Read Wancho Naga 1 Pukax-Pangao 9 Bible Online

1 Pukax-Pangao 9 - Wancho Naga bible

1 Pukax-Pangao 9

¹Israel khünaknu pangwüi züjen-züjen ma athütle mün za, üntoxle ija kaxho a Israel nok Wanghombu Laipex ma zale tüile. Hwom ochaxbu khoma sikngün koxkya tuita ang Judah khünakbu a Babilon nok to zanda ang pao ang tom.

²Tingnubu ma tüikya ma tingtok hato pongwang ma chatkya othom khama, Israel nok zangjang khünaknu, zompu-zangpabu, Liwi hwom, Zangshwom-Hom ma mwotmok mixbu, ibibi womle tüikya.

³Judah, Benjamin, Efraim, ilaxle Manasseh homjen angkya khünakbu a Jerusalem tingkop-haxzingle ngo ang chat.

⁴Jerusalem ma ngole tüikya Judah khünakbu khama 690 homkha tüikya. Judah sasün Perez sixli hwom khama, hwom lompa ang Uthai tüikya, chix a Amihud sasün tamchu Omri susün changkya. Mama chix putong hwom khama Imri hia Bani sixli hwomchu womle tüikya. Judah sasün Shelah sixli hwom khama lompa ang Asaiah tüikya, chix a hwom züjen khama okax-okho tuita changkya. Judah sasün Zerah sixli hwom lompa ang Jeuel tüikya.

⁷Ibibi a Jerusalem ma ngole tüikya Benjamin homjen khünaknu changkya: Sallu hopa Meshullam, chix hopa Hodawiah, ija hopa Hassenuah Jeroham sasün Ibneiah Elah, chix a Uzzi sasün tamchu Mikri susün Shefatiah a Meshullam sasün, chix a Reuel sasün, chix a Ibnijah sasün

⁹Ikhama ngole tüikya homjen khama 956 homkha tüikya. Thakchi ma koxle tüikya lükabu mün a homkha lompabu mün changkya.

¹⁰Nguapa ibibi a Jerusalem ma ngokyabu changkya: Jedaiah, Jehoiarib, ilaxle Jakin Hilkiah sasün Azariah (chix a Zangshwom-Hom ma nguakax-wangkho akhokya), chix putong hwom khama Meshullam, Zadok, Meraioth, hia Ahitub hwom womle tüikya Jeroham sasün Adaiah, owa Putong hwom khama Pashhur hia Malkijah womle tüipuix Adiel sasün Masai, opang putong hwom khama Jahzerah, Meshullam, Meshillemith, hia Immar hwom womle tüikya hex, ibibi changkya.

¹³Züjenbu lompa ang ngokya nguapabu pangnu athüt koxle 1, 760 khünak tüikya. Ibu pangwüi Zangshwom-Hom ma mokkya mwot bama mwot awankyabu changkya.

¹⁴Ibibi Liwi hwom a Jerusalem ma ngole hüi: Hasshub sasün Shemaiah, owa putong hwom khama Azrikam hia Hashabiah, Merari saxthom hwomkha angkya Bakbakkar, Heresh, ilaxle Galal Mika sasün Mattaniah, owa putong hwom khama Zikri hia Asaf womle tüikya Shemaiah sasün Obadiah, owa putong hwom khama Galal hia Jeduthun womle tüikya Berekiah, chix a Asa sasün ilaxle Elkanah susün changkya, ilaxle chix a Netofath tinglong haxsüt ma ngo

¹⁷Zangshwom-Hom Nyetmixbu ibibi a Jerusalem ma ngokya: Shallum, Akub, Talmon, ilaxle Ahiman hwom bibi. Shallum a hwom lompa changkya.

¹⁸Ija tuk kople hwom saxthom khünakbu a Wanghom Pan zongma handünchi dünlom ma ngole tüikya. Owangpong ma hwom a Liwi hwom pombu nye ang ajongle ngohomkya.

¹⁹Shallum, chix a Kore-e sasün tamchu Ebiasaf susün, Korah saxthom angkya hozuibu füi tomle, kaitanto hwom pupa hwome JOWANPA Ngwotnui Nyihom to hu angkya hünlit laxkya lailaile, hwome chuwüi JOWANPA Ngwotnui Nyihom fülom nyekya hünlit laxle tüikya.

²⁰Eliazar sasün Finehas—JOWANPA chix füi naxtüikox! —chix hanpak tuita ma ibu ang mwot adangle hüidaoa.

