Luz tiang kithung in, zia kipat chun Arkhite gam ah Ataroth gam paltheng in,

³tumlam ah Japhlette gamgi Beth-horon nuai lam ah Gezer tiang in a kithung suk pek ah, Tuisuagiat in a tawp hi.

⁴Joseph suante — Manasseh leh Ephraim te chun zia tak chu gochan dingin a lua tau a.

⁵Ephraim phung ah mite, a Inkuan dungzui chiat ua a luanau gam chu ziate hi ahi: Sualam ah a gamgiu chu Astaroth-addar ah kipat Beth-horon chungnung zaw tiang in a chia a;

⁶chuleh, Tuipi tiang in a chia pek ah; a mallam in Mikmethath a um a; sualam ah Taanath-shiloh lam a zuan ah, zia chu chia theng pek in, sualam ah Janoah tiang in a kithung a;

⁷chuleh, Janoah mun ah kipat in Ataroth lam zuan in Naarah tiang ah chia in, Jordan lui ah tawp dingin Jeriko a haw malam hi.

⁸Tappuah kipat tumlam zuan ah chia in, Kanah luicha dungzui pek in Tuipi in a tawp hi. Zia gam chu a Inkuan dungzui ua, Ephraim phung ah mite’n go ah a luana ding ua piak chu a hiu a;

⁹Manasseh suante chanvo lak ah Ephraim suante â ding ah, khawpi guat chuam piakte tawh a khawpel zosiau tawh a hiu a.

¹⁰Gezer khua um Kanaan mite chu vang a nawdok puau; tichun, Kanaan mite chu Ephraimte lak ah nasêm ah gawi dingin, tu’ni tiang hin a chêng den tau hi.