Read Wancho Naga 1 Pukax-Pangao 15 Bible Online

1 Pukax-Pangao 15 - Wancho Naga bible

1 Pukax-Pangao 15

¹Chix ngo angkya hanpakma, Dawid-e Dawid tingnu ma homzai. JOWANPA Tsaotsüt Suak dan angkya hanpakma onui üntoxle ija thom angkya nyihom tuita zai.

²Ifüima chixe thüi: “Ija Suak a Liwi hwom tatae tix pai angkya changle, chemthüikoxle ija azya angkya ilaxle jento ija thothale chang ang JOWANPAe zünle kopkya a hwom tix changle.”

³Chixe ija dan angkya hanpakma onui achwonle thomkya khama, ija Suak apüile dan ang Dawid-e Israel khünaknu pangnusa Jerusalem to ngui ang ahyen.

⁴Ifüima chixe Arun hia Liwi hwom sixlibu se angkya hanpakma apao.

⁵Kohath saxthom angkya Liwi hwom khama Uriel ngui. Chix a hwom saxthom ma 120 khünak to hu angkya mix changkya;

⁶Merari saxthom angkya Asaiah, 220 khünak to hu ang ngokya mix ngui;

⁷Gershon saxthom makhange, Joel, 130 khünak to hu ang ngokya mix ngui;

⁸Elizafan saxthom makhange, Shemaiah, 200 khünak to hu ang thomkya mix ngui;

⁹Hebron saxthom makhange, Eliel, 80 khünak to hu ang thomkya mix ngui;

¹⁰ilaxle Uzziel saxthom makhange, Aminadab, 112 to hu ang ngokya mix ngui.

¹¹Dawid-e nguapa Zadok hia Abiathar nyi füi tomle Liwi hwom, Uriel, Asaiah, Joel, Shemaiah, Eliel, hia Aminadab hwom bibi sele anop.

¹²Chixe Liwi hwom ang thüi: “Hünzom a Liwi saxthom lompabu changle. Ija dan ang achwonle thomkya khama kue Israel nok Zag Tsaotsüt Suak apüile dan angkya hanpakma hünzome ma alüile tamchu hünzui hwom atsao-athale changlax,

¹³chemthüikoxle, ami owangpongma ija azya angkya khama hünzom chitüi, ile kwome chix to shwomtole chang angkya olom ma chimokkya khoma JOWANPAe kwom to sikngün apong ang tomdaoa.”

¹⁴Ifüima JOWANPA, Israel nok Zang Tsaotsüt Suak apüi angkya hanpakma zompu-zangpabu hia Liwi hwome ma atsao-athale chang.

¹⁵Mosa makhange JOWANPAe kaxtom fale tüikya ningle Liwi hwome ija Suak suakkang ma danle dang ma azya.

¹⁶Liwi hwomkha angkya züizüibu tsaingao mixbu, thuaput waxmai mütle chang angkya hanpakma Dawid-e Liwi lompa hwom füi akax.

¹⁷Tsaipa hwom saxthom kha angkya jangjong khopsya hong angkya hanpakma khünak ibibi zünle kop: Joel sasün Heman, hwom haxnu homsa wüi Berekiah sasün Asaf, üntoxle Merari saxthom angkya Kushaiah sasün Ethan. Hwom to fong angkya hanpakma dingsa ma klingkingkongbu angao ang Liwi hwom ibibi kam: Zekariah, Jaziel, Shemiramoth, Jehiel, Unni, Eliab, Maseiah, ilaxle Benaiah hwom bibi. Dingnu ma klingkingkongbu angao angkya hanpakma Liwi sün hwom ibibi kam: Mattithiah, Elifelehu, Mikneiah, Azaziah, ilaxle Zangshwom-Hom nyetmixbu, Obed Edom ilaxle Jeiel hwom bibi.

²²Tsai-lwom ma müikya khoma Kenaniah a Liwi hwom tsai zunmix ang kam.

²³Berekiah hia Elkanah nyi a, Obed Edom hia Jehiah nyi füi tomle, Tsaotsüt Suak nyetmixbu ang kam. Nguapabu Shebaniah, Joshafat, Nathanel, Amasai, Zekariah, Benaiah, hia Eliezar hwom a Suak tunthoma nyazong mütmixbu ang kam.

²⁵Ikhoma wanghompa Dawid, Israel khünaknu lompabu, ilaxle süpahi lompabu, ija Suak lax ang Obed Edom hom to pao, ilaxle ikhato hwome tüle chongkya pangpwon sax.

²⁶Hwome maihupong anüt, chun anüt, Suak paile changpongma Zang-e Liwi hwom to asunle naxchang ang tö kox.

²⁷Dawid a jaknyi müikya awunlaxle tüikya. Ija ningle Kenaniah-e zunlaxle tsaingao mixbu chuwüi müile aza-apua laxle tüikya. Dawid a jaknyi Suakwex-nyi chuwüi tholaxle tüikya.

²⁸Israel nok pangwüi ija Suak zunle, nyazongbu müt, thuaput-waxmaibu angao, khopsya hia klingkingkongbu angaole, hwom a mongmüi atungle akhongle Jerusalem to ngui.

²⁹Ija Suak tingnu alople apüile ngopongma, Sol sacha Mikal-e thangmik makhange asongle hukoxle wanghompa Dawid tüle mongmüi atungle füt-shwon ngokya ngünle lax ilaxle she-e chix to tüle anule hu.