Read Wancho Naga 1 Pukax-Pangao 24 Bible Online

1 Pukax-Pangao 24 - Wancho Naga bible

1 Pukax-Pangao 24

¹Ibibi a Arun susa hwom othom changpu. Arun ang sasün ali: Nadap, Abihu, Eliazar, hia Ithamar hwom tüikya.

²Nadap hia Abihu nyi a hopa thoto wüi zile pao, idaile sixli hwom chemchu chitox, ikhoma hokhi tüita naopa Eliazar hia Ithamar nyi zompu-zangpabu ang achang.

³Arun susa hwom a Dawid-e, hwom mwot füifüi to othom-othom ang zing. Ija mok ang chix to Eliazar sixli Zadok, ilaxle Ethamar sasün Ahimelek hokhie asun.

⁴Eliazar susa hwom a konu tüichong 16 ang achang. Ethamar susa hwom a konu tüichong 8 ang achang; Eliazar susa hwom khama lüka mixhuak süluile tüikya khoma ile tom-ham.

⁵Eliazar hia Ithamar nyi susa hwom khama, pangnyichi ma wüi Zangshwom-Hom hia chasa mwottho ma lompabu tüile ngokoxle, hwom ang mwot hünlit a chizing tswonle ahan.

⁶Eliazar hia Ithamar susa hwome tuita füima tuita le chizing tswon ang süt. Ilaxle Liwi hwom khama chakzamix, Nathanel sasün Shemaiah-e ibu mün zale kop. Wanghompa, nguakax-wangkhobu, nguapa Zadok, Abiathar sasün Ahimelek, ilaxle zompu-zangpabu homkha ma lompabu tamchu Liwi hwom homkhabu khünakbu, ibu a ngünmixbu changkya.

⁷Ija a 24 homkha othombu ang ahanle koxkya mwotthobu: 1. Jehoiarib; 2. Jedaiah; 3. Harim; 4. Seorim; 5. Malkijah; 6. Mijamin; 7. Hakkoz; 8. Abijah; 9. Jeshua; 10. Shekaniah; 11. Eliashib; 12. Jakim; 13. Huppah; 14. Jeshebeab; 15. Bilgah; 16. Immar; 17. Hezir; 18. Happizzez; 19. Pethahiah; 20. Jehezkel; 21. Jakin; 22. Gamul; 23. Delaiah; 24. Maziah.

¹⁹Hwom putong Arun-e, JOWANPA, Israel nok Zang kaxtom kax ma laxle zingle toxkya Zangshwom-Hom ma mok angkya mwot ahanle koxle thomkya khünak ibu mün zale kop.

²⁰Ibu chuwüi Liwi makhange hüikya sixli hwom mama homkha lompabu changpu: Jehdeiah, chix a Shebuel makhange hüikya Amram susa hwom;

²¹Isshiah, chix a Rehabiah sixli;

²²Jahath, chix a Shelomith makhange hüikya Izhar sixli;

²³Jeriah, Amariah, Jehaziel, ilaxle Jekameam hwom bibi a, tüichong achwotle Hebron sasün hwom;

²⁴Shamir, chix a Mikah makhange hüikya Uzziel sixli;

²⁵Zekariah, chix a Mikah tüita-naopa, Isshiah makhange hüikya Uzziel sixli;

²⁶Mahli, Mushi, ilaxle Jaziah hwom a Merari sixli hwom.

²⁷Jaziah ang sasün azom: Shoham, Zakur, hia Ibri hwom tüikya.

²⁸Mahli ang sasün anyi, Eliazar hia Kish nyi tüikya. Eliazar ang sasün chitüi, ikoxchu Kish ang sasün tuita, Jerahmel le tüikya.

³⁰Mushi ang sasün azom: Mahli, Edar, hia Jeremoth hwom tüikya. Ibibi a Liwi Hwom Homkha changkya.

³¹Homkha ma akhokya mix ilaxle naolipa hwom khama tuitae, hwom ang koxle tüikya mwot zün ang chizing tswon. Ija a Arun makhange hüikya zompu-zangpabu, hwom haxnu-homsabue mokkya ningle chang. Wanghompa Dawid, Zadok, Ahimelek, ilaxle zompu-zangpabu homjen ma akhokyabu tamchu Liwi hwom a ija ngün mixbu changkya.