Read Varisi Karua Korinti 3 Bible Online

Karua Korinti 3 - Varisi bible

Karua Korinti 3

¹Avigo zazao na seko ro dena, qamu nanao remu qi vazakanapu ba? Remu qiki gere kaega kero ne basoero tarina pala bana so leta ramu, ba leta ria kero ne basoero go tina vasadake iri basoe zazu ogoto ia God.

²Ramu to qamu leta qi pala go remu i karo ego puṉuqemu, go osina basoero tarina rove mana toere go.

³I lete tatavata bana so, Kristo i karo bana leta dena mana remu to qi pala valama ze leta dena de qamu koego ramu. Iki karo ze kaega ink ba ipaka, do i karo za Spirit ia God i too go, mana loborona nogonogotona puṉuna basoe go.

⁴Qimu sine go iadena, tanego qi lete vaogote God i teke qita Kristo, iata go qi sine go seko ro dena.

⁵I kaega kaki pata deqi koego remu, go qi mazala sine na, qi zazu ne so tanuqemu, do mazala qi pala go remu, ireqe meso de ikoego God.

⁶Ia so iva mazala qemu go remu, go qi osaka ne zazu ikoego go varitoqe voru ia. Iki sadaka banae kaega Tamana ro iri karo go, do i reqe me de koe Spirit tabo. Tamana ro iri karo go i valame le, do Spirit ne, i teke ne qita too.

⁷Tamana ro ia Mosese iri karo ze karua ipaka, mana tatavata mazala ia God i sadaka me ṉalu ia i soso ne go, patavolomo tane tatavata na tarakenaqana Mosese i vele kaega go, do i lete karaputa, iago iara makuru qira basoero na Izirel tarina reṉa vaumata ne tarakenaqana Mosese. Ṉalu go Tamana i valame le i lama vasadake karaputa ia, avigo napu karaputa na de go zazu ia Spirit, karaputa ia Spirit i lete sivala ne Tamana i valame go le.

⁹Zazu i vadoka ze le ba va makuru na basoe, i ko tatavata mazala na. Avigo napu to ka lete mazala na zazu i valame go vari vakevele.

¹⁰Iago ita qata mazala sine na, tatavata mazala i sadaka me ṉalu bana ne, i lupo to tatavata ia.

¹¹Tanego pata i lama ko aqe so desuka, i zari menomeno na, do i lavata sivala menomeno na pata iko go osina ṉalu topu ro.

¹²Tanego remu i kone qemu ruqe de, iago remu qi seko ne so tarama velaka ia Batu ne.

¹³Remu qiki gere kaega Mosese ni sapu, ze poga tarakenaqana, go vano Izirel tariniki mia kaega tatavata na God i damare go tarakenaqana Mosese, i vele zaga lupo go.

¹⁴Nanao qira ne i kokoqu mana ninidena nanao qira ne i sapu napua so poga nigogo ne, gere na qamu toere zego vari toqe bana ne. Poga ni gogo ne i mazala so kuziki ṉalu ka basoe i vakameka ne Kristo.

¹⁵Patavolomo ninidena ṉalu iri toere go tamana ikoego buka ia Mosese, Poga nae ne, i ara kokoquaso nanao qira.

¹⁶Do i mazala so vakuziki nena tanego Buka tabo ne i sine sauna Mosese, “Poga nae i mazala so kuziki ṉalu ka basoe i tabali e de ikoego Batu ne.”

¹⁷Takoboro dena ne, vitoṉo ‘Batu’ ne i spirit ia God, mana de ikoego Spirit i Batu go, i koe vari vatalukasa.

¹⁸Iago ita osiqita, i kuziki lupo sapu na tarakenaqa qita, qata tabali go za de iri koego basoero na tatavata menomeno ia Batu ne, iato Spirit tabo i itana va gere qitae tanuna mana karaputa mazala ia i podo popoka osina ṉalu.