Read Wancho Naga 1 Pukax-Pangao 25 Bible Online

1 Pukax-Pangao 25 - Wancho Naga bible

1 Pukax-Pangao 25

¹Wanghompa Dawid hia Liwi hwomkha angkya lompabue zangshwomkya mwot lomzun angkya hanpakma Liwi hwom saxthom ibibi kam: Asaf, Heman, hia Jeduthun hwom bibi. Hwom mwot a Zang kaxho apuk angkya, ifüi tomtomle thuaput waxmai hia khopsyabu angaole chang angkya. Khünak ibibi a zangshwom mwottho lomzun ang zünle kopkyabu changle. Hwome othom foto mwottho malom-malom to twon ang tsuak:

²Asaf sasün hwom ali: Zakur, Jusep, Nethaniah, hia Asharelah hwom bibi. Hwom a Asaf-e adangle fakyakya mok angkyabu changkya. Asaf a wanghompa-e kaxtom fakya ningle Zang kaxho apukle chang angkya khünak.

³Jeduthun sasün hwom azok: Gedaliah, Zeri, Jeshaiah, Shimei, Hashabiah, hia Mattithiah hwom. Hwom hopae chemle adangle fapuix ija ningle hwome Zang kaxho apuk; ifüi tomle thuaput waxmaibu müt ilaxle JOWANPA achuakle tamchu münchong fale ifüi tomle tsai ngao.

⁴Heman sasün hwom 14: Bukkiah, Mattaniah, Uzziel, Shebuel, Jerimoth, Hananiah, Hanani, Eliathah, Giddalti, Romamti Ezar, Joshbekashah, Mallothi, Hothir, hia Mahazioth hwom bibi.

⁵Wanghom ajepa Heman ang, Zang-e chix tsak-zong kox angkya hanpakma, chixe tsaosaxle thomkya ningle sasün hwom 14 bomachu Zang-e sacha hwom azom kox.

⁶Zangshwom-Hom ma zangshwomkya füi tomtomle, hopae adangle fakya ningle chix sasün hwom pangnue khopsya akhaole thuaput hia waxmaibu müt. Ilaxle Asaf, Jeduthun, hia Heman a wanghompa kaxtom fang ma tüikya.

⁷24 khünak ibibi a pangwüi, jetax-hwonnüi füikyabu changkya; ilaxle hozui Liwi hwom a tsai-lwom anole tsuakdaokyabu changkya. Pangnu athüt koxle 288 khünak tüikya.

⁸Hwome ma mwot-mwot zünle lax angkya hanpakma, hwom mixmüi wüi changlax, naosa wüi changlax, mandaokya mix wüi changlax, mamankya mix wüi changlax, pangnusae chizing tswonle tix ma mwot zünle lax angkya lai.

⁹Ibibi 288 khünak a kako-kako ajatle, 12 pong 24 othom ma ahan. Othom tuipong to lompa tuipong kam. Ibibi a hwom mwottsyen ahankya olom changle: 1. Asaf homkha angkya Jusep; 2. Gedaliah; 3. Zakur; 4. Zeri; 5. Nethaniah; 6. Bukkiah; 7. Asharelah; 8. Jeshaiah; 9. Mattaniah; 10. Shimei; 11. Uzziel; 12. Hashabiah; 13. Shebuel; 14. Mattithiah; 15. Jerimoth; 16. Hananiah; 17. Joshbekashah; 18. Hanani; 19. Mallothi; 20. Eliathah; 21. Hothir; 22. Giddalti; 23. Mahazioth; 24. Romamti Ezar.