Read Wancho Naga 1 Pukax-Pangao 4 Bible Online

1 Pukax-Pangao 4 - Wancho Naga bible

1 Pukax-Pangao 4

¹Ibu a züizüi Judah sixli hwom: Perez, Hezron, Karmi, Hur, ilaxle Shobal.

²Shobal a Reaiah hopa changkya, Reaiah a Jahath hopa changkya, Jahath a Ahumai hia Lahad nyi hopa, Zorah ma ngokya khünaknu hwom putong changkya.

³Hur a hopa Kaleb kakonu Efrath sasün tüichongsa changkya, ilaxle chix sixli hwom Bethlehem tingnu ting kop. Hur ang sasün hwom azom: Etam, Penuel, hia Ezar hwom tüikya. Etam ang sasün hwom: Jezril, Ishma, hia Idbash hwom, ilaxle sacha tuita, Hazzelelponi hwom tüikya. Penuel-e Gedor tingnu ting kop, ilaxle Ezar-e Hushah tingnu ting kop.

⁵Ashhur, owae Tekoa tinglong tingkople changpuix, chix ang kakonu anyi, Helah hia Narah nyi tüikya.

⁶Chix hia Narah hokhi ang sasün: Ahuzam, Hefar, Temeni, ilaxle Hahashtari hwom bibi tüikya.

⁷Ashhur hia Helah nyi ang sasün: Zereth, Izhar, hia Ethnan hwom tüikya.

⁸Koz a Anub hia Zobebah nyi hopa changkya, ilaxle chix a Harum sasün Aharhel nyi makhange hüikya homjen hwom putong changkya.

⁹Jabez le amünkya mixsün tuita tüikya; chix a hwom haxnu homsa khama noke chathua zale tüikya mix changkya. Onue chix ang Jabez, le mün kox, chemthüikoxle chix ngünkya she to tüle kak.

¹⁰Ikoxle Jabez-e Israel nok Zang to jop: “Zang, ku to mohiman hüi, ilaxle ku ang haxtok huanuma fahüi. Ku füi ngohüi ilaxle ku to kak koxle chang angkya oli thwontsing pangnusa chak tokya ku sünle thom hüi.” Ilaxle chixe chem hanpakma jop puix ija Zang-e chix ang kox.

¹¹Kaleb, Shuhah tüita-naopa ang sasün tuita, Mehir tüikya. Mehir a Eshton hopa changkya,

¹²chix ang sasün azom: Bethrafa, Paseah, hia Tehinnah hwom tüikya. Tehinnah a Nahash tingnu ting kop mix changkya. Khünak ibu sixlibu a Rekah ma ngokya.

¹³Kenaz ang sasün anyi, Othniel hia Seraiah nyi tüikya. Othniel ang chuwüi sasün anyi, Hathath hia Meonothai nyi tüikya.

¹⁴Meonothai a Ofrah hopa changkya. Seraiah a Joap hopa changkya; chix a Chakzing Haxsha ting kopkya mix changkya, ikhatokya khünak pangwüi zingpapa wüi changkya.

¹⁵Jefuneh sasün Kaleb ang sasün azom: Iru, Elah, hia Nam hwom tüikya. Elah a Kenaz hopa changkya.

¹⁶Jehallelel ang sasün ali: Zif, Zifah, Tiria, hia Asarel hwom tüikya.

¹⁷Izra ang sasün ali: Jethar, Mered, Efar, hia Jalon hwom tüikya. Mered-e Bithiah, Ijip nok wanghom sacha lax, ilaxle hokhi ang sacha tuita, Miriam, tamchu sasün anyi, Shammai hia Ishbah hwom tüikya. Ishbah-e Eshtemoa tinglong ting kop. Mered-e Judah cha tuita lax, ilaxle hokhi ang sasün azom: Jered, owae Gedor tinglong ting koppuix; Hebar, Soko ting kopmix; ilaxle Jekuthiel, Zanoah tinglong ting kopkya mix, hwom bibi tüikya.

¹⁹Hodiah-e Naham nanao lax. Hwom susa hwome Garm saxthom alai; ibu a Keilah tinglong ma ngokya, ilaxle Makath saxthom, oja Eshtemoa tinglong ma ngokyahex, ibu alai.

