Read Wancho Naga 2 Samuel 4 Bible Online

2 Samuel 4 - Wancho Naga bible

2 Samuel 4

¹Chemtue Sol sasün Ishbosheth-e Hebron ma Abnar langkya kaxho atatpuix, chix tüle za, ilaxle Israel khünak pangwüi ang na nwon.

²Ishbosheth a nguakax-wangkho anyi, tuina tsui apüi angkya khama lompabu Benjamin homjen angkya Beroth nok angkya Rimon sasün Banah hia Rekab nyi tüikya. (Beroth a tuita Benjamin füikya le e.

³Ikha angkya nokpubu a Gittaim to paolaxle onyem ang ikhato ngole hüi.)

⁴Mama Sol osix-oli a Jonathan sasün Mefibosheth changkya. Sol hia Jonathan nyi langpongma chix a zanglao aga ma dantox. Chemtue Jezril tokhange hokhi zikya kax atat ang koppuix, chix kople atsünkya naokopnue chix a laxlaxle pao; ikoxle she a müimamale akhangle zikkya khoma naosa adüt ilaxle ofai-oshuk khünak ang achang.

⁵Rekab hia Banah nyi Ishbosheth hom alop ang paokya tungto shene eto ngui, ipongma chix a tungto nazak laxle asu.

⁶Luapox ma ngokya mixchae wonglai tsax zütle ngokya mikngüt hüile jiple ngokya, ikhoma Rekab hia Banah nyi a chingün tama paole bang.

⁷Noxta hommong to, hokhi a Ishbosheth nui to dong; chix a mikngüt müile jiple ngokya, ilaxle hokhie chix langle tox. Ifüima hokhie chix khang düt, ija hokhi füi tomle laxlaxle pao, ilaxle wünmetungle Jordan haxsha fole aham.

⁸Hebron ma hokhie ija khang Dawid chak to kox ilaxle thüi: “Ija a nang lang ang tungle ngokya nang zanpa Sol sasün Ishbosheth khang changle. Wanghompa, anyix JOWANPAe Sol hia chix sixli hwom to olüi khom angkya nang chak to dandaoa.”

⁹Dawid-e chix kax to lan: “Kue ozün ma tüikya Zang, owae ku khosünle hüipuix, chix mün ma tsaosaxpu!

¹⁰Kaxho mix owa Ziklag ma ku hato hüipuix, chixe Sol zikya bama ku hama wünle changkya a tuita müikya kaxho ningle lax. Kue chix kop ilaxle chix mik max ang tompu. Chixe ku hato müikya kaxho apüikya hingho ang kue chix ang ija koxpu!

¹¹Chem chitikkya khünak tuita ma homkha ma jiple dangjale ngokya mik amütkya bao, khünak zongma chemtukux chongkya shoma ang changüihex! Athax kue chix langkya khoma hünkhi to jannong alüile changüi ilaxle hünkhi a chaxwan tok angkya oman chitoxle amütüi!”

¹²Dawid-e kaxtom kox ilaxle chix süpahibue Rekab hia Banah nyi lang ilaxle hokhi cha hia chak düt ilaxle ibu hwome Hebron angkya tüküi zui ma asha le thom. Hwome Ishbosheth khang laxlaxle Hebron Abnar zukting ma akhün.