Read Wancho Naga Pongwang Laipex 5 Bible Online

Pongwang Laipex 5 - Wancho Naga bible

Pongwang Laipex 5

¹Ija a Adam sixli hwom mün zakya changle. (Zang-e khünaknüsa zingpongma, chix hwom chix lailaile zing.

²Chixe hwom sheko üntoxle lüka le zing, hwom to mohiman, ilaxle hwom ang “Khünaknüsa”, le nyak)

³Chemtue Adam 130 zanglao nguipuix, chix ang chix lailaikya sasün tuita tüi, ilaxle chixe chix ang Seth le amün.

⁴Ifüima Adam 800 zangpua ngo. Chix ang su-sa hwom mamabu su-sa wüi tüi.

⁵Chix a zanglao 930 nguipongma zile pao.

⁶Chemtue Seth a zanglao 105 nguipuix, chix ang Enosh le amünle sasün tuita tüi.

⁷Ifüima chix 807 zanglao tsünlole ngo. Chix ang mama su-sa hwomchu wüi tüi.

⁸Chix a 912 zanglao tsünlole ngolaxle zi.

⁹Chemtue Enosh zanglao 90 nguile hüipuix, chix ang sasün tuita tüi. Chix ang Kenan le amün.

¹⁰Ifüima chix zanglao 815 tsünlole ngo. Ipongma chix ang mama su-sa hwomchu wüi tüi.

¹¹Ilaxle 905 zanglao tsünlole ngofüima chix zi.

¹²Chemtue Kenan 70 zanglao nguile hüipuix, chix ang Mahalalel le amünle sasün tuita tüikya.

¹³Ifüima chix zanglao 840 tsünlole ngo. Ipongma chix ang mama su-sa hwomchu wüi tüi.

¹⁴Chix a zanglao 910 tsünlole ngolaxle zi.

¹⁵Chemtue Mahalalel zanglao 65 nguipuix, chix ang Jared le sasün tuita tüi.

¹⁶Ifüima chix zanglao 830 tsünlole ngo. Ipongma chix ang mama su-sa hwomchu wüi tüi

¹⁷ilaxle zanglao 895 nguikya zuma chix zile pao.

¹⁸Chemtue Jared zanglao 162 nguile hüipuix, chix ang Inok le sasün tuita tüi.

¹⁹Ifüima chix zanglao 800 tsünlole ngo. Ipongma chix ang mama su-sa hwomchu wüi tüi.

²⁰Chix a zanglao 962 tsünlole ngolaxle zile pao.

²¹Chemtue Inok zanglao 65 nguile hüipuix, chix ang Methuselah le amünle sasün tuita tüi.

²²Ifüima Inok a Zang füi notom-tusüi ma zanglao 300 tsünlole ngo. Ipongma chix ang mama su-sa hwomchu wüi tüi.

²³Ifüima chix zanglao 365 tsünlole ngo.

²⁴Chixe chix tsün a Zang füi notom-tusüi ma ngole akai, ifüima chix chingünle sam, chemthüikoxle Zang-e chix tswonle pao.

²⁵Chemtue Methuselah a zanglao 187 nguile hüi, chixe Lamek le amünle sasün tuita ngün.

²⁶Ifüima chix zanglao 782 tsünlole ngo. Ipongma chix ang mama su-sa hwomchu wüi tüi.

²⁷Chix a zanglao 969 tsünlole ngolaxle zi.

²⁸Chemtue Lamek a zanglao 182 nguile tüikya hex, chix ang sasün tuita ngün.

²⁹Ilaxle chixe thüi: “Haxtok oja to JOWANPAe thuakzomle changdaopuix, ija haxtok makhange ija naoe, keme sikngün ashukle mok-mole ngokya nazak ang tomüi”; ikhoma chixe ija nao ang Noa le amün.

³⁰Ifüimachu Lamek a zanglao 595 tsünlole ngo. Ipongma chix ang su-sa mamabu su-sa wüi tüi.

³¹Chix a zanglao 777 tsünlole ngolaxle zi.

³²Noa zangpua 500 zanglao nguile changkya füima, chix ang Shem, Ham, üntoxle Jafet le sasün hwom azom ngün.