Read Vaiphei 2 THESSALONITE 1 Bible Online

2 THESSALONITE 1 - Vaiphei bible

2 THESSALONITE 1

¹Paul, Silvana leh Timothi chun, Pathian I Pau leh Lalpa Jesu Khrista ah Thessalonika khua kochuamte kiang a:

²Pa Pathian leh Lalpa Jesu Khrista kiang ah kipat in, hepina leh chamna la kiang un um ta hen.

³Suapite haw, nangmau chung thu ah hin Pathian kiang ah kipak thu gen ding him ka hiu; zia chu hi’ding ah kilawm him ahi, la ginnau chu nasa tak ah khang in, la leng ua la kihepi tua chiatnau chu a khan belap zing ngal a.

⁴Tichun nangmau a hun sukgentheinateu ah la kukãl dan uh leh la gindan uh zosia ziak ah, Pathian kochuam pawlte lak ah chun ka hun suang sek uh la hiu.

⁵Ziate chu Pathian gam â ding ah guat tâk la hi’theina ding ua, Pathian vaihawm dikna tepte’na kichian tak ahi, ziate ziak ah chu thuak la hiu.

⁶Nangmau hun sugentheite gim umna ah thukkit chu, Pathian in dik in a ngai ahi.

⁷Lalpa Jesu van ah kipat vansawlchâk hat takte tawh meikuang ah a hung kilâk phat leh, nang uh gimthuak ah umte chu kei uh tawh chawldamna ei piak ah,

⁸Pathian helo mi leh I Lalpa Jesu chanchinpha ginglote chung ah phuba a lâk ding chu;

⁹amau chun kumtuang ah manthaina, gawtna leh Lalpa umna kipat leh a thilhitheina lopina kipat pâmpaina thuak intiu in;

¹⁰a mithiangthote suklopi ah um ding leh, ka hun thu hiatsak uh gin ziak ah a gingtute zosia lamdang sak ah um ding ah a hung phat leh,

¹¹chutia, suklopi leh lamdang sak a hi’theina ding ah I Pathian in nangmaule ko tâk him a hunsak theina ding leh, phat nopna zosia leh ginna nasepna zosia ah thilhitheina a hun lawtinsak theina dingin, ka hun pauchap piak zing sek uh ahi.

¹²Chutichun, I Pathian leh Lalpa Jesu Khrista hepina dungzui in, I Lalpa Jesu min chu nangmau ah suklopi ah a umtheina ding leh, nangmaule ama ah suklopi ah la umtheina ding un.