Read Wahau Kenyah IPESUS 3 Bible Online

IPESUS 3 - Wahau Kenyah bible

IPESUS 3

¹Cen diaʹ pekina, ina ukoʹ keʹ lemameʹ palaʹ Allah. Akeʹ iaʹ Paulus, iaʹ ban tai sihoʹ sepin kuʹun Keristus Yesus moʹ tuman ikem diaʹ tahaʹ awang Yahudi.

²Masaʹ lepa ne ikem kenahan dau denga puyan Allah naʹ gayeng ini makeʹ ke uyan tiga mikem, cen bioʹ pengelesau ue iaʹ ia lebang naʹ milu ina.

³Un kaʹ sedep Allah, lepa ne ia peluhaʹ a makeʹ. (Lepa ne akeʹ nyurat kediʹut de neng puyan ina.

⁴Buk kem baca surat ceʹ are ʹo, tai te ikem tisen katuk keʹ neng kaʹ sedep Keristus ina are.)

⁵Cen naʹaʹ abeʹ Allah peluhaʹ diseʹ sedep pe. Un ne naʹkini ʹo, ia peluhaʹ a man Berua Buheʹ palaʹ diaʹ lawa Injil ngan diaʹ pegawa a diaʹ buheʹ.

⁶Pekini sen sedep pe: bayaʹ dau Denga Injil ini, lepoʹ diaʹ ca pemung ngan lepoʹ Yahudi, kuaʹ le pemung nganun peniga Allah. Pemung le nganun ca le usa. Ngan pemung le nganun mung iaʹ Allah petuket kedalem Keristus Yesus.

⁷Allah iaʹ uyan akeʹ petubo katuk Injil bayaʹ ban tulat pengencai ie makeʹ, ngan naʹ gayeng ini peging ngan penyukat te.

⁸Naʹ pe akeʹ iaʹ libaʹ neng ʹo pengelibaʹ neng ahang diaʹ anun Allah, gayeng ini ne Allah mencai makeʹ man nceʹ tai palaʹ lepoʹ diaʹ tahaʹ awang Yahudi pedenga pengekayaʹ peniga Keristus.

⁹Idi heʹ senteng mepo kelunan mung tai tisen kumpin diseʹ puyan Allah iaʹ ban uyan mung inu ne, ke pedaʹam sedep pe, iaʹ lepa kudaʹ sun udip majan ne iaʹ abeʹ un nai luhaʹ kuʹun Allah,

¹⁰apan naʹkini ʹo, ia ke kanan Mpun diaʹ ngelan Tuhan, man ne ke badaʹ me melikat ngan diaʹ ngkang penyukat tahaʹ ntaʹ langit ke tisen ban kumpin selawan seʹ mung naʹan penudi Allah.

¹¹Puyan ini bayaʹ tengangan Allah, iaʹ ia pebetep neng kimet te cen tading te, iaʹ ia pedaʹam dalem Keristus Yesus, Tuhan le.

¹²Ilu diaʹ pebeka tawai dalem me, ngan ngelan ne, senteng nyeripa Allah ngan tempa, moʹ abeʹ un palan ne.

¹³Cen diaʹ pekina, ukoʹ keʹ nyat neng ikem, ayen iʹut tawai, moʹ penaru iaʹ sihoʹ akeʹ ban suaʹ ikem iaʹ ke nuyan peniga mikem.

¹⁴Ina ukoʹ keʹ tai pelenyun pa heʹ sutlep lemameʹ palaʹ Amai Bioʹ.

¹⁵Ban singket naʹan pemanak un ngadan nte cen Amai Bioʹ le Allah, inu pia diaʹ kaʹ surga, pekina pe diaʹ kusun tanaʹ ini.

¹⁶Akeʹ nyat Amai Bioʹ naʹ mikem penyukat Berua ha, bayaʹ pengekayaʹ serema peniga ha, apan ncem tai pali dalem berua kimet cem,

¹⁷apan Keristus nai mudip kedalem penawai hem kuʹun pengelan ncem. Akeʹ lemameʹ apan toʹ pakat puʹun pengudip kem tai salet neng pengemalaʹ Allah,

¹⁸apan ncem tai pemung pebulung ngan toʹ diaʹ anun Allah, apan ncem un penyukat ke ngetisen pengemalaʹ Keristus; kudaʹ berang nge, dadoʹ o, mpau ue, ngan kudaʹ dalem me.

¹⁹Awaʹ ne ikem tisen toʹ pengemalaʹ Keristus iaʹ lapa neng ʹo penisen le kelunan, apan ncem tai dengkep kuʹun inu iaʹ dengkep neng Allah.

²⁰Palaʹ Allah ketai tapi saheʹ le, moʹ sukat Allah uyan mung inu iaʹ lapa neng ʹo pengenyat le, buk are neng ata kimet le pe, bayaʹ penyukat iaʹ un pegayeng kedalem ilu.

²¹Palaʹ Allah ne ketai mung serema peniga dalem Mpun diaʹ ngelan, ngan dalem Keristus Yesus, singket sun udip pa abeʹ bayaʹ. Amin.