Read Wancho Naga Pongwang Laipex 36 Bible Online

Pongwang Laipex 36 - Wancho Naga bible

Pongwang Laipex 36

¹Ibu a Esau sixli hwom changpu. Hwom ang Edom lechuwüi nyak.

²Esau-e Kananchabu lax. Adah, she a Hit nok Elon sacha changkya; Oholibamah, she a Hip nok Zibeon sasün Anah sacha changkya;

³üntoxle Basemath, she a Ishmael sacha tamchu Nebaioth nanao changkya.

⁴Adah-e Elifaz pux; Basemath-e Reuel pux;

⁵ilaxle Oholibamah-e Jeush, Jalam, hia Korah hwom pux. Naosom ibibi a Esau ang Kanan haxtok to tüipongma pux-pai.

⁶Ifüima Esau-e chix kakobu lax, sasün hwom lax, sacha hwom lax, üntoxle chix hom ma tüikya tsom-pombu pangwüi lax, Kanan haxtok ma chixe kop-lole changkya tuinabu pangwüi lax, ilaxle honao Jakop füi atsaile haxtok mama khato pao.

⁷Jakop hokhi ang tsom-pom müimamale tüikya khoma, athax hokhi ngole tüikya haxtok, hokhi pangnyi hanpak ang okho süchingui, ikhoma chixe ija haxtok toxlaxle mama haxtok lomle pao.

⁸Esau a Edom nok haxhua nok to ngole hüi.

⁹Ibu a, Edom nok putong Esau makhange hüikya chix su-sa hwom changle.

¹⁰Esau kakonu Adah-e chix ang sasün tuita Elifaz puxle kox; Elifaz-e sasün hwom aga: Teman, Omar, Zefo, Gatam, üntoxle Kenaz hwom bibi. Ilaxle mama kakonu Timna makhange chix ang sasün tuita, Amalek puxle kox. Esau kakonu Basemath-e chix ang sasün tuita, Reuel puxle kox, ilaxle Reuel sasün hwom ali tüikya: Nahath, Zerah, Shammah, üntoxle Mizzah hwom bibi.

¹⁴Esau kakonu Oholibamah, Anah sasün Zibeon-e, chix ang sasün azom: Jeush, Jalam, üntoxle Korah, hwom bibi puxle kox.

¹⁵Ibibi a Esau makhange pu-tsale hüikyabu changle. Esau-e puxkya pongwang lükya sasün Elifaz a ibibi jat-libu putong changle: Teman, Omar, Zefo, Kenaz,

¹⁶Korah, Gatam, üntoxle Amalek. Ebibi a Esau kakonu Adah sixli hwom changpu.

¹⁷Esau sasün Reuel ibibi jat-li hwom putong changle: Nahath, Zerah, Shamah, üntoxle Mizah. Hwom bibi a Esau kakonu Basemath sixli hwom changle.

¹⁸Jeush, Jalam, üntoxle Korah hwom bibi jat-li a, chix kakonu Oholibamah, owa Anah sacha changkya hex, she makhange hüikya Esau sixli hwom changle.

¹⁹Ebibi jat-libu a Esau makhange pu-tsale hüikyabu changle.

²⁰Ami owang tokhange wüi Edom nok chaxwan ma tingkop-haxzingle ngole hüikya jat-libu a ahak-ahanle pao. Hwome ma putong hwom ang, Hori khünak Seir su-sa hwom ibibi mün lünle: Lotan, Shobal, Zibeon, Anah, Dishon, Ezar, üntoxle Dishan.

²²Lotan a Hori hia Heman nyi homjen hwom putong changkya. (Lotan ang nanao tuita Timna le tüikya.)

²³Shobal a Alwan, Manahath, Ebal, Shefo, üntoxle Onam hwom haxjen-homjen putong changkya.

²⁴Zebion ang sasün anyi tüikya: Aiah hia Anah nyi. (Hopa mantsakbu nyele ngopongma sak-hax faokhato tikham fuakle laingokya tifuak nui atakkya a ija Anah changkya.)

²⁵Anah a Dishon hopa changkya. Chix a ibibi homjen putong chuwüi changkya: Hemdan, Eshban, Ithran, üntoxle Keran. Anah ang chuwüi Oholibamah le amünle sacha tuita tüikya.

²⁷Ezar a, Bilhan, Zawan, üntoxle Akan hwom bibi homjen putong changkya.

²⁸Dishan a Uz hia Aran nyi homjen putong changkya.

²⁹Ibibi a Edom nok ma tüikya Hor jat-libu changpu: Lotan, Shobal, Zibeon, Anah, Dishon, Ezar, üntoxle Dishan.

³¹Israel nok apün ang wanghom owawa matüi tanto ibu a Edom nok apünle hüikya wanghombu changpu: Dinhabah angkya Beor sasün Bela Bozrah angkya Zerah sasün Jobab Teman haxsüt angkya Husham Awith angkya Bedad sasün Hadad (Moab chaxwan ma azan pongma Midi nok to chixe lüt) Masrekah angkya Samlah Shuanu ding ma tüikya Rehoboth angkya Shaul Akbor sasün Bal Hanan Pau angkya Hadad (Mehetabel a chix kakonu changkya, she a Matred sacha üntoxle Mezahab sucha changkya)

⁴⁰Esau a ibibi jat-li hwom putong changkya: Timna, Alwah, Jetheth, Oholibamah, Elah, Pinon, Kenaz, Teman, Mibzar, Magdiel, üntoxle Iram. Ma ngokya khakha ma haxtok ang majat mali mün koxle tox. Ija makhange hwom a ija jat changa le ochwon ma awan ang tsuak.