Read Wancho Naga Pongwang Laipex 10 Bible Online

Pongwang Laipex 10 - Wancho Naga bible

Pongwang Laipex 10

¹Ibu a Noa sasün Shem, Ham, Jafet hwom sixlibu changle. Hwom azom pangwüi ang tinu-mualyemle chang füima su-sabu tüi.

²Jusep sasün hwom: Gomar, Magog, Madai, Jawan, Tubal, Meshek, üntoxle Tiras—hwom bibi a hwom mün ningle tüikya masix-malibu putong hwom changle.

³Gomar sixlibu a Ashkenaz, Rifath, üntoxle Togarmah khünakbu changle.

⁴Jawan sixlibu a Elishah, Spain, Saipras, ilaxle Rod khünakbu changle;

⁵hwom bibi a tinukax achole tüikya hia shuazobu ma tüikya khünakbu putong hwom changkya. Ibu a Jafet sixlibu changle. Hwom a majat-mali-mali ang tamchu ma chaxwanwan to, makax mangao-ngao ma wünle hüi.

⁶Ham sixli hwom a—Kush, Ijip, Libia, üntoxle Kanan—ibu a hwom mün lünle tüikya khünaknu putong hwom changkya.

⁷Kush sixli a Seba, Hawilah, Sabtah, Ramah, hia Sabteka nokbu changle. Ramah sixlibu a Seba hia Dedan nokbu changle.

⁸Kush ang Nimrod le amünkya sasün tuita tüikya. Chix a chaxwannu pangnu to lütle tsuakkya mixtsak-naomüi tuita ang achang.

⁹JOWANPA tunthoma chix a chongkya müihap mix tuita changkya ikhoma khünaknue ile apyen: “JOWANPAe nang a Nimrod ningle tuita chongkya müihapmix ang naxachang.”

¹⁰Pongwang ma chix wangting ma ibibi womle tüikya: Babilon, Erek hia Akad; ibu pangwüi Shinar haxtok ma tüikya.

¹¹Ija haxtok makhange chix Asiria nok to pao ilaxle Ninewi, Rehoboth Ir, Kalah,

¹²hia Resen, oja Ninewi hia chongkya shuanu Kalah nyi zo ma tüikya hex, ibu tingnubu zing.

¹³Ijip sixlibu hwom a Lidia, Anam, Lehab, Naftuh,

¹⁴Kret angkya Pathrus, Kasluh, owa makhange Filistia nok pu-tsale hüipuix.

¹⁵Kanan a Sidon, owa somwang nao changkya hex üntoxle Heth: hwom a hwom mün ma nyakle tüikya khünaknu putong hwom.

¹⁶Kanan a Jebu, Amor, Girgash,

¹⁷Hip, Arki, Sin

¹⁸Arwad, Zemar hia Hamath, ibu nok putong changkya. Ofüima Kanan saxthom a huanuma pu-tsale pao;

¹⁹üntoxle Kanan haxtok a Sidon makhange Gerar chikao Gaza alople üntoxle Sodom, Gomorah, Admah üntoxle Zeboiim tamchu Lasha alople khaole pao.

²⁰Ibu a Ham sixlibu changle; hwom a majat mali-malile tamchu ma chaxwanwan to ngole hüi ilaxle matsai-makaxkax ma zangwünle hüipu.

²¹Jafet zongma hotüi Shem a Ibri hwom pangwüi putong ang achang.

²²Shem füikya züjen: Elam, Ashur, Arfakshad, Lud, ilaxle Aram—hwom a hwom mün lünle tüikya khünaknu putong hwom changkya.

²³Aram sixlibu a Uz, Hul, Gethar, ilaxle Meshek khünaknu hwom changkya.

²⁴Arfakshad a Shelah hopa changkya, chix a Ebar hopa changkya.

²⁵Ebar ang sasün anyi tüikya: tuita ang Peleg le amün chemthüikoxle chix tsün ma chaxwannu angkya khünaknu ahanle pao; ilaxle ata mixsün ang a Joktan le amün.

²⁶Joktan sixli hwom a Almodad, Shelef, Hazarmaweth, Jerah,

²⁷Hadoram, Uzal, Diklah,

²⁸Obal, Abimael

²⁹Ofir, Hawilah, üntoxle Jobab hwom bibi changkya.

³⁰Hwom ngokya haxtok a handünchi angkya haxhua ma tüikya Mesha hia Sefar haxtok alople tüikya.

³¹Ibu a mazu-majenjen, manok-mazaza tamchu matsai-makaxkaxle ngokya Shem sixli hwom changkya.

³²Onok-onok ma, ma saxthom-thomle zutong tole, ibibi a Noa su-sa hwom changkya. Tinu-mualyemle chang füima chaxwannu angkya khünaknu a Noa makhange tix pu-tsale hüipu.