Read Wahau Kenyah PUYAN LUHA’ 6 Bible Online

PUYAN LUHA’ 6 - Wahau Kenyah bible

PUYAN LUHA’ 6

¹Uʹo ina akeʹ taʹan Anak Dumba ina lemasi mesik iaʹ tading tujoʹ penyalet ina. Dalau ina heʹ kenahan dau ca usa me diaʹ pat naʹan diaʹ mudip didai, koʹ baʹan dau gerem langit are kuma ha: “Nai ne.”

²Kun nceʹ taʹan ca kuda puteʹ. Laki iaʹ madung neng usun ia ngkang ca tekatik nyatap. Ca tapung laja ida naʹ mia. Nai ie kawang koʹ baʹan ca kelunan iaʹ panyit nyipe neng kayau re, apan ne ke un usun neng mung bunoʹ o.

³Uʹo ina Anak Dumba ina lemasi mesik penyalet iaʹ kedua ha laʹa. Penco heʹ kenahan dau iaʹ kedua neng ahang ida pat naʹan diaʹ mudip didai are kuma ha: “Nai ne.”

⁴Nai kun ca kuda diaʹ ca kawang pelaʹa, bala seʹ e. Un iaʹ madung kidi, kun nte naʹ penyukat mia man ne sau tiga saheʹ kusun tanaʹ ini, pa ketai kelunan pepatai neng ida semaheʹ. Kun nte naʹ ca bahing dadoʹ le mia.

⁵Uʹo ina Anak Dumba ina lemasi mesik penyalet iaʹ ketelu ue. Penco heʹ kenahan dau iaʹ ketelu neng ahang ida pat naʹan diaʹ mudip didai kuma ha: “Nai ne.” Kun nceʹ naʹat pelaʹa kenai ca kuda iaʹ saleng. Laki iaʹ ngedung kidi ngkang tebangen neng ujoʹ o.

⁶Penco heʹ kenahan dau kenai ca isiu cen ahang diaʹ pat naʹan diaʹ mudip didai kuma ha: “Ca tukaʹ bahaʹ suaʹ gayeng ca tau. Telu tukaʹ jelai suaʹ gayeng ca tau. Teleseʹ, pekina pe telang anggur, ayen ngaleʹ suaʹ ina.”

⁷Uʹo ina Anak Dumba ina lemasi mesik penyalet iaʹ kepat te. Penco heʹ kenahan dau isiu iaʹ kepat diaʹ mudip didai kuma ha: “Nai ne.”

⁸Kun nceʹ naʹat pelaʹa, un ca kuda iaʹ semampo. Laki iaʹ ngedung kidi un ngadan ne pematai. Ngan iaʹ nai bayaʹ ia, ngadan ne Tuʹa Lepoʹ diaʹ Matai. Kun nte naʹ penyukat mida dua neng ca tulat pat usun tanaʹ ini, apan nte senteng lematai kelunan man bahing, man lien, man layu, man pun diaʹ lajam kusun tanaʹ ne.

⁹Uʹo ina Anak Dumba ina lemasi mesik penyalet iaʹ kelema ha. Penco heʹ taʹan kentaʹ padung pencai, idi diseʹ berua kelunan diaʹ ban lepa matai moʹ ban suaʹ de badaʹ tiraʹ Allah, ngan ban suaʹ puyan nte semamet badaʹ tugen neng puyan Tuhan.

¹⁰Bioʹ dau re ngelengap. Un dau re: “O Tuhan iaʹ atek bioʹ penyukat, iaʹ buheʹ ngan iaʹ telit, kudaʹ majan laʹa kena hoʹ ke metep ukum ngan ke nyuaʹ dahaʹ meʹ neng kelunan kusun tanaʹ ne ʹo tupe?”

¹¹Kun ne naʹ sapai puteʹ mida, singket usa re. Un dau ue cuk ida ngelineʹ abeʹ majan laʹa, pa ketai tuket pengekadoʹ diaʹ cenganak de, diaʹ pekuaʹ pegayeng ngan nte, ketai sihoʹ patai koʹ baʹan ida.

¹²Uʹo ina akeʹ taʹan seʹ Anak Dumba lemasi mesik penyalet iaʹ kenem. Belekaʹ sarem tekaʹ liung tanaʹ. Dalau ina mata tau tai saleng koʹ baʹan seʹ kain saleng nte, ngan bulan pe tai pekaliu bala koʹ baʹan seʹ dahaʹ re.

¹³Un pe betuʹen kaʹ langit nai lero kusun tanaʹ koʹ baʹan buaʹ abung ahaʹ iaʹ lero kuʹun bahiu kasa re.

¹⁴Un pe langit tai pesau koʹ baʹan seʹ surat iaʹ tenelen idai. Singket mudung ngan lioʹ tai paso cen ukoʹ o.

¹⁵Dalau ina mung diaʹ laja kusun tanaʹ, ngan diaʹ paren, pekina pe diaʹ pengulu sedadu, ngan kelunan kayaʹ, ngan diaʹ pali, pekina pe mung kelunan diaʹ ulaʹ, ngan diaʹ tengen mudip, mung dina tai pekelem dalem lubang batu, ngan kahang batu kaʹ mudung.

¹⁶Mentung nte mengin mudung ngan batu, dau re: “Mencit ne ameʹ. Ngelidung meʹ cen mata Laki iaʹ madung neng usun padung pengaren ina, ngan cen kenca Anak Dumba.

¹⁷Moʹ tau bioʹ kenca Allah re dua Anak Dumba ina lepa abeʹ ne ini. Ameʹ abeʹ un nyatan uʹo.”