Read Wancho Naga Izra 10 Bible Online

Izra 10 - Wancho Naga bible

Izra 10

¹Chemtue Zangshwom-Hom tunthoma Izra zangjop ang akhuxle, ibu onu-ochaxbu ngaile sople ngokyahex, Israel nok khünaknu othom chongkya tuita: lükabu, shekobu, ilaxle naosom hwom: chix zui akhople asox ilaxle mongto kakle sop.

²Ifüima Jehiel sasün Shekaniah, Elam saxthom angkya mixsün tuitae Izra füi akaxle thüi: “Kwome mixnok shekobu aju-asomle apüikya tokhange Zang tokya kwom mongong amütdaoa, ikoxlechu Israel nok hanpakma athaxchu monghom angkya olom tüile.

³Athax kwome Zang tunthoma ibu shekobu hia naosom apao angkya shingmongle tsaotsüt angkya changle. Nang üntoxle Zang kaxtom kax ma laxle tüikyabue kwom ang adangle fakya kwome moküi. Zang Wanlom ma chemle tüipuix ile kwome moküi.

⁴Chake twonle mok angkya a hünzom hünlit. Kwom a hünzom tokfüi ma tüile, idaile paokox ilaxle ija mwot mokle alankox.”

⁵Ikhoma Izra-e nguapa khama lompabu, Liwi hwom khama lompabu zünle kopkya makhange mwot owang wangle hüi, ilaxle khünaknu pangnu ang, Shekaniah-e chem mok-hax thüipuix ija kax ma laxle tüi ang tsao atsüt.

⁶Ifüima chix Zangshwom-Hom tuntho angkya lailaxle Eliashib sasün Jehohanan ngole tüikya hom to ngui ilaxle ikhato wünpom Ikhato chixe süt chisax ti chilingle, mongong chitüikya khoma zanda ang ngole hüikya bama mongmale apui.

⁷Zanda ang ngokya chatkya pangwüi Jerusalem ma apong angkya hanpakma kaxho tuita Judah hia Jerusalem pangkha towüi apuk.

⁸Ija kaxho a khünaknu lompabu kaxtom ma apuk. Nyix azom mong ma owawa chinguile jangthai, hwom tuinabu komkaile tsuiüi ilaxle hwome noktu angkya hwom nokpu chifün max ang tomüi.

⁹Nyix azom mong ma, lyetjang aku ma nyixtsa lükya to, Judah hia Benjamin haxtok ma ngole tüikya khünaknu komle Jerusalem to ngui ilaxle Zangshwom-Hom tunthoma asox. Ipongma zang huanuma watle ngokya. Ija zangwat zangkong hia khütkhaxkya nguazua zangwün khoma khünaknu abünle anyon.

¹⁰Nguapa Izra ajong laxle hwom füi akax. Chixe thüi: “Hünzom ma mongong chitüikya tamchu mixnokchabu laxle apüikya khoma Israel nok hato thaikya thünzak apüidaoa.

¹¹Idaile athax, JOWANPA hünzom putong hwom Zang tunthoma hünzom ochaxbu ngailax, ilaxle chix zongto chem müipuix ija mokkox. Kem haxtok ma ngole tüikya hia hünzome kako ang laxle apüikya mixnokcha, ibu füi hünzom atsaile ngoün.”

¹²Khünaknue akhongle lan: “Nange chem akaxpuix ija kwome moküi.”

¹³Ikoxle hwome janbo langle thüi: “Khünaknu tusox a huanu changle ilaxle zangwatchu huanu changle. Ija kothofa to kwom ile ajong-ngo ang müntho. Ija mwot a nyixta-anyi bama mokle tsuakfang mwot münchang, chemthüikoxle ija ochax ma womle tüikya khünakbu kwom huanuma tüile.

