Read Vaiphei 2 THESSALONITE 2 Bible Online

2 THESSALONITE 2 - Vaiphei bible

2 THESSALONITE 2

¹Suapite haw, I Lalpa Jesu Khrista hung kitna leh ama tuak ding ah I kikhopna ding thuu ah chun,

²Lalpa ni chu a tung zo tai ti’na thagau in a hem, thu zik in a hem, keimau ah kipat hileh kilawm lekha thotte ziakin a hem, la lungthim uh a kilîng lo ding leh buai lo dingin ka ni’ la hiu.

³Kuama’n bangma chan hun thêm kiu hen; puksanna a hung tun masak phot ah, Dan Susepa, mangthai chapa chu a hung kilat lo leh zia ni chu hung tung lo ding ahi ngal a.

⁴Ama chun, mite’n Pathian ah a ngai taphot uh leh, mite biak taphot chu dodâl in, ama kichawisâng intin; tichun, Pathian tempul ah chun Pathian gual hial in kitungdok in a.

⁵La lak ua ka um lai ah khanle, zia thute chu ka hun hil sek kha la hezing puau em?

⁶Ama chu a hun tak ah a hung kilat theina dingin, tu’hin bang in a dâl em ti la hiau ahi.

⁷Dan bawsiatna thugûk chun tu’hin le a sêm zing ahi; himaleh, lakmang ah a um masang sia chu, tu’hin a tutâng tadi hi,

⁸Zia chu lakmang ahi’phat leh, dan susepa chu hung kilang intin, Lalpa Jesu’n ama chu a kam ah hu thâ khum in that intin, a hung kilâkna chun hi’mangthai in a.

⁹Zia dan susepa hungna chu Setan sep dan dungzui in, thilhitheina zosia, tepte’na zosia, juau thilmakte tawh,

¹⁰mangthai zingte â ding ah dawha gilo chitin tawh hi’n a; hukdam ah a umtheina ding ua thutak hepina chu a pom lo ziak un.

¹¹Ziaziakchun, juau thu a taksanna ding un, Pathian in diklona nasep chu a kiang un tunsak in a.

¹²Thutak ginglo ah, diklona kipak zaw te’n thiamlo a chan chiat theina ding un.

¹³Lalpa ah suapi doitakte haw, Thagau Thiangtho leh thutak ging ah hi’thiantho ah hukdam ah um dingin, a tîl ah kipat Pathian in a hun têl ziakin, la chung thuu hin vang Pathian kiang ah kipak thu gen zing ding him ka hiu.

¹⁴Zia gual ding ma ah chun, ama chun ka chanchinpha gen uh, I Lalpa Jesu Khrista lopina chu chang dingin a hun ko hi.

¹⁵Chutichun, suapite haw, lekha a hem, kam a hem ah thugosia ka hun genteu kha tudet in ding det un.

¹⁶Tichun, I Lalpa Jesu Khrista ngei leh, Pathian I Pau, ei hepipa leh hepina ziak ah kumtuang ah thamuanna leh kinepna ei pepa chun,

¹⁷la lunggil uh thamuansak in, nasep pha leh thugen in hun sudet ta hen.