Read Wahau Kenyah IBERANI 5 Bible Online

IBERANI 5 - Wahau Kenyah bible

IBERANI 5

¹Singket Detaʹu Bioʹ ilu malai lemileʹ cen ahang ilu kuaʹ kelunan. Ilu nyalet ia neng gayeng Allah tuman kelunan, apan ne ke ngkin pengencai ngan liwa kuʹun penyalaʹ le palaʹ ia.

²Usa ha tengen tisen lemaʹ neng kadoʹ naʹan, ina ukoʹ o mencam denaʹ tawai neng kelunan diaʹ turan ngan diaʹ ti salaʹ.

³Tekep lete ia mencai liwa tuman penyalaʹ kelunan kadoʹ. Abeʹ e bang pekina tuaʹ le, un sepuʹo tuman penyalaʹ a tengen lete pe, uban ia tengen iaʹ lemaʹ.

⁴Abeʹ un ca usa iaʹ alaʹ selumuk mia tengen, lemileʹ ia nuyan Pengebioʹ Detaʹu. Bang kuʹun pengin Allah ca kelunan ketai nuyan Pengebioʹ Detaʹu, kuaʹ baʹan Harun sihoʹ pengin Allah cen naʹaʹ are.

⁵Pekina lete abeʹ Keristus alaʹ selumuk mia tengen ketai nuyan Pengebioʹ Detaʹu. Un sepuʹo Allah iaʹ pisiu ia kuma: “Ikoʹ ne Anak keʹ. Tau ini akeʹ ne iaʹ Amai hoʹ.”

⁶Un dau ue laʹa neng ca naʹan jo surat kuma ha: “Ikoʹ iaʹ ke nuyan Detaʹu pa majan ʹo, bayaʹ tuk puyan detaʹu Makisidik.”

⁷Dalau Yesus mudip kusun tanaʹ ini, ia lemameʹ ngan nyat palaʹ Allah, mentung nge bioʹ dau lengap ngan tange, moʹ Allah iaʹ senteng pubo udip pe malap pe matai laho. Allah iaʹ ngeringa dau ue uban ne tunuk ngan libaʹ kimet palaʹ ia.

⁸Kenuen pe ia Anak Allah, ia pekalai puyan tudep bayaʹ dau, kuʹun puyan penuyen ne.

⁹Tegoʹ Yesus lepa nuyan daʹam are, ia penco nuyan atek puʹun puyan iaʹ pudip kelunan neng udip saheʹ kelineʹ iaʹ ngeriman, iaʹ ina me kelunan diaʹ tudep bayaʹ dau ue.

¹⁰Ngan Allah iaʹ badaʹ ia iaʹ Pengebioʹ Detaʹu bayaʹ tuk puyan detaʹu Makisidik.

¹¹Kadoʹ isiu ilu ubaʹ ke badaʹ neng puyan ini, un sepuʹo miat tekaʹ meʹ ke peluhaʹ sen ne mikem, uban penisen ncem malun.

¹²Lepa sukat ne pengemajan ncem mencam pekatuk kelunan, un sepuʹo petem ngkem mengaʹ kelunan iaʹ ke pekatuk ikem neng iaʹ ading dalem katuk Allah. Abeʹ kem uman kanen lan, bang telang iteʹ iaʹ tekep mikem.

¹³Kelunan iaʹ tekep ke nisep telang iteʹ, petem ca anak iʹut lepe ia, uban abeʹ e un mencam nugen tuk iaʹ teneng ngan iaʹ salaʹ.

¹⁴Ca naʹan kelunan diaʹ lepa bioʹ, uban ida ke uman kanen lan. Ida lepa pekalai, ngan un tekaʹ iaʹ ukoʹ de ke nugen iaʹ tiga ngan iaʹ jaʹat.