Read Wancho Naga Pongwang Laipex 11 Bible Online

Pongwang Laipex 11 - Wancho Naga bible

Pongwang Laipex 11

¹Owangpong ma zangfang angkya khünaknu nok wüi kax tuita ma akaxle tüikya ilaxle hwome zangwün tuita ma wün.

²Hwom handün chito hamhamle lekya zuma Shinar le nyakkya haxshanu hato ngui ilaxle ikhama tingtan-nokzingle ngo.

³Hwome tata füi ile akax: “Oman, kemepi haxhuak-long zinghax.” Ile hwome long lüi ma haxhuak-long lax ilaxle ibu to atsam ang hwome kom-hax lax.

⁴Ifüima hwome thüi: “Kem mün naxngo ang tamchu kem fong chifan angkya hanpakma, oman, kemepi tingnu tuita zingle alaihax ilaxle ikhama ding to thukya longhom tuita zaile alaihax.”

⁵Ifüima khünakbu zingkya tingnu hia longhom to hu ang JOWANPA ngui.

⁶Ilaxle chixe thüi: “Hulax hwom a khünaknu tuita, hwom ang zangwün tuita wüi changle; ija a hwome mok angkya sütwang-mwotwang tix changpu. Hwome mok ang azuakya mwot pangwüi mokle tsuak angkya changa!

⁷Oman, juhax! Hwom ang tsaikho-kaxkho asamle koxhax, ikoxtix hwome tata zangwün chitsingle changüi.”

⁸Ile JOWANPAe hwom ikha angkya chaxwannu thün awangle chiakle pao ang tom. Hwome zingle ngokya longhom a chitsuak homle athole tox.

⁹Idaile ikha ang “Babel”, le nyak, chemthüikoxle ikhama JOWANPAe zangfang angkya khünaknu zangwün matsai-makaxkax ang achangle koxkya changle; ikha angkya hwom JOWANPAe chaxwannu thün awangle chiakle asam.

¹⁰Ibu a Shem sixlibu changle. Shem zanglao 100 nguikya zuma chix a Arfakshad hopa ang achang. Ija a tinu-mualyem füima zanglao anyi-lükya changpu.

¹¹Arfakshad puxkya füima Shem zanglao 500 tsünlole ngo. Ipongma chixe su-sa hwom mamabu su-sa wüi pux-paile chang.

¹²Arfakshad zanglao 35 tsongle hüi füima chix a Shelah hopa ang achang.

¹³Shelah pux füima Arfakshad a zanglao 400 tsünlole ngo. Ipongma chixe su-sa mamabu su-sa wüi pux-paile chang.

¹⁴Zanglao 30 tsongle hüikya zuma Shelah a Ebar hopa ang achang.

¹⁵Ebar pux füima Shelah a zanglao 403 tsünlole ngo. Ipongma chixe su-sa hwom mamabu su-sa wüi pux-paile chang.

¹⁶Chemtue Ebar zanglao 34 nguile hüipuix, chix ang Peleg le amünle sasün tuita pux;

¹⁷ifüima chix chatle zanglao 430 tsünlole ngo ilaxle mama su-sa hwomchu wüi pux-paile chang.

¹⁸Chemtue Peleg zanglao 30 nguile hüipuix, chix a Reu le amünle sasün tuita ngün;

¹⁹ifüima chix zanglao 209 tsünlole ngo ilaxle su-sa hwom mamabu su-sa wüi pux-paile chang.

²⁰Chemtue Reu zanglao 32 nguile hüipuix, chix a sasün tuita Serug ngün;

²¹ifüima chix zanglao 207 tsünlole ngo. Ipongma mama su-sa hwomchu wüi pux-paile chang.

²²Chemtue Serug zanglao 30 nguile hüipuix, chix ang sasün tuita Nahor pux;

²³ifüima chix zanglao 200 tsünlole ngo. Ipongma chix ang su-sa hwom mamabu su-sa wüi pux-paile chang.

²⁴Chemtue Nahor 29 nguile hüipuix, chix ang sasün tuita Terah pux;

²⁵ifüima chix zanglao 119 tsünlole ngo. Ipongma chix ang su-sa hwom mamabu su-sa wüi pux-paile chang.

²⁶Terah zanglao 70 nguile changpongma, chix a Abram, Nahor hia Haran hwom hopa ang achang.

²⁷Ibu a Terah sixli hwom changle; chix a Abram, Nahor hia Haran hwom hopa changkya. Haran a Lot hopa changkya.

²⁸Haran a Babilon chaxwan tokya Ur nok, chix tingsho ma zi. Ipongma hopa a mazikya.

²⁹Abram-e Sarai lax, ilaxle Nahor-e Haran sacha Milkah lax. Haran a Iskah hopa su-sa wüi changkya.

³⁰Sarai-e supux-sapaile chichang.

³¹Sasün Abram, hosu Lot, chix a Haran sasün changkya, ilaxle honomcha Sarai, she a Abram kakonu, hwom bibi koplaxle Terah a Ur tingnu dantoxlaxle Kanan haxtok ma ngo ang Babilon nok to pao. Hwom a Haran alople ka ilaxle ikhama hom-hax zaile ngo.

³²Terah a ikhato zanglao 205 ma zi.