Read Wancho Naga 2 Pukax-Pangao 31 Bible Online

2 Pukax-Pangao 31 - Wancho Naga bible

2 Pukax-Pangao 31

¹Ija pangpwon wünzuale changkya füima, Israel khünaknu Judah haxtok angkya tingnu pangkha towüi pao ilaxle longlobu thuple ama, baozangchanu Asherah muabu dakle atsun, ilaxle songsari baozangbu to shwomkya onui hia tö-tsapbu pangwüi ama. Ija lailaile hwome mama Judah haxtok pangkha towüi, anaolechu Benjamin, Efraim, ilaxle Manasseh, ibu haxsüt to chuwüi hwon, ilaxle hwom hom to chat.

²Wanghompa Hezekiah-e zompu-zangpabu hia Liwi hwom tusox zing, ilaxle hwom ang mamwot-mwot koxle thom. Hwom ang koxkya mwotbu a: Zokle ashunkya tö kox angkya, notom-tusüi tö kox angkya, Zangshwom-Hom ma zangshwom pongma lomzun angkya, ilaxle Zangshwom-Hom homkha ma Zang achuakle münchong fale changpongma pangwüi mwotlom to mokle hüi.

³Mosa Wanlom ma tüikya ningle JOWANPA ang, Sabath nyix koxkya tö, Lyetzün Pangpwon pongma koxkya tö, ilaxle mama-mama pangpwon tuk ma, Ja-nop to chix müizyembu kha tokya müibu zokle ashunle tö kox ang dan.

⁴Wanghompae Jerusalem ma ngokya khünakbu füi, zompu-zangpabu hia Liwi hwome Wanlom ma tüikya ningle JOWANPA mwot to hwom hanpak komkaile koxtsuak angkya kuxma, koxsese töbu komkaile apüile kox angkya akax.

⁵Kaxtom koxkya füi tomle, Israel khünakbue hwom manzai puamün amüimüi, tsaxziak, grepti-ju, olip münga, nax-ti, tamchu mama haxtok ma alaikya oli pangwüi apüile kox, ilaxle hwom ma atüitüi pangnuli angkya bünfongbu chuwüi hwome apüile kox.

⁶Judah nok tingnubu ma ngole tüikya khünakbu pangnusae wüi tsom-pom bünfongbu apüi, ilaxle hwome JOWANPA, hwom Zang ang atsaole koxkya hingho chaktwonbu chuwüi apüi.

⁷Lyetjang azom makhange hinghobu kox angkya owang wangkya ifüi angkya lyetjang ali jao chizakle athünle dan.

⁸Chemtue Hezekiah hia chix nguakax-wangkhobue athünle thomkya hinghobu ngünle laxpuix, hwome JOWANPA tamchu Israel khünakbu achuak.

⁹Hingho ibu bama wanghompa Hezekiah-e zompu-zangpabu hia Liwi hwom füi zangwün,

¹⁰Nguakho Azariah, owa Zadok saxthom angkya changkya hex, chixe wanghompa kax to lan: “Hwome JOWANPA hom to tö ibu apüile kox ang sütkya makhange keme okhonguile saxle hüidaoa ilaxle ota-otua tüile changdaoa. JOWANPAe chix khünaknu to mohimanle changkya tokhange kem ang ibu tüinangle hüikya changle.”

¹¹Wanghompa kaxtom ma hwom Zangshwom-Hom tsawat mong ma pungbu zaile alai

¹²ilaxle ibu pangwüi male chipaole naxngo ang ibu ma shole thom Hwome ibu to hu angkya hanpakma Liwi sün Konaniah tamchu chix to fong angkya hanpakma honao Shimei le kam.

¹³Ifüima Liwi hwom a: Jehiel, Azaziah, Nahath, Asahel, Jerimoth, Jozabad, Eliel, Ismakiah, Mahath, ilaxle Benaiah, hwom bibi fang ma mok angkya hünlit kox. Ibu pangwüi a wanghompa Hezekiah hia Nguakho Azariah nyi kaxtom ma mok.

¹⁴Imnah sasün Kore, Liwi sün tuita owa Zangshwom-Hom Handünchi Fülom nyetmixbu khama akhokya changkya hex, chix ang JOWANPA hato apüikya hingho ibu pongle kop angkya hia ahanle kox angkya hünlit kox.

¹⁵Zompu-zangpabu ngole tüikya mama tingnubu to, chix to a Liwi hwom Eden, Miniamin, Jeshua, Shemaiah, Amariah, ilaxle Shekaniah hwom bibie asunle hüi. Hwom ang hünlit fakya ningle hwome ma üitho Liwi hwom ang süt-wong ibu tomwüi-tomwüi ahanle kox.

¹⁶Hwome ibu saxthom-saxthom to chichang, ikoxle lüka sühuak zanglao tsübün makhange thakchichi, opang ma chifün füifüi to nyixfole Zangshwom-Hom ma thothat mwot mokle changpuix, ibu ang ahanle kox.

¹⁷Zompu-zangpabu ang mwot a saxthom-saxthom ma ajatle ahan, ilaxle Liwi hwom a zanglao 20 nguile jangchangdaoba, üitho-üitho ma athomle mwot ahanle kox.

¹⁸Ibu a ma kakonu, susa hwom hia mamix hwom pangnusa womle münzale thom, chemthüikoxle hwom a ma ang koxkya mwot mok angkya hanpakma othuithuima achwonle ngo angkya chang.

¹⁹Arun sixli hwom ang koxle tüikya tingnubu ma ngole tüikya zompu-zangpabu khama chichangba ibu tingnubu kux müitsom nui to ngole tüipuix, ikhatokya zompu-zangpa hwom homkha angkya lüka sühuak ang ilaxle owapang Liwi hwom saxthom khato mün apütle tüipuix, ibu ang süt-wongbu ahanle kox angkya hünlit laxle tüikya khünakbu tüikya.

²⁰Judah haxtok pangnu khato, wanghompa Hezekiah-e JOWANPA, chix Zang zongto chem supuix tamchu cheme chix mong amüipuix, ijaja mok.

²¹Zangshwom-Hom hanpakma wüi changlax chichangba Wanlom tokya olom ma wüi changlax, chixe chasae awangle Zang achuakkya füi mok, ikhoma chix mwot pangwüi tsuakle hüi.