Read Vute Màtíyò 1 Bible Online

Màtíyò 1 - Vute bible

Màtíyò 1

¹Tákɨ̀rɨ́b ndùtì ndútí Yésù Krístù nyȩ Dàvît ya dundóŋce nyȩ Àbɨ̀ràháàm á rè:

²Àbɨ̀ràhâm ya feín Ìsâk; Ìsâk ɨ́ fèìn Yákòb, Yákòb ɨ́ fèìn Jùdâ ɓe mwin yàá bɨ noò.

³Jùdâ ɨ́ fèìn Fàrês ɓe Jàrâ, (yà ŋgábè yaám Tàmáàr á); Fàrês ɨ́ fèìn Èsrôm; Èsrôm ɨ́ fèìn Àrâm;

⁴Àrâm ɨ́ fèìn Àmìnàdâb; Àmìnàdâb ɨ́ fèìn Nàsôŋ; Nàsôŋ ɨ́ fèìn Sàlmôŋ;

⁵Sàlmôŋ ɨ́ fèìn Bòwâs (yà Bòwáàs yaám Ràhâb á); Bòwâs ɨ́ fèìn Òbêt (yà Òbéèt yaám Rût á); Òbêt ɨ́ fèìn Jèsê;

⁶Jèsê ɨ́ fèìn Dàvît, mvèìn jíri; Dàvît ɨ́ fèìn Sàlòmôŋ (yà Sàlòmóòŋ yaám gwi Ùríì á).

⁷Sàlòmôŋ ɨ́ fèìn Ròbòwâm; Ròbòwâm ɨ́ fèìn Àbìyà; Àbìyà ɨ́ fèìn Àsâf.

⁸Àsâf ɨ́ fèìn Jòsàfât; Jòsàfât ɨ́ fèìn Jòrâm; Jòrâm ɨ́ fèìn Òsìyâs;

⁹Òsìyâs ɨ́ fèìn Jòwàtâm; Jòwàtâm ɨ́ fèìn Àkâs; Àkâs ɨ́ fèìn Èsèkíyàs.

¹⁰Èsèkíyàs ɨ́ fèìn Mànàsê; Mànàsê ɨ́ fèìn Àmôŋ; Àmôŋ ɨ́ fèìn Jòsíyàs.

¹¹Jòsíyàs ɨ́ fèìn Yèkòníyàs; ɓe mwin yàáb noò ɓwâ kùb ya ge gbàŋ Ìsràyéèl nìrì Bàbìlôn ndɨ.

¹²Cùr kùb ya ge gbàŋ Ísràyéèl nìrì Bàbìlóòn, á Yèkòníyàs ya fein Sàlàtíyèl; Sàlàtíyèl ɨ́ fèìn Jòròbàbêl.

¹³Jòròbàbêl ɨ́ fèìn Àbìyûd; Àbìyûd ɨ́ fèìn Èlìyàkîm; Èlìyàkîm ɨ́ fèìn Àsɔ́ɔ̀r.

¹⁴Àsɔ́ɔ̀r ɨ́ fèìn Sàdôk; Sàdôk ɨ́ fèìn Àkîm; Àkîm ɨ́ fèìn Èlìwûd.

¹⁵Èlìwûd ɨ́ fèìn Èlèyàsáàr; Èlèyàsáàr ɨ́ fèìn Màtâŋ; Màtâŋ ɨ́ fèìn Yákòb;

¹⁶Yákòb ɨ́ fèìngì Yòsə̂b, ŋgwáá Màríyà yà Yésù kùb du ɓénɨ Krístùù.

¹⁷Yànɨ ɓwâ ya Àbɨ̀ràháàm há̧á̧ ɓwâ Dàvíìt, tákɨ̀rɨ́b ndùtì ndútí Yésùù yaá cóóŋ ɨ́ nààsɨ̀b. Yàréndóŋnɨ Dàvît ya há̧á̧ ɓwâ gbàŋ Ísràyéèl ya gɨ nìrì Bàbìlôn ndɨ, ŋgáb yaá ɓwê cóóŋ ɨ́ nààsɨ̀b. Yàrécénɨ ɓwâ ŋgáb ya gɨ nìrì kɨ́ gònɨ féínnɨ fin Krístùù, ŋgáb yaá ɓwêhá cóóŋ ɨ́ nààsɨ̀b.

¹⁸Ndáín Yésù Krístù sóò á rè. Màríyà yà Yésùù yaám kóóm Yòsə́ə̀b kùb ya ə́əmnaɓa gùmní á. Kí á Màríyà ɨ́ gàm ɓur ɓe nyòm Nyéhè Sarɨ́nne, ɓwâ kɨ́ ŋgə́ nɨ dùyèwá ɓe ŋgwáá noò.

¹⁹Hȩ Yòsə̂b, ŋgwáá Màríyàà ya du nò ɗɨ́ɗɨ̧́ Mèèín íhɨ́nné, ŋgə́ ɨ́ tà ní ŋgə́ sə̀ə̀kɨ́nɨ mɨ̀kùnín ɗàà, ní á nɨ ŋgə́ mbɨ́knɨ yoó yáá.

²⁰Hȩ ŋgə́ ɓwáínɨ u̧nèé, á dùgal Kékéé ya lə́ ŋgə́ wuúm ɗà ŋgə́ ɨ́ tànà Yòsə̂b ɨnè: «Yòsə̂b, nyȩ Dàvíìt, wu wu árê gwi woò Màríyà yóò lùr. Mwin ŋgéé ɓɔ̧ɔ̧ ɗàrɨ́, ŋgə́ gam nɨ ɓe nyòm Nyéhè Sarɨ́nne á.

²¹Ŋgə́ ɓa fènnɨ mwin nɨ̀ŋgwá á, wu a bɨ́nà mwɨi kɨ́ ɨ́r ‹Yésù›, ɓetí ŋgə́ ɨ́ ɓa ɓátɨ̀hó̧nɨ gbàŋ noò cum ŋgábè no ku ru.»

²²Nɨ́ɨ́b kɨ́ ya ndɨŋ u̧ àm nɨ́m Kéké yi tawona nɨ́m tɨ́kìn Mèèín ɓɔ̧ne a fô̧ hàráá á.

²³Ŋgə́ ya taá ɨnè: «Péye, máyɨr ɓa gàmnɨ ɓur á; ŋgə́ a fèìn mwin nɨ̀ŋgwá, kùb a bɨ́nà mwɨi kɨ́ ɨ́r ‹Èmànúwèl.› » (Kí ta: «Mèín á ɓe nɨ́m» na á.)

²⁴Ɓwâ Yòsə̂b ya səmne wum kíì, ŋgə́ ɨ́ ndɨ̀ŋ nɨ́m dùgal Kékéé ya tana ŋgéé. Ŋgə́ ɨ́ árê gwi noò yó.

²⁵Ɓe kùùŋ ɨ́ dù bɨ́ dùwá há̧á̧ hȩ Màríyà ya go fènnɨ mwin nɨ̀ŋgwá, ɗà Yòsə̂b ɨ́ bɨ́nà mwɨi kɨ́ ɨ́r «Yésù».