Read Varisi Revaleson 15 Bible Online

Revaleson 15 - Varisi bible

Revaleson 15

¹Gonae qa mia zaqe kameka pata vavagazama i sadake go varioka ne, i lete vapoloso ava. Kavitu aqelo ro ne iri pala me kavitu pata vari vakimata. Kavitu kimata nae to i valupolupo na muma ia God, tanego ṉalu kimata ro dena tina lupo, muma ia God do tina lupo napu to go.

²Gonae qa mia zaqe kaki pata i mimia gere duviduvi na masi i palua go nako ne. Qa mia napu qira basoero iri vapela bana go karaputa ia pata qaraqara piru ne mana beku na mana lala i gere go vitoṉo na ia. Ria dena iri degere garogaro na masi duviduvi ne mana iri pala tarua pata nakinaki i teke ne qira go God.

³Ria ne iri vae kera ia Mosese basoe zazu ia God, mana Tunana Sipi nego. Kera dena igo de, “God Batu qo lete moqere sivala, avana to ka menomeno na pataro qo zazu nego aro. Aro to qo batu lavata na kolabana pua ne. Osina too ro aro, i totoloṉo lupo so!

⁴Iago Batue akena to tina sareki nego vazakana vitoṉomu aro na? Mana akena to tina kasia go sine vasadake na mazala ro aro na? Osina basoero na vudu pua tarina lama mana vazaka vitoṉomu aro tanego tanumu so aro qo lete tabo sivala, tanego qo vasadaka bana too velaka ro aro, i lete totoloṉo sivala go.”

⁵Taramuzina pata dena qa mia Pade Lotu ikoego rani ne i papaqa mana qa mia napua pade suka vavarere iago.

⁶Kavitu aqelo ne iri pala mego kavitu pata vari vakimata ne, iri za siporo me Pade Lotu ne, mana roku iri vakeba nego i dalo mana lete damara go, mana barabara qira iri poke ze qolu go.

⁷Gonae kaki kameka ria pata qaraqara ne i teke ne qira kavitu aqelo ne kavitu ebata qolu i purake muma ia God i too taru, iki rove go kaega lupo.

⁸Pade Lotu ne i purake kauku na karaputa lavata ia God, mana kaega to kaki basoe i mazala go keba zana loborona Pade Lotu ne, go tina za dokae so ṉalu tina za lupo go kavitu pata vari va kimata dena.