Read Wancho Naga 1 Pukax-Pangao 18 Bible Online

1 Pukax-Pangao 18 - Wancho Naga bible

1 Pukax-Pangao 18

¹Hanpak noxta lekya füima, chatle chu wanghompa Dawid-e Filistia nok to sing ilaxle hwom towüi lüt. Chixe hwom chak tokya Gath tingnu hia hozui-onam tokya tingkhuabu pale lax.

²Chixe Moab nok to chuwüi lüt, ilaxle ibu to chixe o üntoxle hwom angkya süi sax.

³Ifüima, Dawid-e Hamath haxtok wankam zui angkya Siria nok Zobah nok wanghompa Hadadezar to sing, chemthüikoxle chixe shuakuxchi Eufrat Shuanu makhange ija haxtok wankam to chixe o ang azong.

⁴Dawid-e chix kux man-kanlin 1000, man ahamkya khünak 700, ilaxle cha ma azankya süpahibu 20, 000, ibibi tuina kop. Chixe man-kanlin hota hanpak ang anguile tüikya man mamabu pangwüi ochabu afai.

⁵Chemtue Damaska ma tüikya Siria noke wanghompa Hadadezar to fong ang süpahibu huanuma akatpuix, Dawid-e hwom to sing ilaxle 22, 000 khünak lang.

⁶Ifüima hwom haxtok wankam ma Dawid-e chix süpahibu thongnui zai, ilaxle ibu a chix wangpün ang achang ilaxle chix ang süi koxle ngo. Ile JOWANPAe pangnu chito wüi Dawid ang lüt ang tom.

⁷Hadadezar nguakax-wangkhobue laxlaxle tüikya hun dibu Dawid-e pale kop, ilaxle ibu a Jerusalem to apüi.

⁸Hadadezar tingnu Tibhath hia Kun nyi angkya chuwüi Dawid-e huanuma kop. (Ofüima Solomon-e ija khopjanbu a, tibom, thongnu ilaxle tiklak, ibu zing ang twon)

⁹Hamath wanghom Toi-e, Dawid-e Hadadezar süpahibu pangnu to anaokya zing atat.

¹⁰Ikhoma chixe chix sasün Joram, Dawid-e Hadadezar to lütkya hanpakma mongmüikya kaxho kox ang chix hato akat. Hadadezar füi Toi a obithomthom ma hexle azanle hüidaokya. Joram-e Dawid hato, hun khop iboma wi-jan, ibu makhange zingkya hinghobu apüi.

¹¹Dawid-e ibu a zangshwom pongma lax ang atsaole dan. —Edom, Moab, Amon, Filistia, hia Amalek, ibu nok tingtakle changpongma kopkya hun hia khop janbu chuwüi tomle atsaole dan.

¹²Abishai, owa honu Zeruiah changkya hex, chixe Humnu Haxsha ma Edom nok to lüt ilaxle 18, 000 khünak lang.

¹³Chixe Edom nok haxtok pangkha towüi süpahi ngwotnuibu zaile alai, ilaxle khünaknu a wanghompa Dawid wangpünnu ang achang. Tüta khatochu, JOWANPAe Dawid ang wüi lüt ang tom.

¹⁴Dawid-e Israel haxtok komkaile apün ilaxle chix khünak pangnusa to tomwüile müile hu ang othuithuima azong.

¹⁵Abishai hotüi Joap a süpahi khama akhokya changkya; Ahilud sasün Jehusafat a chakzapa changkya.

¹⁶Ahitub sasün Zadok ilaxle Abiathar sasün Ahimelek hwom a nguapabu changkya, Seraiah a khwa ma chakzamix;

¹⁷Jehoiada sasün Benaiah a Dawid nyetmix akhokya changkya, ilaxle wanghompa Dawid sasün hwom chix wangting ma okax-okhobu ang ngolaxle ting-nok thotha.