Read Wahau Kenyah YAYA 15 Bible Online

YAYA 15 - Wahau Kenyah bible

YAYA 15

¹Akeʹ ne atek inan anggur iaʹ lan, ngan Amai heʹ iaʹ nubo pula.

²Ia mutun mesau singket daʹan diaʹ abeʹ un buʹan neng akeʹ. Ngan singket daʹan diaʹ buʹan, ia ke metoʹ palai apan bada le daʹan ne, ngan tiga kenai buʹan ne sahu.

³Lepa buheʹ ne ikem kuʹun katuk iaʹ akeʹ lepa pisiu mikem.

⁴Kuaʹ baʹan daʹan neng inan ne, pekina lete ikem detem neng akeʹ, ngan pekina pe akeʹ ke detem neng ikem. Ukoʹ baʹan ca daʹan, abeʹ e senteng buʹan tengen. Ia bang buʹan buk ke detem neng inan ne tuaʹ le. Ngan pekina lete ikem, abeʹ kem senteng buʹan buk kem abeʹ un lemuto neng akeʹ.

⁵“Akeʹ ne iaʹ inan, ngan ikem iaʹ daʹan ne. Aheʹ iaʹ detem neng akeʹ, pekina lete akeʹ neng ia, ia lete ke un sahu buʹan uʹo. Abeʹ kem senteng uyan ca inu buk kem tengen cen akeʹ.

⁶Aheʹ iaʹ abeʹ un detem neng akeʹ, dulu ke pet kawang, ukoʹ baʹan ca utun daʹan iaʹ tai maʹang are. Daʹan dia pekina, dulu pempun ngan pet kaʹ luten apan ne tutung.

⁷Buk kem detem neng akeʹ, ngan isiu heʹ pe detem neng ikem, ina le ikem ke nyat inu iaʹ ikem ubaʹ, ngan ikem ke un ne lete.

⁸Pekini ne puyan serema peniga Amai heʹ ke luhaʹ kuʹun ban ncem ke un buʹan iaʹ sahu. Ngan pekini ne puyan ncem ke nuyan diaʹ bayaʹ katuk keʹ.

⁹Akeʹ malaʹ neng ikem kuaʹ baʹan Amai Bioʹ malaʹ neng akeʹ. Tiga hem mudip detem dalem pengemalaʹ keʹ.

¹⁰Buk kem bayaʹ dau katuk ukum keʹ, ikem ke mudip detem dalem pengemalaʹ keʹ, ukoʹ baʹan nceʹ bayaʹ dau katuk ukum Amai heʹ ngan mudip detem dalem pengemalaʹ a.

¹¹“Akeʹ badaʹ ini mikem apan pengebangen nceʹ ke un neng ikem, ngan laʹa apan pengebangen ncem ke daʹam.

¹²Ini ne katuk ukum keʹ: malaʹ ne neng ikem semaheʹ, kuaʹ baʹan nceʹ malaʹ neng ikem.

¹³Iaʹ pengebioʹ malaʹ ca kelunan neng diaʹ tuyang nge, ina ne mencai udip pe tuman ida.

¹⁴Ngan ikem ne diaʹ tuyang ngkeʹ, buk kem ke ti bayaʹ dau katuk ukum keʹ.

¹⁵Abeʹ keʹ un kuma ikem ulaʹ laʹa, uban iaʹ ulaʹ abeʹ un tisen inu pemuyan iaʹ tuʹa ha uyan. Un sepuʹo akeʹ pisiu ikem diaʹ tuyang ngkeʹ, uban mung dau diaʹ akeʹ kenahan cen Amai heʹ, akeʹ lepa badaʹ mikem.

¹⁶Abeʹ e ikem iaʹ lemileʹ akeʹ, akeʹ iaʹ lemileʹ ikem, ngan peteneng ikem ke un buʹan iaʹ sahu. Ina ne buʹan iaʹ abeʹ un tisen tai jaʹat. Ngan pekina ne puyan Amai Bioʹ ke naʹ mikem, mele inu iaʹ ikem nyat neng ia dalem ngadan nceʹ.

¹⁷Ina ukoʹ keʹ pekini dau cuk ikem: malaʹ ne neng ikem semaheʹ.”

¹⁸“Buk dulu kusun tanaʹ miʹi neng ikem, atek kem petawai uban akeʹ iaʹ ida miʹi ading.

¹⁹Buk kem tulat usun tanaʹ ini, ina le usun tanaʹ ini malaʹ neng ikem kuaʹ baʹan ne malaʹ neng diaʹ anun te tengen. Un sepuʹo akeʹ iaʹ lemileʹ ikem cen usun tanaʹ ini, ngan abeʹ kem un tulat te laʹa, ini iaʹ pukoʹ o miʹi neng ikem.

²⁰Petawai dau iaʹ akeʹ lepa badaʹ mikem: ‘Abeʹ ca ulaʹ tai pelapa bioʹ cen diaʹ tuʹa ha.’ Buk de ke nyakit akeʹ, atek de ke nyakit ikem lete. Buk de bayaʹ dau katuk keʹ, atek de bayaʹ dau katuk kem lete.

²¹Mung puyan ini ida uyan neng ikem uban ncem anun nceʹ, uban abeʹ de tisen ia iaʹ cuk akeʹ nai.

²²Buk keʹ abeʹ un nai pisiu ida, abeʹ penyalaʹ de ke dengkep neng ida. Iaʹ lan ne naʹkini, abeʹ un ukan nte ke nyepati dau neng penyalaʹ de.

²³Aheʹ diaʹ miʹi neng akeʹ, ida miʹi neng Amai heʹ lete.

²⁴Buk keʹ abeʹ un nai uyan puyan nyingan kahang ida, ukoʹ baʹan abeʹ un aheʹ iaʹ lepa uyan cen kena re, abeʹ un penyalaʹ de dengkep neng ida. Iaʹ lan ne naʹkini, lepa ne ida taʹan pemuyan nceʹ, ngan ida miʹi neng ameʹ dua Amai heʹ mung.

²⁵Naʹ pe pekina, sematu ue lete, apan inu iaʹ lepa senurat dalem Katuk Adet de ke nuyan lan: ‘Abeʹ un inu laʹ pukoʹ de miʹi neng akeʹ.’

²⁶“Nai te ia iaʹ ke mepo ikem ʹo, ina ne Berua katuk iaʹ telit. Ia iaʹ nai cen Amai Bioʹ. Nai te ia cen Amai Bioʹ uban akeʹ iaʹ cuk ia nai. Ngan ia iaʹ ke badaʹ puyan nceʹ,

²⁷ngan ikem lete ke badaʹ puyan nceʹ, uban ikem iaʹ lepa un ngan nceʹ cen kena re.