Read Wancho Naga Pongwang Laipex 6 Bible Online

Pongwang Laipex 6 - Wancho Naga bible

Pongwang Laipex 6

¹Chemtue khünaknu chaxwan pangnu khato pu-tsale paopuix, tamchu sucha hwom pux-paile changpuix,

²züizüi zangkho tokyabue ibu shekobu tüle osün müile ngün, ikhoma hwome mamong atsutsu tuipong tswonle lax.

³Ifüima JOWANPAe thüi: “Kue khünakbu a chizi-chimaxle ngo ang müntomüi; hwom a zi angkya changle. Athax makhange hwom a zanglao 120 tok to kaile owachu tsünlole münngoüi.”

⁴Ipongma, ilaxle ifüima su-sa wüi, zangkho tokya Zangsu-zangsabu hia shekobu makhange pux-paile changkya tomchong-hualo khünakbu tüikya. Kaipongma hwom a mixtsak-naomüibu tamchu zangle wünkya khünakbu changkya.

⁵Chemtue JOWANPAe chaxwan tok angkya pangnusa wüi chichang-chizangle tamchu jento tutex chimüikyae awangle ngokya ngün ang koppuix,

⁶chixe ibu zingle alailaxle chaxwan tok ma danle toxkya bama chix mongto ile chichanghaxkuxle thüt. Chix mongto tüle kaklaxle

⁷chixe thüi: “Kue zingle alaikya khünak ibu kue bakle amütüi. Müi-nyax hia o-juxbu su-sa wüi amütüi, chemthüikoxle ibu pangwüi zingle alaikya bama ku ang mongmale.”

⁸Ikoxlechu JOWANPA ang Noa füi mongzom müikya tüi.

⁹Ija a Noa pukax changle. Chix ang Shem, Ham üntoxle Jafet le sasün hwom azom tüikya. Chix tsündang khama thaikya chemchu chitüikya khünak mixmüi a Noa chix tata wüi changkya. Chix a Zang füi notom-tusüi ma ngole hüi.

¹¹Zang miksho ma mamabu ang pangwüi thaile tüikya, ilaxle pangnu khato wüi changnong-pünthom tatale tüikya.

¹²Zang-e chaxwannu to hule ano koxle ija a ochax ang changdaoale ngün, chemthüikoxle khünaknu pangwüi chichang-chizangle ngole tüikoxle.

¹³Zang-e Noa ang thüi: “Kue khünaknu pangwüi amüt angkya mongzangwünle tsuakdaoa. Kue hwom komkaile amütüi, chemthüikoxle chaxwannu a tata zan to kakkya chimüikya hwom mwote awangdaoa.

¹⁴Müikya pün füi khua tuita zinglax; ija omong khato nuibu zinglax ilaxle omongchi hia kotokchi pangkha towüi nüi füi lile chwoplax.

¹⁵Ija a olwot ma su 450, okhao ma su 75, ilaxle ochuak a su 45 le zinglax.

¹⁶Ija hom a loxtok füi zinglax ilaxle ija loxtok hia homsam nyi bama sokta tukux toxlax. Ija a tanlya azom füi zinglax ilaxle homsam ma fülom panlax.

¹⁷Ozün ma tüikya zünmok pangwüi amüt angkya hanpakma kue chaxwan tok to tinu-mualyemle chang ang tomüi. Chaxwan tok ma atüitüi komkaile zile paoüi,

¹⁸ikoxlechu kue nang füi tsaotsüt tüiüi. Nang kakonu, hünsa hwom hia hwom kakonubu füi nang khua mongto donglax.

¹⁹Ibu oli chiamüt angkya hanpakma nang füi tomle khua mongto honu-hola honu-hola le müi hia o-jux oli akiakle koplax.

²¹Hünzom hanpak ang tamchu ibu pangwüi hanpak ang hünzom füi tomle osüt-oling pangwüi koplax.”

²²Zang kaxtom lailaile Noa-e pangwüi mokle tsuak.