Read Varisi Matiu 1 Bible Online

Matiu 1 - Varisi bible

Matiu 1

¹Iadena tutusi na sinaqe ia Jesu Kristo, i reqe me sinaqe ia Davita, Davita ireqe me sinaqe ia Abraam.

²Abra-am i tamana Aisak, Aisak tamana Jekop, Jekop tamaqira ria tamakenaro Juda.

³Juda i tamaqiru Perezi mana Zera, sinaqiru to Tama. Perezi i tamana Iziron, tamana Rama.

⁴Rama i tamana Aminadab, Aminadab tamana Neson, Neson tamana Salemon.

⁵Salemon i tamana Boazi, sinana to Raab, Boazi tamana Obeti, sinana to Ruti, Obeti tamana Jese,

⁶mana Jese i tamana batu lavata Davita, Davita i tamana Solomon, sinana ne, qole bana ia Uria.

⁷Solomon i tamana Reoboam, Reoboam tamana Abaiza, Abaiza i tamana Asa.

⁸Asa i tamana Josepat, Josepat i tamana Joram, Joram i tamana Uzia.

⁹Uzia i tamana Jotam, Jotam i tamana Aaz, Aaz tamana Ezekia.

¹⁰Ezekia i tamana Manase, Manase i tamana Emon, Emon tamana Josia.

¹¹Mana Josia i tamaqira ria tamakena ro Jekonaia. Gonae i doka ṉalu iri pala va bori qira za Babiloni.

¹²Taramuzina pala vabori iri vae qira za go Babiloni, Jekonaia i tamana Silitel, Silitel i tamana Zerubabel;

¹³Zerubabel i tamana Abiud, Abiud i tamana Eliakim, Eliakim i taman Azo.

¹⁴Azo i tamana Zadok, Zadok i tamana Akim. Akim i tamana Eliud.

¹⁵Eliud i tamana Eleaza, Eleaza i tamana Matan, Matan i tamana Jekop,

¹⁶mana Jekop tamana Josepo valeke ia Maria, mana Maria iva podo Jesu Kristo.

¹⁷Iago pasi i reqe me Abra-am lama dokae Davita, i manoga kavasi takopona, mana reqe Davita lama dokae ṉalu iri pala va bori qira za Babiloni, i manoga kavasi napu takopona. Mana reqe pala iri vae qira za Babiloni lama dokae de i koe Kristo i manoga kavasi napu takopona go.

¹⁸Iadena to de igo, i podo go Jesu Kristo. Sinana Jesu, Maria i tamatura Josepo, do kenaqana go ia iru ara busi go, Maria i pala ze sale ia de ikoego moqere ia Spirit tabo.

¹⁹Josepo valeke ia Maria, tanego i valeke totoloṉo i nanao mara kasi ne Maria igo.

²⁰Josepo i vanama neto tina kasi ne Maria, do aqelo ia Batu ne i lama sadake de ikoego ia loborona kukureka, i sine ne ia, “Josepo sale ia Davita, oniki sareki, lulua Maria i qole ogoto aro, tanego sale i kakate go nae, i zazu ia Spirit tabo.

²¹Maria tina vapodo kameka sale valeke mana ono vitoṉo ze Jesu, tanego iato tina vakavele qira go basoero ia sauna vasakata pata ro ria.”

²²Osina pataro dena i sadaka, go pataro iva rove qirae go propetaro Batu ne, tina lama ogoto, igo de,

²³“Qole suka iara kaebo soba na valeke, tina kakate mana tina vapodo kameka sale veleke, mana tina vitono ze Imanuela,” vitoṉo dena talupasana, “God i ko tavisi qita.”

²⁴Ṉalu Josepo i dogara me, i lulua seko i sine ne go aqelo ia Batu ne, mana i busia to Maria go.

²⁵Do Josepo iki kamuku tavise kaega Maria go i za doka go ṉalu ivapodo go kameka sale valeke ia ne, mana Josepo i vitoṉo ze ia Jesu.