Read Varisi Kolosia 4 Bible Online

Kolosia 4 - Varisi bible

Kolosia 4

¹Ramu batu ria vano zazu ro, miasoka velaka qira vano zazu ro ramu gere de qamu vane go tanuqamu, nanaotarua ramu do i ko napu so kameka so batu ramu ikoego rani ne.

²Muniki mamanava pene, muna nanao velaka ṉalu qamu pene, seko velaka ne God.

³Muna pene napu ne qemu remu, go God tina teke ne qemu ṉalu velaka go timuna tarama ne vavagazama na de go Kristo i ko pipika bana go. Tanego sauna to seko igogo ne iri taru vego era qa koe go bara ne.

⁴Pene de koe God, go era qa mazala seko vatatavata ne na tarama ia Kristo, tanego ia igogo ne to, tuna zazu ne go era.

⁵Muna padapada, mana vazazua tarove ramu loborona zazu ramu de iri koego basoero iriki vaogote go kaega Kristo, mana muna pala nanao velaka ṉalu qamu va pepeu qira go.

⁶Seko ro ramu mara gata va velake basoero ne, mana mara va kula nanao qira go, mana tamuna rove velake dego tamuna toqe ne ba vataule na tana ria basoero ne.

⁷Vakitaka ita Tikikasi remu qi nanao tarua ia, i zazu velaka mana i tavisi seko ne na Tarama Velaka ne, i basoe zazue loborona zazu ia Batu ne. Iago, iato tina sine ne qamu ramu de go osina to tarama qu era.

⁸Iato go qa turine zatu go era, go tina vakula qamu ramu pasi tina pepeua go de qi gogo remu loborona zazu remu.

⁹Onisimusi i lulu tavise go ia, Onisimusi i vakitaka remu, qi nanao tarua, ia i kameka seko ramu. Riru tiruna sine lupo ne qamu osina pata i sadaka ego dena.

¹⁰Aristakus qaru koego bara ne, iva garetua seko kula ia mana gere napua so Maka iru tamakena kavakava go Banabasi, remu qi va rove bana qamu e de go vagado velaka na basoe, iago vagere napu ze so de koe Maka ṉalu igo atu go nae.

¹¹Josua, valeke iri vitoṉo napu ze so Justus, i va garetu napua seko kula ia. Ria kapisa basoe Jiu dena so iri vaogote Kristo iri zazu tavisi ava era seko ne na de go too ikoe go vari miasoka ia God. Mana iri lete tavisi velaka nava era go.

¹²Kameka seko ramu Epaparasi i basoe zazu ia Jesu Kristo i vagaretu napua seko velaka ia de qamu koego ramu, osina ṉalu ia i pene vakaraputa ne sauqamu ramu, i pene God go tamuna degere vanadu loborona nanao vakazigarata, nanao rove, mana vaogote na Kristo.

¹³Era qa mazala sine ne qamu de go zazu vokara ia de qamu koego ramu, mana basoero na Laodisia mana lerapolisi go.

¹⁴Luka, valeke vari vole, mana Demas go, iru vagaretua seko kula napu riru go.

¹⁵Teke ne qira seko kula remu, de iri koego vakitaka ro ita iri koe Laodisia, mana de ikoe go Nimipa mana basoero iri teṉo e go pade iago.

¹⁶Taramuzina ṉalu qamu toere lupo go leta dena, nanao tarua muna toere napu ze de iri koe vano lotu na Laodisia. I gere napua so, muna toere napua leta ria vakitaka ro ita iri koego Laodisia tarina vagaretu ne qamu go.

¹⁷Mana sine ne Akipusi, mara pada ne valupo na zazu ni teke nego Batu ne.

¹⁸Era qa karo ze karisiqu leta dena, seko kula era de qamu koego. Muniki nanao kasupe ne era qa koe bara dena. Go Mana ia God mara ko tavisi de qamu.