²⁰Shimon ang sasün ali: Amnon, Rinnah, Benhanan, ilaxle Tilon hwom tüikya. Ishi ang sasün anyi: Zoheth hia Benzoheth nyi tüikya.

²¹Shelah a Judah sasün tuita changkya. Chix sixli hwom khama Er, owae Lekah; Ladah, hia Mareshah tinglongbu ting koppuix; nyimüi takkyabu homjen, owa Beth Asheba tinglong ma ngokya hex;

²²Jokim hia Kozeba tinglong ma ngokya khünakbu; tamchu Joash hia Saraf nyi, opange Moab nok shekobu laxpuix ilaxle Bethlehem ma ngole tüikya hex, ibu womle tüikya. (Ibu pukax a kaikya pukaxbu changpu.)

²³Hwom a tik jao mwot mokle wanghompa thothale Netaim hia Gederah tinglongbu ma ngokya.

²⁴Simeon ang sasün aga tüikya: Nemuel, Jamin, Jarib, Zerah, ilaxle Shaul hwombibi.

²⁵Shaul sasün a Shallum changkya, chix susün a Mibsam changkya, ilaxle chix sutai sün a Mishma changkya.

²⁶Ifüima Mishma makhange Hammuel alople hwom homjen ozu a, Zakur, hia Shimei changkya.

²⁷Shimei ang sasün hwom 16 ilaxle sacha hwom 16 le tüikya, ikoxlechu chix haxnu homsabu ang naosom hidaopong wüi tüikya, ilaxle Simeon homjen a Judah hwom homjen lailaile chitsa.

²⁸Wanghompa Dawid ha alople Simeon homjen a ibibi tinglongbu ma ngole hüi: Bersheba, Moladah, Hazarshual,

²⁹Bilhah, Ezem, Tolad,

³⁰Bethuel, Horamah, Ziklag,

³¹Beth Markaboth, Hazarsusim, Bethbiri, ilaxle Sharaim.

³²Hwom mama khato chuwüi: Etam, Ain, Rimon, Token, hia Ashan ibu ma chuwüi ngole hüi,

³³tamchu akhople tüikya tingkhuabu, shuathongchi hannop angkya Balath tinglong alople ngole hüi. Ibu a hwom haxjen hia homjen hia hwom ngole hüikya onuibu akiak akungle thomkya changle.

³⁴Hwom saxthombu ma ibibi khünakbu a okax-okhobu changkya: Meshobab, Jamlek, Amaziah sasün Joshah, Joel, Jehu (Joshibiah sasün, chix a Seraiah sasün, chix a Asiel sasün), Elioenai, Jakobah, Jeshohaiah, Asaiah, Adiel, Jesimiel, Benaiah, Ziza (Shifi sasün, chix a Alon sasün, Jedaiah sixli tuita, Shimri, hia Shemaiah nyi). Chemthüikoxle hwom homkha a tsa ang tsa ang süt,

³⁹hwom a hannop chito Gerar alople jao pu-tsale pao ilaxle ija tingnu tüikya zong ma handünchi kao ma hwome müibu ang fum asüt.

⁴⁰Hwome haxzao tüikya fumchui füikya haxtok okhonguile atak; ija haxtok a khao wüi khaole, kotho dong-dongle tüikya kha changkya. Anopning ma ikhato ngole toxkya khünakbu a Ham nok changkya.

⁴¹Judah nok wanghompa Hezekiah tsün ma, hokhi chima mün fale tüikya khünakbu Gerar to pao, ilaxle ikhato ngokya khünakbu kux nyihom hia tapbu Hwome khünakbu jwonle apao ilaxle onyem ang laxle ikhato tingkop-haxzingle ngo, chemthüikoxle ikhato hwom chunbu hanpak ang fumtsüt nui okhonguile tüikoxle.

⁴²Simeon saxthom kha angkya mama 500 khünakbu Edom haxtok handünchi kao to le. Hwom a Ishi sasün hwom: Pelatiah, Neariah, Refaiah, hia Uzziel hwome thothut laxle tüikya.

⁴³Ikhato hwome ozün ma tüikya Amalek khünakbu lang ilaxle anyix kople hwom a ikhato ngole hüi.