Read Vaiphei 1 JOHAN 1 Bible Online

1 JOHAN 1 - Vaiphei bible

1 JOHAN 1

¹Hinna thu, a lim ah kipat a la umsa, kei un ka la het uh, ka mit ua ka muu, ka la et zing uh, ka khut ua ka khoi uh zia hinna chu a hung kilang ta’n, ka la mu tau a;

²Zia kumtuang hinna, Pa kiang ah um leh kei uh kiang ah latsak ah um ta chu la kiang un ka tâklang tau hi:

³Kei un ka musau leh ka hiatsau ma chu la kiang unle ka tâklang uh ahi: Tichun, nang unle kei uh tawh kipawl khawmna la neitheina ding un; I kipawl khawmnau chu, Pa tawh, Chapa Jesu Khrista tawh ahi.

⁴I kipaknau a bukim theina dingin zia thute hi ka hun zik uh ahi.

⁵Thu vaithâk a kiang ah kipat ka het uh ka hun hilsawn uh chu zia hi ahi: Pathian chu vâk ahi’n, ama ah chun thim him him a um puai, ti hi.

⁶Thim lak ah um ngal in, ama tawh ka kivop zing ui, tileu hin, juau gen I hiu a, thutak le I zui puau hi.

⁷Himaleh, ama chu vâk ah a um gual in, eimau le vâk ah I um uh chun, I kipawl khawm zing un, a chapa thisan in I gitlonau zosia ei silthian piak jel hi.

⁸Gitlona ka nei puai ti taleu hin, eima leh eima kithêm I hi’n, thutak chu eimau ah a um puai.

⁹I gitlonau thupha I choi uh chun, I gitlonateu ngaidam ding leh, I dik lona zosiau silthiang dingin ama chu a ginum in a dik hi.

¹⁰Thil ka hi’khial puai I tiu chun, ama chu juauthei in I siam un, a thu le eimau in a um puai.