Read Vaiphei HEBRAITE 6 Bible Online

HEBRAITE 6 - Vaiphei bible

HEBRAITE 6

¹Chutichu ahiziak in, Khrista thugin thubul lam chu taikhel in, pitinna lam chu zuan hitiu; nasep thisate haisan ding thu leh, Pathian lam ginna ah te kibulpat kit kit talo in,

²baptisma thugin thu, khutngat thu, mithi thawkitna thu, kumtuang vaihawmna thute kihil thak kit talo in.

³Pathian in pha a sak leh zia chule bawl hitiu.

⁴Ahi’n, khatvei lungthim sukvak ah um a, van thilpiakte le tep kha ta, Thagau Thiangtho chanpi ah um kha tate,

⁵Pathian thuphate leh a hung tung ding thihitheina tep khate chu,

⁶ziate chun a pûksan kit ua leh vang, a lung hei kitna ding un siamthak kit ding gual a hita puau hi; Pathian chapa chu amau â ding ah khetden kit leh sukmualpho kit ahi tâk ding ziakin.

⁷Lei in gawtui chu a la dong zing ah, lou bawlte â dingin nêk ding anche lohing a piansak ah, Pathian in lei chu a maljawl hi.

⁸Ahi’n la, hampa lingnei leh phuaite kêdawna chu nol in a um sek ah, hânsia law ngak in a um ah, a tawp leh mei ah hâltum ahi mai sek hi.

⁹Himaleh, doitakte haw, zia gual thu chu gen maleu hing, nanghaw vang zia sâng ah phazaw, hukdamna tawh kiton thilte chu la bawl uh ka gingchau hi.

¹⁰La nasep uh leh hepina ziak ah la sepgimnau, ama min ah la latsak uh, mithiangthote chung ah la nasepteu, tu’tiang ah le la sep zing uh chu hemil dingin Pathian chu mi diklo ahi puai.

¹¹Ahi’n, a tawp tiang in kinepna bukim mu dingin, la taimat gual uh khan taimat suazaw diak dingin ka dawi la hiu hi.

¹²Thada kiu inla, ginna leh thok-hatna ah thutiam changte kha zui zaw tau in.

¹³Pathian in Abraham kiang ah thu a tiam lai khan, a sâng ah lopi zaw a umlo ziakin ama leh ama a kitiam a.

¹⁴“Matheilo in hun maljawl in, hun hi’pung ding ka hi,” ti in.

¹⁵Abraham chun gunchu tak ah a thok nung in zia thutiam chu a la chang tai.

¹⁶Mihingte’n a lopizaw te min sal in thu a tiam sek un, zia kitiamna chun kinialna zosia a tawp sek hi.

¹⁷Tichun, Pathian in kitiam hial ah a lemguatna a sukdet chu, danglam lo ding ahi dan, a thutiam changte kiang ah hin a hiatsak nop ziakin a kitiam zaw ahi.

¹⁸Pathian chu zuau gen ding gual a hilona chu, thil danglam theilo pani ziakin ei uh kihumbitna delte’n, I mau ah kinepna a koi chu chang ding ah tilkhona thupi tak I neitheina ding un.

¹⁹Zia kinepna chu hinna kuang tukdetna in I nei un, muan um leh det tak ahi, zia chu puanjak sung inle a lut tai.

²⁰Zia chun Jesu, Melkisedek gual ah kumtuang thiampu lianpen a la hita chu, ei uh â dingin puanjak sung in a la lut tai.