Read Wahau Kenyah GALATIA 6 Bible Online

GALATIA 6 - Wahau Kenyah bible

GALATIA 6

¹Ahaʹ cenganak cenganak keʹ, buk kem tisen ca usa iaʹ laboʹ neng salaʹ neng ahang ikem, tiga hem diaʹ pali neng udip berua are, ajak kelunan ina nai ngeliwet palaʹ iaʹ teneng, man puyan lemaʹ saheʹ kem, mentung ngkem pejagaʹ usa hem tengen, apan ncem abeʹ un tai sihoʹ pengeten.

²Pepo ne ngenyiʹan neng pengebahat cem semaheʹ apan. Man puyan diaʹ pekina ne luhaʹ ban ncem tudep bayaʹ dau katuk adet Keristus.

³Buk ca usa ke kuma ha ia un ngadan petem pe abeʹ un inu inu ngadan ne, seʹ e pelingu usa ha tengen lete ina.

⁴Tekep le nugen seʹ pemuyan le, singket singket usa le. Buk pemuyan le ina tiga, ina le ilu sukat pelepek tawai kuʹun inu iaʹ ilu lepa uyan ina. Abeʹ titin le ke pata pekimet gayeng le ngan gayeng dulu diaʹ ca.

⁵Moʹ singket singket usa un mpin le tengen, ngan tekep le tengen baʹ mpin ina.

⁶Aheʹ kelunan iaʹ alaʹ katuk Keristus naʹkini, tekep lete ia pawat inu inu peniga ha ngan ia iaʹ pekatuk ia.

⁷Ayen ncem pelingu usa hem tengen, abeʹ ca kelunan sukat ke panyi Allah. Moʹ inu iaʹ kelunan ban mula, idi lete iaʹ ia ke majau.

⁸Aheʹ iaʹ ban mula bayaʹ penyaheʹ usa ha tengen, seʹ e mula luang jaʹat. Ia lete iaʹ ke tisen ajau iaʹ jaʹat pa matai bayaʹ penyaheʹ usa ha ina lete ʹo. Un sepuʹo aheʹ iaʹ ban mula bayaʹ Berua Tuhan ina, ia lete iaʹ ke majau udip saheʹ kelineʹ iaʹ ngeriman cen Berua Tuhan.

⁹Tuman ina ayen tai puʹek tawai uyan iaʹ tiga, moʹ ilu majau peniga ha tegoʹ dalau ue abeʹ ʹo, sukun le abeʹ un tai iʹut tawai.

¹⁰Moʹ ina, lemuto ilu alaʹ pengebiʹen ke uyan tiga me mung kelunan, diaʹ ading nge me diaʹ pemanak le dalem pengelan.

¹¹Naʹat ne kumpin mempat seʹ kalung iaʹ akeʹ nyurat man ujoʹ keʹ tengen ini. Abeʹ keʹ pincung kuʹun ne.

¹²Kelunan diaʹ ubaʹ ke pincung ngadan re tengen, ngan pada penyaheʹ usa kelunan, ida diaʹ taten ke lemejen ikem alaʹ adet sunat. Ida uyan puyan diaʹ pekina, malap dulu nyakit ida buk de menco katuk neng puyan Keristus neng usun kayu tecek are.

¹³Kelunan diaʹ ngkang adet sunat dina, abeʹ de ngkang mung Katuk Adet. Pengubaʹ de uyan adet sunat mikem apan nte sukat ke pincung ngadan nte, sulo badaʹ ban ncem lepa tunuk palaʹ katuk adet de.

¹⁴Telit akeʹ, bang ca le iaʹ akeʹ ke pincung, iaʹ ina tecek Tuhan le Yesus Keristus. Moʹ kuʹun tecek Yesus ina akeʹ ngerada puyan usun tanaʹ, seleket te matai neng akeʹ. Pekina pe puyan usun tanaʹ ngerada akeʹ, seleket ceʹ matai neng ia.

¹⁵Moʹ kelunan iaʹ sunat ngan iaʹ abeʹ un sunat ina, abeʹ un ca inu inu ue. Iaʹ atek bioʹ, iaʹ ina puyan iaʹ uyan kelunan tai nuyan kelunan iaʹ mading.

¹⁶Ngan aheʹ kelunan diaʹ mudip kuʹun puyan ini, akeʹ nyat palaʹ Allah apan ne naʹ udip iaʹ tadan ngan pengelesau mida. Ida diaʹ anun Allah.

¹⁷Pengelepa dau heʹ, ayen ne ca kelunan ke petaru akeʹ laʹa, moʹ ilak iaʹ un neng usa heʹ iaʹ nedanaʹ akeʹ iaʹ ulaʹ Yesus.

¹⁸Ahaʹ cenganak cenganak keʹ, awaʹ pe pengelesau Tuhan le Yesus Keristus ina serengan ngan ncem mung. Amin. 16