Read Vaiphei TITA 3 Bible Online

TITA 3 - Vaiphei bible

TITA 3

¹Kuale a chung ua vaihawmte leh thuneite nuai ah kitulut ding leh, thumang ding leh, napha taphot sêm ding ah kisazo ding leh,

²kuama gensia lo ding leh, kinak haisan ding leh, nunnem ding leh mi zosia kiang ah thunuaigolna tâklang dingin hil kit in.

³Eihawle malai ah khan mingol tak, thu awilo, thep zaw ah um, gilo leh mitthîp hatte, huat ah um leh kihawtua ah umte I la hiu a.

⁴Himaleh, Pathian, I Hukhingpau in mihingte a lungsiatna leh hepina a hung latsak nung ah hin,

⁵dikna lam ah I nasep dawteu ziak hilo in, tui ah silthianna leh Thagau Thiangtho ah siamthakna chun a jangaina dungzui in ei hukhing ta.

⁶Zia Thagau chu I Hukdampau Jesu Khrista jal in nasa tak in a hun buntha ta ahi.

⁷Tichun, a hepina thiamchansak ah um in, kumtuang hinna kinepna dungzui in golua ah siam I hithei tau hi.

⁸Pathian gingtate chun nasep pha chu sêm ah a pilvâng diu ahi, ti hi thu ginum tak ahi: Zia thu chu hangsan tak ah gen dingin ka dawi la hi. Zia thilte chu mihingte â dingin a pha’n, a phachuam ma ma hi.

⁹Ahi’n, dotna ngolhuaite, phung thute, kinialnate, dan thu ah kinaknate chu kiheisan in; zia chu phatchuamna bei leh bangmalo mai ahi.

¹⁰Gindan diklo mi chu khatvei nivei la hil nung in limsak ta kin.

¹¹Zia gual mi chu lungthim diklo leh gilo a hia, ama leh ama maw a kichansak ta ahi.

¹²Artema a hem, Tukika a hem la kiang ah ka hun sawl phat leh, Nikopoli khua ka kiang in hung têi in, zia tak ah chun phalbi sung um ka guai.

¹³Zenas, danthiam leh Apollo kha a khualzinnau ah bangma a tâksap lona ding un a la panpi in.

¹⁴Chuleh, I mipiteu khan ga sua lo ah a um lona ding un, thil mamawte sêmdok dingin nasep pha sep dan zilsak in.

¹⁵Ka kiang ah um zosia hin chibai a hun bûk ui. Ginna ah ei hepite kha chibai ka bûk hi. La leng ua kiang in hepina um zing ta hen! Amen.