Read Vaiphei VAIHAWMTE 5 Bible Online

VAIHAWMTE 5 - Vaiphei bible

VAIHAWMTE 5

¹Zia ni chun, Deborah tawh Abinoam chapa Barak chun zia La hi a sa tau hi:

²“Israelte lak ah kithutuakna a um zing in, mipite kiphal tak ah a hung kipiakdaw phat un, LALPA chu pâk un!

³Aw, nanghaw lengte haw, aw leng chate haw ngai un: LALPA pâkna La sa’ng ka tin, LALPA, Israel Pathian choihoina Lâ chu sa’ng ka.

⁴LALPA, Seir ah la hung pawtdok ah, Edom gam ah kipat la hung kuandok lai khan, lei hi a kithing hen, vante a nîm hen, sûmpi’n gawtui a zuksak hi,” a tia.

⁵LALPA, Sinai tâng ah mi, Israel Pathian LALPA âng ah chun, tângte le a kithing hi.

⁶Anath chapa Shamgar hun lai ah, Jael hun lai ah chun, a hon ah gâljamte a chawl un, khualzinte’n lampêl a zui ui.

⁷Nangma Deborah, Israelte nu ding ah la hung kipatdaw ma sia’n, Israel gam ah lounei mite a mi suam ah; kivâk thau in a hausa deu deu tau hi.

⁸Amau in pathian dang a têl zawk phat ua leh, kêlkot bul ah kido’na a um sek in. Israelte sîng li lak in, lum leh phaw khat chale mu in a um ah a hem?

⁹Ka lungthim chu Israel sepai hotute leh, mipite lak ah kipat thanuam tak ah, hung kipete kiang ngei in a kuandok hi. LALPA chu pâk un.

¹⁰Nanghaw sabiltung kâng chung ah chuangte haw, nanghaw puanpha sâ tak chung ah kichute leh, lampi chiate haw, ngaitua tiam un.

¹¹Tui mun ah thil tumgite’n, LALPA gualzawna chu a vêl vêl in a gen un; Israelte lak ah lou bawl mite gual zaw’na ngei chu ahi. LALPA mite chu khawpi kotkhak bul tiang in a chia suk tau hi.

¹²Tho in, tho in Deborah! Tho in, tho inla La sa’n! Kipan in aw Abinoam chapa Barak, la salmatte chu pui mang ta’n.

¹³Milopite lak ah um nalai sunte chu a hung kuan suk un; mihat do dingin LALPA mite chu a hung kuan suk ui.

¹⁴Ephraim ah kipat in phâijawl a hung tung suk un, la nung in Benjamin leh la chanaute a hung ui; Makir ah kipat in sepai hotute a hung suk un, Zebulun ah kipat in vaihawmna tiang chawite a hung kuan suk ui;

¹⁵Issakhar phung ah upate chu, Deborah tawh a hung kiton un; Issakhar chu Barak a dingin a ginum in; phâijawl ah chun a khawtalzum uh a hun chuan zui ui. Reuben phungte lakin vang, lungthim ah kingaituana nasa tak a um hi.

¹⁶Bang ding ah belam huang ah, belam hon kokhawmna lilu git bep ngai ding ah um la hiu em? Reuben phungte lakin vang, lungthim ah kingaituana nasa tak a um hi.

¹⁷Gilead chu Jordan lui gâl lam in a chawl muang ta’n; bang ding ah Dante chu long chung ah um den ziang la hitau em? Asher chu tuisuagiat se’pho ah um hiat hiat in; a cholmun in a chêng den tai.

¹⁸Zebulun chu thi ngam in a pang ah, Naphtali le thi ngam in kido’na phual in a pang hi.

¹⁹Megiddo luicha leh Taanakh munte ah, lengte hung kuan in gâl a do un, Kanaan lengte chu a do tau ah; gâl lâk dangka bangma a la puau.

²⁰Van ah kipat aksite’nle a hun do un, amau mun chiat ah kipat in, Sisera a hun do chiat ui.

²¹Kishon tuikhang in amau a tok mang in, tuikhang hung luang suk, Kishon tuikhang ngei chu. Aw ka hinna, hat tak in chia pek in!

²²Sakol hat tak ah taigi, a kengta git leh, sakol chot git a ngai hi.

²³LALPA vansawlchâk in: LALPA panpi ding leh, mihat do ah LALPA la hung panpi lo ziak un, nang Meroz, hânsiadong inla, la sung ah chêngte chule, huaisia tak ah sapsiat hitau hen.

²⁴Kent mi Heber ji Jael, puanbûk ah chêngnu chu, numei lak ah mi vangpha pen hita hen.

²⁵Tui donpa kiang in bawngnawi a pia’n, lal no in bawngnawi kîng a pia’i.

²⁶A khut langkhat ah puanbûk hênna thikzum chawi in, a changlam khut in sektum a chawi ah; Sisera chu a khên ah, a luchang a vaw kêk ah, a ngeibiang chu lei tual tawh a kildên tai

²⁷A chutha’n, a kipûk ah, thi dingin a kipêk ah, numei kengbul in a kizam den tai; numei kengbul ah chutha’n, a kipuk tai; a chutsukna mun in a thiden tai.

²⁸Sisera nu’n tukvan in a thîl zing ah, bâng awngkâl in a en zing ah: “Bang ding ah a kângtalai hung tung hak a ta dia aw? Bang ding ah a kângtalai keng git kihe nai lo ahi dia aw?” a ti’n.

²⁹A numeite lak ah pilpente’n a dawnhuu ah, ahi, ama leh ama a kidawnhu ah:

³⁰“A gâllâkteu kihawm zo nai lo a diam uh aw? Mi tin in nungak khat leh ni bêk a chang ding awm; Sisera â ding ah puan man tam leh, ka ngawng aw ding gâl lâk lak in puan man tam leh jem hoi pani bêk a hung chang paw diam aw?” a ti’n.

³¹AW LALPA, zia gual chun, la gâlte zosia mangthai tau hen! Himaleh, la gual leh pâite chu vang, jingkal ni suak vak hoi tak gual chu hitau hen, ti in. Tichun, gam chu kum sawmli sung gâl muang tak in a um tai.