Read Vaiphei 1 SAMUEL 27 Bible Online

1 SAMUEL 27 - Vaiphei bible

1 SAMUEL 27

¹David in a lungthim in, “Saul khut ah hin chu ni khat vang thi ngei ding ka hi; kei â dingin Philistinte lak ah kisel khêl ah phazaw a um ta puai; chutileh, Saul in Israel gam paw lam ah ei delzui thei talo ding ahiziak in, a khut ah kipat suakcha hi mai ding ka hi,” ti a ngaitua a.

²Tichun, David a kipandok ah, a kiang ah um sepai za guk chu tawh, Gath khua Maoth chapa, Lengpa Akhish kiang in a chia tau hi.

³David chu Gath khua Akhish kiang in a um den ta’n; ama tawh, a sepaite tawh, mi tin a Inkuanteu tawh, David le a ji te ni, Jezril ah Ahinoam tawh, Karmel ah Nabal meithâi Abigail tawh a um den tau.

⁴David chu Gath khua’n a jam hi ti Saul a hil phat un a hawl ta puai.

⁵Ziaphatchun, David in Akhish kiang in, “La lungsiatna dong tâk ah lei ngai ahi chun, thingtâng gam ah khua pakhat ka chênna ding uh ei pia’n; bang ding ah zia gual ah hin la suakte hi, lengpa khawpi sung ah chêngkhawm ziang thei ding ka hiu em?” ti’n a don tai.

⁶Tichun, zia ni chun Akhish in Ziklag khua chu a pia ta’n; ziaziakchun, tu’ni tiang hin Ziklag khua chu Judah lengte a chan den khawlaw tau hi.

⁷Philistinte gam ah David châm sung chu kum khat leh tha li a ting hi.

⁸David leh a lawite chu a kuan to un, Geshur, Girzi leh Amalekte chu a vado un; ziate hi Telam ah kipat Shur lampi leh Aigupta gam lam tiang ah a la chêngte chu a hiu a.

⁹A gam vasim in, numei pawsal pakhatle hawi lo in a that ah, a belamteu, a bawngteu, a sabiltungteu, a sangawngsauteu leh a nîk leh puanteu chu hun la’n, Akhish kiang in a hung kit tau a.

¹⁰Akhish in, “Tu’ni’n kua sim ah kuan la hiu em?” ti a dot phat leh, David in, “Judea Negeb,” ahiloleh, “Jerahmeel Negeb,” a hem, “Kent te chênna Negeb,” tite hin a dawnhu jel sek a.

¹¹Gath khua lam ah chun, numei hi’n pawsal hileh, Ka chanchin uh hil ah, “David in zia gual hin a bawl hen,” ti ah thu tut thei ding kuama a hing in a pui tung ngai puai. Philistinte lak ah a chên sungsia chu zia gual ngen ah chun a la bawl sek hi.

¹²Akhish in David chu a taksang ma ma ah, “A chipi Israelte â ding ah huat um tak ah a kisiam tâk ziakin, ka suak in um den ta ngei in ah,” ti’n a ngaitua tai.