Read Vaiphei 2 TIMOTHI 3 Bible Online

2 TIMOTHI 3 - Vaiphei bible

2 TIMOTHI 3

¹Zia hi he ta’n: ninunung ah te chun hun haksa tak hung tung ding ahi.

²Mite chu, ama bep kihepite, dangka ngainate, kiphatsakte, lochalte, mi hosiat chîngte, nu leh pa thumanglote, kipakna châng helote, thiangtholote,

³hepina pianpi neilote, kihochampi theilote, migensiat hatte, kisûm theilote, mi huhamte, phatna doilote,

⁴juauhatte, thunung ngaitualote, kimisakte, Pathian hepi sâng ah ama kinoptelna ngaina zaw te;

⁵pawlam bep ah Pathian ngaisak, himaleh a thilhitheina taksanglote hi ding a hiu. Zia gual mite chu kiheisan in!

⁶Zia gual mite chu Insung ah te lût ah, numei ngolte sal ah man sekte chu a hiu ah, amau chu a gitlonau in a chup, nopna zosia ah pui mang,

⁷ziltil ah um zing ngal ah thutak hetdaw’na nei theilote a hiu.

⁸Janes leh Jambreste’n Mosi a kilanpi gual uh khan, zia mite hinle thutak chu a kãl sek ui; lungthim buak sa, ginna lêm nei mi a hiu hi.

⁹Ahi’n la, masawn zing pua’n au, zia mi panite gual ah khan, a ngolnau chu mi zosia mu in hung kilang ding ahi.

¹⁰Nang in vang ka hun thuhilte, ka umdan, ka hinkhua thiltup, ka ginna, ka dawtheina, ka hepina leh ka sekdonate hi la musa ahi’n,

¹¹sukgenthei ah ka umnate leh, Antiok, Ikoniam leh Lustra ah ka chung ah thiltung ka la thokgimnate kha tawh. Sukgentheina nasa tak ka la tuak hi! Himaleh, zia zosia ah kipat chun LALPA‘n ei la hukdok hi.

¹²Ahi, kuale Khrista Jesu ah Pathian ngaisak ah um gaw tapo chu, sukgenthei hiding a hiu.

¹³Ahi’n, migilote leh miphalêmte chu hung khawk zaw deu deu intiu in; mi thêm in, amau le thep zaw in um in au.

¹⁴Himaleh, nang vang, kua kiang ah zil la hem ti kihia’n, la zil leh la hetchiante ah chun umzing in,

¹⁵chuleh, Khrista Jesu ginna ziak ah hukdamna lam ah hun hil pilthei, Lekha Thiangtho kha la naupan lai ah kipat la het ahi tai, ti hezing in.

¹⁶Pathian Lekha thu zosia hi Pathian hat khum ah kizik ahi’n, thuhilna, zilgaina, bawl phatna ding leh dikna lam kizilna dingin a phachuam hi;

¹⁷Pathian mite zosia chu thiam tak, nasep pha chitin sêm ding ah kithuam bukimsa a hitheina ding un.