²¹Zekariah a Meshelemiah sasün, ilaxle chixe chuwüi JOWANPA Ngwotnui nyele tüikya.

²²Pangnu athüt koxle, 212 khünaknu a dünlom hia zünkaibu nyetmixbu ang zünle kop. Ibu mün a, hwom onok mün ma zale thom. Hwom putong hwom ang ibu hünlit koxkya a wanghompa Dawid hia ajepa Samuel hokhi changkya.

²³Hwome tamchu hwom sixli hwome chizakle Zangshwom-Hom Zünkaibu nyele hüi.

²⁴Handün, hannop, shuakux, shuathong pangnu chito hule zünkaibu tüikya ma nyetmix akhokya tuipong koplaxle nyele tüikya.

²⁵Nyetmix ibu to, tingkhua to ngole tüikya hwom haxnu homsabue nyix anüt pong bato tsüilüile fongtsoxle tüikya.

²⁶Nyetmix akhokya hwom mixsün ali a Liwi hwom changkya ilaxle hwom kaxtom ma tix ibu tsuakle hüi. Zangshwom-Hom angkya nuibu tamchu ikhato apüi-adünkya tui-mwot pangwüi to hu angkya hünlit hwome lax.

²⁷Hwom a Zangshwom-Hom zui ma ngo, chemthüikoxle ija to nyele ngo angkya hia nopfole zün-ka daple chang angkya a hwom mwot chang koxle.

²⁸Mama Liwi hwom hünlit a zangshwom pongma lax-twonkya tiklakbu to hume angkya changkya. Hwome ibu to twonle changfofo akiakle hume.

²⁹Mamabu a mama-mama otsao tui-mwot, ankhix, grepti-ju, olip münga, ongan müikya so, ilaxle mama hingbu tsyasabu to hu ang thom.

³⁰Ikoxlechu ibu mwotkat afyet angkya a nguapabu mwot changkya.

³¹Korah saxthom angkya Liwi sün tuita Mattithiah le amünkya mixsün, chix sasün tüichongsa Shallum a an tö kox angkya achwon angkya hünlit laxle tüikya

³²Kohath saxthom angkya khünaknu a Sabath foto Zangshwom-Hom ma otsao an achwon angkya hünlit changkya.

³³Züizüi Liwi homkhabu a Zangshwom-Hom ma tsailom zun angkya hünlit laxle tüikya. Ibu homkha angkya okax-okhobu züizüi a Zangshwom-Hom angkya hombu ma ngole tüikya ilaxle mama mwot-kat tokya chakngaile tüikya, chemthüikoxle hwom a zangnak zangngaile se-lomle ngo.

³⁴Thakchi ma koxle tüikya Liwi homkha okax-okhobu mün a, hwom putong hwom zu-jem tole tüikya. Hwom a Jerusalem ma ngole tüikya khünaknu lompabu changkya.

³⁵Jeiel-e Gibeon tingnu tingkop ilaxle ikhama ngo. Chix kakonu ang Makah le amünkya.

³⁶Chix sasün tüichongsa a Abdon, ilaxle chix sasün mamabu a Zur, Kish, Bal, Nar, Nadap,

³⁷Gedor, Ahio, Zekariah, ilaxle Mikloth hwom bibi,

³⁸ilaxle Mikloth a Shimeah hopa changkya. Hwom sixlibu Jerusalem ma hwom saxthom mama homkhabu zui ma ngo.

³⁹Nar a Kish hopa, ilaxle Kish a Sol hopa changkya. Sol ang sasün ali: Jonathan, Malkishua, Abinadab, hia Eshbal. Hwom bibi tüikya.

⁴⁰Jonathan a Meribbal, hopa changkya ilaxle Meribbal a Mikah hopa changkya.

⁴¹Mikah ang sasün ali: Pithon, Melek, Tarea, hia Ahaz.

⁴²Ahaz a Jarah hopa changkya, Jerah a sasün azom: Alemeth, Azmaweth, hia Zimri hwom hopa changkya. Zimri a Moza hopa changkya,

⁴³Moza a Binea hopa changkya, Binea a Refaiah hopa, Refaiah a Eliasah hopa, Eliasah a Azel hopa changkya

⁴⁴Azel ang sasün azok: Azrikam, Bokeru, Ishmael, Sheariah, Obadiah, hia Hanan hwom bibi changkya.