Read Wancho Naga 1 Pukax-Pangao 19 Bible Online

1 Pukax-Pangao 19 - Wancho Naga bible

1 Pukax-Pangao 19

¹Hanpak hidaole homkya füima Amon nok wanghompa Nahash zile pao, ilaxle chix sasün Hanun wanghom ang achang.

²Wanghompa Dawid-e thüi: “Kue Hanun füi zuikhui zinglaxle e-sekya aho angkya changle, chemthüikoxle hopa Nahash-e ku to chingchale changdaoa.” Ikhoma chix künkak-mongkün ngai angkya hanpakma Dawid-e kaxhomix tsanle akat. Chemtue hwom Amon nok to ngui wanghompa Hanun nyakpuix,

³Amon nok lompabue wanghom ang thüi: “Dawid-e khünak ibu a hünpa achuak-achenle nang hato chix künkak-mongkün ngai ang akatpule nange thütpia? Ile otuechu münchangtüi angpu! Chixe khünak ibu a kem tingnu opak-otua tikle lax ang ilaxle chixe kem hwople kop angkya bama zyet ang akat-tüi angpu!”

⁴Hanun-e Dawid-e akatkya khünakbu kop, hwom kaxmai munbu ongle awüt, hwom nyizabu khyadax kople sexle awüt, ilaxle hwom chat ang tom.

⁵Hwom hom to chat ang tüle azak. Chemtue ile changkya kax Dawid na to wangle changpuix, chixe khünak ibu hato hwom kaxmai munbu nyemle machang tanto chichatle Jeriko to ngo angkya kax akat.

⁶Amon noke Dawid hwom zanpa ang achangle awütkya bama hwome thaile mokdaoale awanle lax, ikhoma hwome Bethrehod hia Zobah angkya Siria nok süpahi 20, 000 shak, Tob angkya süpahi 12, 000 shak ilaxle khünak 1000 füi tomle Makah wanghompa shak.

⁷Dawid-e ija kax atatlaxle chix süpahibu komkaile kop üntoxle zan to Joap akat.

⁸Amon nok lailaxle hwom pongwün tingnu to laikya kha lompong Rabbah ma hwom ziakop, ikoxle mama othom anyi, Siria nok, Tob hia Makah angkya khünakbue tingnu pangja ma ziakop.

⁹Chix zanpabue tunthochi hia nong-tsax to khünle ngolaxle single hüi angkya Joap-e ngünle lax, ikhoma chixe Israel nok süpahi sümüimüi zünlaxle Siria nok chikao ma ziakop ang tom.

¹⁰Chixe mamabu othom a honao Abishai lomzun ma dan. Abishai-e hwom a Amon nok chikao ma ziakop ang dan.

¹¹Joap-e chix ang thüi: “Siria noke ku to lütkya laxle le jangngün, ku hato hüi üntoxle azule azanüi, ilaxle Amon noke nang to lütle jangchang, ku nang hato hüi ilaxle azule azanüi.

¹²Taxsho-taxnai ilaxle monghixle taxchang! Kem khünaknu hanpakma tamchu Zang tingnu hanpakma kem zongbakle azan angkya wüi changpu. Ilaxle JOWANPA mongtex tsuakle naxchang.

¹³Joap hia chix khünakbu zan to sing ang azutle hüi, ikoxle Siria nokbu a pao ma süt.”

¹⁴Siria nok fütle paoüi ngünlaxle Amon nokbu chuwüi Abishai thoto fütle pao ilaxle tingnu chito anongle chat. Ifüima Joap Amon nok füi azankya chat ilaxle Jerusalem to ngui.

¹⁵Siria noke hwom to Israel noke wüi lütdaoale awanle lax, ikhoma hwome hwom kat-thom komkaile sele asox.

¹⁶Wanghompa Hadadezar-e Eufrat shuanu zongma handün chito tüikya Siria khünakbu se ang akat ilaxle hwom a Shobak lomzun fang ma Helam to ngui. Chix a Zobah angkya wanghom Hadadezar süpahi lompa changkya.

¹⁷Chemtue Dawid-e ija atatle laxpuix, chixe Israel nok othom pangwüi sele asox. Jordan shuanu ta, ilaxle Helam to ka. Ikhato Siria noke chix chito thakyachi ziakop laxle ngo. Ikhama azan ang süt,

¹⁸ilaxle Israel noke Siria nok süpahibu jwonle achat. Dawid hia chix khünakbue Siria nok 700 man-kanlin zopkyabu 40, 000 mankho ma azankyabu langle tsuak ilaxle Shobak to chuwüi hwome mak kox; chix a zan-nokbu lompa changkya, ilaxle chix a zantam ma zi.

¹⁹Hadadezar fang ma tüikya wanghombue hwom to Israel noke lütdaoale tikle laxkya zuma, hwome Israel nok füi muamüi ilaxle hwom wangpün ang achang.

²⁰Ifüima Siria noke tamchatle Amon nok to fong ang za.