Read Wahau Kenyah PUYAN LUHA’ 13 Bible Online

PUYAN LUHA’ 13 - Wahau Kenyah bible

PUYAN LUHA’ 13

¹Kun nceʹ taʹan pelaʹa ca pun iaʹ jaʹat nai luhaʹ cen banget. Un uhung nge puloʹ de, ngan ulu ue tujoʹ de. Neng uhung nge un tapung paren singket te. Ngan neng singket ulu ue un ngadan iaʹ pejaʹat Allah kidi.

²Pun iaʹ jaʹat ina, akeʹ taʹan koʹ baʹan seʹ puyan kule are, taket te koʹ baʹan seʹ taket buang are, paʹ a koʹ baʹan seʹ paʹ lencau are. Kun bali sungai ina naʹ nyingan ne me pun jaʹat ina, pekina pe padung pengaren ne, ngan penyukat te iaʹ bioʹ.

³Akeʹ taʹan neng ca ulu pun ina un seʹ ca suhat iaʹ sarem kidi, tekep diseʹ ukoʹ o ke matai. Un sepuʹo lepa malit ne uban suhat iaʹ sarem idai. Mung kelunan kaʹ usun tanaʹ salam tekaʹ de tanaʹ seʹ pun ina, penco tai re bayaʹ ia.

⁴Mung kelunan lemameʹ palaʹ bali sungai ina, moʹ o lepa naʹ penyukat te me pun jaʹat ina. Kun nte lemameʹ palaʹ pun jaʹat ina lete. Un dau re: “Aheʹ iaʹ ke pekuaʹ ngan pun ini, ngan aheʹ iaʹ senteng ke nyakat ia tupe?”

⁵Un pun ina, kun Allah pedayo ia tai balang diseʹ ngan pejaʹat dau neng Allah. Kun Allah naʹ penyukat iaʹ pekina dalem pat puloʹ dua bulan pengemajan ne.

⁶Ina tading nge nunoʹ Allah, pekina pe ia pejaʹat ngadan Allah ngan kukoʹ Allah ngelineʹ, peging mung diaʹ mudip kaʹ surga te.

⁷Kun Allah pedayo ia pepatai ngan kelunan diaʹ anun Tuhan pa ha nyupeʹ ida. Kun Allah naʹ mia pelaʹa penyukat neng usun mung puhoʹ ngan naʹan gaham perinta, ngan naʹan isiu, ngan lepoʹ de.

⁸Mung kelunan kusun tanaʹ ini ke lemameʹ palaʹ ia. Ina ne mung kelunan diaʹ abeʹ ban un ngadan nte dalem surat udip Anak Dumba iaʹ lepa sihoʹ tebek are, surat iaʹ ban un cen kena usun tanaʹ ini ke nuyan.

⁹“Buk kem un telinga, tiga hem ngeringa.

¹⁰Aheʹ iaʹ tekep ke sihoʹ salut, seʹ de ke sihoʹ salut lete. Aheʹ iaʹ tekep ke matai man bahing, seʹ de ke matai man bahing lete ina. Dalem puyan ini tekep le kelunan diaʹ anun Tuhan nengayet neng taru, ngan tudep ngelan.”

¹¹Akeʹ taʹan pelaʹa kenai ca pun iaʹ jaʹat nai cen dalem tanaʹ. Un uhung nge dua re koʹ baʹan anun Anak Dumba, un sepuʹo isiu ue koʹ baʹan dau isiu bali sungai.

¹²Ia alaʹ mung penyukat pun iaʹ ading nai are, dudo ia. Ngan ia lemejen cuk mung kelunan kusun tanaʹ tai lemameʹ palaʹ pun iaʹ ading ina, iaʹ ban un suhat sarem iaʹ lepa malit ina.

¹³Kun pun iaʹ kedua ini uyan kudaʹ naʹan nyingan iaʹ bioʹ, pa ha cuk luten nai laboʹ cen langit kaʹ usun tanaʹ taʹan mung kelunan.

¹⁴Kun ne pelingu mung kelunan kusun tanaʹ moʹ kuʹun puyan nyingan idai iaʹ Allah pedayo ia uyan kata pun iaʹ ading ina. Kun pun ini cuk mung kelunan kusun tanaʹ ne uyan uyat man nyelama pun jaʹat, iaʹ ban lepa suhat sihoʹ bahing belekaʹ petem ban ne mudip lete.

¹⁵Kun Allah pedayo pun iaʹ kedua ina naʹ laset udip neng uyat pun iaʹ ading ina, idi uyat pun ina mencam pisiu ngan lematai mung kelunan diaʹ abeʹ un tai lemameʹ palaʹ ia.

¹⁶Kun pun ina mejen cuk mung kelunan, diaʹ dumit ngan diaʹ lataʹ, diaʹ kayaʹ ngan diaʹ kasip, diaʹ ulaʹ ngan diaʹ are ulaʹ, apan nte mung ke un ca tedanaʹ neng ujoʹ taʹu re, ngan neng anang nte.

¹⁷Abeʹ un ca usa kelunan senteng pebeli lemeli buk abeʹ un mampin tedanaʹ ina, iaʹ ina ngadan pun ina, ngan cap lumpun pun ina iaʹ saliu ngadan ne.

¹⁸Ini iaʹ ten tudi penisen le. Aheʹ iaʹ mencam pekimet, senteng te tisen sen cap pun ini, moʹ cap lumpun ina iaʹ seleket ngadan kelunan. Cap ina lumpun nem ato nem puloʹ nem.