¹⁴Kwom khama okax-okho ija Jerusalem ma naxngo ilaxle ija zangwün hwome tsuakle fa ang tomkox. Ifüima, ma tingshosho tokya kaxfünmixbu hia lompabu koplaxle, mixnok shekobu laxlaxle tüikyakya, hanpak zanghan tyalaxle ito naxngui. Ile ija mwot bama Zang mongtsikle tüikya tsaole pao ang tsuaküi.”

¹⁵Meshullam hia Shabbethai nyi to fongle tüikya, Asahel sasün Jonathan hia Tikwah sasün Jahzeiah nyi boma ija zangwün to münchangle lan angkya mix owachu chitüi.

¹⁶Zanda ang ngokya chatkyabue ija katzua müiüile pongle lax, ikhoma nguapa Izra-e, laiza zale tüikya saxthombu khama okax-okhobu kha angkya khünakbu kam Lyetjang bün to pongwang lükya nyixkha hwome ija mwot otua lomle chang ang süt.

¹⁷Lyetjang azom mong ma mixnok shekobu laxle tüikya khünakbu pangwüi akhile tsuak.

¹⁸Ija a mixnok shekobu kako ang laxlaxle ngokya khünakbu mün changle: Jeozadak sasün hwom, Jihusua hia chix tüinao hwom: Maseiah, Eliazar, Jarib, hia Gedaliah hwom bibi.

¹⁹Hwome ma kakobu apao angkya tsaosax, ilaxle hwome ma ochaxbu hanpak ang chunla tuita tö ang kox.

²⁰Immar saxthom angkya: Hanani hia Zebadiah nyi

²¹Harim saxthom angkya: Maseiah, Elija, Shemaiah, Jehiel, hia Uzziah hwom bibi

²²Pashhur saxthom angkya: Elioenai, Maseiah, Ishmael, Nathanel, Jozabad, hia Elasah hwom bibi

²³Jozabad, Shimei, Kelaiah (Kelita lechuwüi nyakle), Pethahiah, Judah, hia Eliazar hwom bibi

²⁴Eliashib Shallum, Telem, hia Uri hwom bibi

²⁵Parosh saxthom ma: Ramiah, Izziah, Malkijah, Mijamin, Eliazar, Malkijah, hia Benaiah hwom bibi

²⁶Elam saxthom ma: Mattaniah, Zekariah, Jehiel, Abdi, Jeremoth, hia Elija hwom bibi

²⁷Zattu saxthom ma: Elioenai, Eliashib, Mattaniah, Jeremoth, Zabad, hia Aziza hwom bibi

²⁸Bebai saxthom ma: Jehohanan, Hananiah, Zabbai, hia Athlai hwom bibi

²⁹Bani saxthom ma: Meshullam, Malluk, Adaiah, Jashub, Sheal, hia Jeremoth hwom bibi

³⁰Pahath Moab saxthom ma: Adna, Kelal, Benaiah, Maseiah, Mattaniah, Bezalel, Binnui, Manasseh hwom bibi

³¹Harim saxthom ma: Eliazar, Isshijah, Malkijah, Shemaiah, Shimeon, Benjamin, Malluk, hia Shemariah hwom bibi

³³Hashum saxthom ma: Mattenai, Mattattah, Zabad, Elifelet, Jeremai, Manasseh, hia Shimei hwom bibi

³⁴Bani saxthom ma: Madai, Amram, Uel, Benaiah, Bedeiah, Keluhi, Waniah, Meremoth, Eliashib, Mattaniah, Mattenai, hia Jasu hwom bibi

³⁸Binnui saxthom angkya: Shimei, Shelemiah, Nathan, Adaiah, Maknadebai, Shashai, Sharai, Azarel, Shelemiah, Shemariah, Shallum, Amariah, hia Jusep hwom bibi

⁴³Nebo saxthom angkya: Jeiel, Mattithiah, Zabad, Zebina, Jaddai, Joel, hia Benaiah hwom bibi

⁴⁴Khünak ibu pangwüi ma mixnok shekobu tüile ngokya. Hwome ibu shekobu hia naosombu apao.