Read Wahau Kenyah PUYAN LUHA’ 20 Bible Online

PUYAN LUHA’ 20 - Wahau Kenyah bible

PUYAN LUHA’ 20

¹Uʹo ina akeʹ taʹan ca melikat nai kentaʹ cen langit ngkang ca kusi penyalet pamen lubang ntem. Un pe ca ampit bioʹ neng ujoʹ o.

²Kun ne dakep bali sungai ina, ia lete iaʹ ncung ulai cen naʹaʹ idai, ia iaʹ Bali Jaʹat, ngan Sitan. Penco melikat ina lemeka ia ca ibu uman pengemajan ne.

³Kun melikat ina pet ia kedalem lubang ntem ina, penco ho malet te, ngan ngedintet penyalet te kidi, apan bali ina abeʹ un nai pelingu lepoʹ kelunan laʹa, pa ha tai muʹo tuket ca ibu uman ina. Uʹo ina pelaʹa kun melikat ina nakau ia, abeʹ e kumpin majan.

⁴Kun nceʹ taʹan pelaʹa kudaʹ kadoʹ padung pengaren, ngan kelunan diaʹ madung kidi. Kun Tuhan Allah naʹ penyukat mida man nte ke pebetep ukum tiraʹ. Kun nceʹ taʹan pelaʹa mung berua kelunan iaʹ dulu ban lepa lematai moʹ de lepa badaʹ tugen neng katuk telit iaʹ luhaʹ kuʹun Yesus, ngan neng tiraʹ Allah. Moʹ abeʹ de ubaʹ lemameʹ palaʹ pun jaʹat ina, pekina pe palaʹ uyat te. Abeʹ de mampin tedanaʹ pun jaʹat ina neng anang nte, pekina pe neng ujoʹ de. Kelunan dina iaʹ nai mudip ngan ngkang pengaren, pemung ngan Keristus, ca ibu uman pengemajan ne.

⁵(Mung kelunan diaʹ lepa ban matai, abeʹ de nai numpak mudip pa ketai muʹo ca ibu uman ina.) Ini ne iaʹ tading kelunan matai kenai beteʹ.

⁶Bangen saheʹ ngan bioʹ peniga tekaʹ kelunan diaʹ kahum neng puyan tading kelunan matai nai numpak mudip. Patai iaʹ kedua abeʹ un penyukat iaʹ ke sihoʹ neng ida ʹo. Ida diaʹ ke tai detaʹu me Allah, ngan diaʹ detaʹu me Keristus, ngan ida diaʹ ke ngkang pengaren pemung ngan ne ca ibu uman pengemajan ne.

⁷Muʹo ne ca ibu uman ina uʹo, kun nte ke nakau Sitan ina cen lubang ntem.

⁸Penco kenai Sitan ina kawang, tai pelingu mung naʹan gaham perinta kelunan diaʹ purat tipo kusun tanaʹ ini, iaʹ ina lepoʹ Guk ngan lepoʹ Maguk. Moʹ Sitan ina ubaʹ ke ngkin ida pempun apan nte pepatai. Toʹ kadoʹ de koʹ baʹan ahit kaʹ sada bahi banget are.

⁹Kenai bawa Sitan purat libut usun tanaʹ, ngan ngeliwang kukoʹ lepau kelunan diaʹ anun Allah, lepoʹ ina iaʹ Allah malaʹ. Un sepuʹo kenai luten cen langit nasaʹ mung diaʹ bayaʹ Sitan ina.

¹⁰Uʹo ina Bali jaʹat iaʹ ban lepa pelingu kelunan dina are, kun nte alaʹ ia, pet kedalem bawang luten ngan belirang, kukoʹ pun jaʹat ngan pegawa palo didai lepa tenepet are. Ida iaʹ siho tuyen utung tau utung alem pa majan ʹo.

¹¹Uʹo ina akeʹ taʹan ca padung pengaren iaʹ bioʹ ngan puteʹ. Un ca usa madung kidi. Un tanaʹ ngan langit tai pesau kata ia. Abeʹ le taʹan ne laʹa.

¹²Ngan akeʹ taʹan pe mung kelunan diaʹ matai, un pe diaʹ lataʹ kuaʹ ngan diaʹ dumit, nekejeng nyeripa padung pengaren ina. Un pe seʹ kudaʹ kudaʹ surat tai pesik. Uʹo ina pesik ne ca naʹan surat laʹa, iaʹ ina anun kelunan diaʹ mudip. Mung kelunan matai ke sihoʹ pebetep ukum bayaʹ ban pemuyan iaʹ idaʹ lepa uyan, kuaʹ ban iaʹ lepa un senurat dalem surat dina.

¹³Uʹo ina mung kelunan diaʹ lepa matai kaʹ banget nai kawang, pekina pe diaʹ lepa matai kusun tanaʹ ini kenai kawang cen ukoʹ pahung berua, iaʹ kukoʹ de peput are. Mung nte dina sihoʹ pebetep ukum bayaʹ ban pemuyan iaʹ ida lepa ban uyan.

¹⁴Uʹo ina puyan patai ngan tanaʹ diaʹ matai, ida pet kedalem bawang luten ina. (Bawang luten, ini ne patai iaʹ kedua.)

¹⁵Aheʹ kelunan diaʹ abeʹ un ngadan ne senurat dalem surat anun diaʹ mudip dina, ida pe ketai nepet dalem bawang luten ina.