Read Vaiphei THUPUAN 6 Bible Online

THUPUAN 6 - Vaiphei bible

THUPUAN 6

¹Tichun, Belamno chun tepte’na pasagite lak ah pakhat chu a hun thap lai tak ka mu’n; ziaphatchun, thilhing palite lak ah pakhat chun, aw van git tawhbang in, “Hung inla, hung en in,” ei ti ka hia.

²Ka vak et leh, sakol kâng pakhat ka mu, a chung ah chuangpa chun thalpi pakhat a nei a; chun, lallukhuk pakhat a hun piau a; zo ding leh zo pek dingin a kuandok ta.

³Tepte’na panina chu a vak thap kit leh, thilhing panina chun, “Hung inla, hung en tiam in,” ei ti kit a.

⁴Sakol chuam dang khat a hung pawt ah, zia chu a san a hia; a chung ah chuangpa kiang ah chun, lei ah kipat kichamna lakdawna ding leh mi kithatuasak theina ding ah thilhitheina piak ahia; chuleh chemjam lian tak khat le a hun piau a.

⁵Chun, tepte’na pathumna chu a hun thap kit leh, thilhing pathum na chun, “Hung in,” ei hun ti ka he kit a. Tichun, ka vak et leh, sakol vom khat ka mu; a chung ah chuangpa chun a khut in bûkna a chawi a.

⁶Thilhing palite lak ah aw hileh kilawm in, “Gehu bu tê’na khat ni khat law ding, barli bu te’na thum ni khat law ding, thau leh uain kha vang susia kin,” ei ti ka hia’n.

⁷Chun, tepte’na palina chu a hun tham kit ah; ziaphatchun, thilhing palina chun, “Hung in,” ei ti ka he kit a.

⁸Tichun, ka et leh, sakol dâng khat ka mu kit ah; a chung ah chuangpa chu Thina a kiti’n; mithikhua chun a hun zui a. Chemjamte, kialte, hipite leh gamsate mang a lei mun li khen mun khat chung ah, mite thâ theina ding thilhitheina piak ahi.

⁹Chun, tepte’na pangana chu a hun tham kit a; ziaphatchun, mâichâm nuai ah chun, Pathian thu ziak leh a thugin uh a tûkdet ziak ua thâ ah umte thagau chu ka mu’n.

¹⁰Amau chun aw ngai tak in, “Aw Lalpa, thiangtho leh dik tak, lei ah umte chung ah ka thisan phubau chu la lo leh vaihawm lo a bang chan um nalai ding la hem?” ti’n a kiko ua.

¹¹Amau chu puan vâm a hun pechiat ua; chuleh, a kiang ua a suak chanpiteu leh a unauteu, amau gual ah tha a hung um dingte chu a hung kim masang siau ngak tadi dingin a hil ua.

¹²Chun, tepte’na pagukna a phel lai tak ah chun, linlîng nasa tak a hung lîng a; chun nisa chu saidip puan vom gual in a hung vom ta, chuleh thapi le thisan a hung bang ziang tai.

¹³Van ah aksite chu theichang kung thigawpi’n a mût ah, a hûtte a pul gual in leitual in a pul tai.

¹⁴Van chu lekhabu zial gual in a hung kizial mang a; tâng leh tuikual khum gam zosia le a umnau ah kipat chawn mang in a um zo tau a.

¹⁵Ziaphatchun, lei ah lalte leh milopite, mihausate leh mithuneite, mihat leh suak leh suaklote, tâng ah suangpite leh kawlhawm ah te chun a kisel tau a.

¹⁶Mual leh tâng leh suangpite kiang ah chun, “Lalchutpha kichupa mit mu leh Belamno lungnatna kipat chun ei sêl unla, ei deldên ta un:

¹⁷A lungnatna ni lopi chu a hung tun tâk hi, kua a hem pang zo ding?” a tiu a.