Read Varisi Luka 21 Bible Online

Luka 21 - Varisi bible

Luka 21

¹Jesu i rereṉa mana i mia qira vano vavagado iri vana ne go sosovolomo ro ria loborona pata tarutaru kesa ikoego loborona Pade Lotu ne,

²gonae i mia napua kameka qole nanaro, i kaega neto kapata, ilete situ sakata to, i lama vana ne karua senti, niko sivala nego.

³Jesu igo dena, “Ma sine ne qamu, qole nanaro dena ilete soso valavata, i sivala ne qira to osiqira vano iri vana nego sosovolomo ro ria go.

⁴Tanego topu ria iri soso go dena, iri soso ne pata ni ko sivala ne pata vavagado ro ria, do qole situ dena, i soso lupo neto pata tina too ne go.”

⁵Kakiaro ria disipoloro ne iri pepeua de igo Pade Lotu ne, deni gogo menomeno na, ipaka velavelaka ro ni koego mana sosovolomo ro ria basoero ne deni koego God. Do Jesu igo dena,

⁶“Osina pataro qamu mia go dena ne, tina lama doka ṉalu tinara za lama go, kaega kaki ipaka suka tina ko sivale go deni ko banae go dena, osina pataro ne tarina gole qiso lupo ne.”

⁷Gonae iri tana ne Jesu, “Valeke vari vatatana, iri go, ava ṉalu to tina lama sadaka go pataro igogo ne? Mana ava lalana tina sadaka go, go timuna mazala go mia rove na remu lama sadaka na pataro nigogo ne?”

⁸Jesu i sine ne qira, “Muna miasoka, mara kasi va qalo qamu, tanego topu ria basoero ne tarina va zazua vitoṉoqu era, mana tarina sine, ‘Era to qa Kristo! Osina pata i lama doka to!’ Do muniki vaogoto qira.

⁹Muniki sareki ṉalu qamu gata go tarama na kana, ba basoero iri varitarae dekoe qavuna ria. Pataro dena tina sadaka kenaqa bana so, do iadena iki talupasa na kaega vudu ne i garogaro to lama lupo.”

¹⁰Ia i sine napua, “Basoero na kaki komala tarina varitarae de iri koego basoero na kene komala, basoero na kaki vudu tarina varitara napue dekoe basoero na kene vudu.

¹¹Nunu lavata ro tina lama vizua go pua ne, mana saqo lavata, soso mokoso sakata ro tina vasakata qira basoero ne, mana topu na pata vari vasareki tina vasareki qira basoero ne, mana topu na soso lala ro tina za sadaka me tepa toba ne.

¹²Do tarakenaqa na pataro dena tinara sadaka go, basoero ne tarina pala qamu mana vasasakata ne qamu, mana tarina vazao qamue Pade Lotu ria vano Jiu, tarina varitanae ne qamu mana tarina taru qamue bara, tarina pala vazao qamue de iri koego ria batubatu ro ria mana qavuna ria, tanego i sauqu era.

¹³Ṉalu nae to qamu ara mazala go sine ne qira go Tarama Velaka ne.

¹⁴Muna vanadua nanao qamu, kasi poro nanao na ava tamuna sine go, go tina vakavele qamu.

¹⁵Tanego era, tuna teke ne qamu seko go tamuna seko nego mana tarove go, go kaega ka basoe i kana ne qamu tina seko toli qamu, ba seko va qoqore go pataro tamuna sine go.

¹⁶Ria tamaqamu ro, mana sinaqamu, togaqamu ro sinaqe ramu mana vakitaka ramu, tarina vazao qamue de iri koego vano iriki soko qamu go kaega, mana kakiaro ramu tarina vae vale qamu go.

¹⁷Osina basoero ne tariniki soko qamu kaega, tanego ramu qamu basoero era.

¹⁸Do pata volomo tina gogo nae, kaega kaki de suka uguru ni koego kuzuku qamu tina vana go.

¹⁹Degere vanadu, go tamuna vakavele tanuqamu.”

²⁰Jesu i sine napua, “Ṉalu ramu tamuna mia qira go vano degara ro tarina liqute go komala Jerusalema, ramu tamuna rove i garogaro to ṉalu go tarina vasakate go komala lavata ne.

²¹Ṉalu nae ne ria iri koego Judia tarina paqa za kubolo ro ne, ria iri koego komala lavata ne, mara ria kasi ne, mana ria iri koego rikisina komala lavata ne mara kasi ara zaena komala lavata ne.

²²Tanego ṉalu dena, God tina vakimata qira basoero dena, go tina sadaka ogoto me seko ni sine bana go Buka tabo ne.

²³Ava tina lete goto maqata na musaqara ro nae de iri koego qolero iri kakate go, mana qolero iko ne qira go sale medara ro!

²⁴Kakiaro ria tarina vaevale qirae pegi loda ro, mana kakiaro tarina pala qira mana va seka qirae vudu kakavata ro, mana ria vano kakavata ro tarina lama kenaqa ne Jerusalema go tina za doka go ṉalu too ria tina za lupo.”

²⁵Jesu i sine napu ne qira, “Tina za sadaka me kakiaro lala tepa saṉa ne, mana inaqa mana domiri ro go. Vudu naro pua dena tarina lete sareki sakata ne naki na masi mana oba lavata ro go.

²⁶Basoero ne tarina tapudoko ne sareki ṉalu tarina piri ne pataro tina lama vasakate go kolabana pua ne, tanego moqere na toba ne tina visuvisu lupo.

²⁷Mana ramu tamuna mia sobava era Tuna basoe, tuna za goe me toba ne, lulu ne karaputa mana tatavata ia God.

²⁸Ṉalu pataro dena tina tupi sadaka me, muna degere mana reṉa qe zakazaka ne, tanego vari vakevele ramu i lama garogaro to.”

²⁹Gonae Jesu i sine ne qira seko vapadapada dena, “Muna nanao luluse solu mana nari mana kero ne moki ro,

³⁰ṉalu iri sadaka me luquna, ramu qamu rove i zavarata to.

³¹I gere napua so ṉalu qamu mia pataro dena i sadaka go, ramu tamuna rove Too ikoego vari miasoka ia God i lama garogaro to.

³²Nanao tarua, osina pataro dena tina sadaka me ṉalu basoero de tarina ara too go.

³³Rani mana pua tina lupo, do osina seko ro era tiniki rove kaega lupo.

³⁴Muna miasoka tanuqamu mana kasi va riqo zena kelo lavata ro, ba ge loka, mana poro nanao na too na ninidena, niki go musaqara igogo ne niki lama pala va poloso qamu.

³⁵Gere pata qaraqara i suqia go pede ne. Tanego musaqara nae tina lama dokae de iri koego osina to basoero iri koego kolabana pua ne.

³⁶Ko dogara taru so mana pene osina ṉalu, go tamuna pala karaputa go tamuna mazala go zaza va velakae loborona pataro tina sadaka go. Go tamuna mazala go degere na tarakenaqa qu era Tuna basoe.”

³⁷Musaqara ro nae Jesu i vari vatatanae so Pade Lotu ne, mana ṉalu i raravi, ia iza mana za koe Kubolo na Olivi loborona kuse nae.

³⁸Sarusaruku lolotoro na osina musaqara ne, basoero ne iri zae Pade Lotu ne, go mara ria gata napua pataro tina sine go Jesu irigo.