Read Wancho Naga Izra 8 Bible Online

Izra 8 - Wancho Naga bible

Izra 8

¹Ija a Babilon nok to zanda ang ngole hüikya saxthom-saxthom lompabu, opang chongwangpa Artakses tsün ma Izra füi tomle Jerusalem to chatpuix, ibu mün changpu:

²Gershom, chix a Finehas saxthom angkya Danel, chix a Ithamar saxthom angkya Shekaniah sasün Hattush, chix a Dawid saxthom angkya Zekariah, chix a Parosh saxthom angkya, chix saxthom angkya 150 khünaknu füi (ibu kakobu zu-jenbu tole zakya tüile) Eliehoenai, chix a Zerahiah sasün, Pahath Moab saxthom angkya, 200 khünaknu füi tüikya Jahaziel sasün Shekaniah, chix a Zattu saxthom angkya, 300 khünaknu füi Jonathan sasün Ebed, chix a Adin saxthom angkya, 50 khünaknu füi Athaliah sasün Jeshaiah, chix a Elam saxthom angkya, 70 khünaknu füi Mikail sasün Zebadiah, chix a Shefatiah saxthom angkya, 80 khünaknu füi Jehiel sasün Obadiah, chix a Joap saxthom angkya, 218 khünaknu füi Josifiah sasün Shelomith, chix a Bani saxthom angkya, 160 khünaknu füi Bebai sasün Zekariah, chix a Bebai saxthom angkya, 28 khünaknu füi Hakkatan sasün Johanan, chix a Azgad saxthom angkya, 110 khünaknu füi Elifelet, Jeuel, hia Shemaiah hwom, ibu a Adonikam saxthom angkya, 60(...)

¹⁵Kue khünaknu othom pangwüi Ahawa tingnu chito jenle jukya tilom ma asox ang tom, ilaxle ikhama kwom pom zailaxle nyix azom nui. Ikhama kue nguapabu atak ikoxle Liwi hwom a chibang.

¹⁶Kue ibibi lompa aku: Eliazar, Ariel, Shemaiah, Elnathan, Jarib, Elnathan, Nathan, Zekariah, ilaxle Meshullam hwom bibi lax ang tsanle achat, ilaxle lompa anyi, Joiarib hia Elnathan nyi chuwüi apüi ang tom.

¹⁷Kue ibu Iddo hato tsanle apao. Chix a Kasifia ma khünaknu lompa changkya. Chix ma tamchu chix füikya nguakax-wangkhobu, Zangshwom-Hom ma mwotmok mixbu ma, Zangshwom-Hom ma thothat mixbu akat angkya hanpakma tsaiju-kaxju.

¹⁸Zang chingcha tokhange hwome kwom hato Sherebiah, mwotjan fang khünak tuita, Mahli saxthom angkya Liwi sün tuita akat; chix füi tomle sasün hwom 18 ilaxle hotüi honao hwom hüi.

¹⁹Hwome Merari saxthom angkya Hashabiah hia Jeshaiah nyi chuwüi, hwom haxnu-homsa süntsa khünak füi akat.

²⁰Hwom to bole Zangshwom-Hom ma mwotmix ang 220 khünak tüikya. Ibu pupa hwom ang Wanghompa Dawid hia chix nguakax-wangkhobue Liwi hwom to fong angkya mwot koxle thomkya. Hwom pangwüi mün tiale zale thomle.

²¹Ija Ahawa tilom zui ma, Zang tunthoma chisax-chilingle tamchu puinaile changkya füi, kwom ham lom ma chixe kwom tamchu kwomsu-kwomsabu hia kwomtüi-kwomnao pangwüi khosünle lom azüi tamchu kho-awakya tüi angkya hanpakmale zangjop lax angkya kue kaxtom kox.

²²Kwom nye angkya hanpakmale chongwangpa ma süpahibu ju angkya ku zongto tuita zakkop ang changle süt, chemthüikoxle chix to mongong tüikya khünak pangnusa to Zang-e mohimanle, ikoxlechu chix hato tok ahole paokyabu to chixe sikngün fa angkya changle le kue chix hama wünle kopdao koxle.

²³Ikhoma Zang-e kwom lom azui angkya hia kwom kho awa angkya hanpakma kwome chisax-chilingle zangjop hanpak lax, ilaxle chixe kwom zangjop to lan.

²⁴Nguakhobu khama kue Sherebiah, Hashabiah, hia mama mixsün bün zünle kop.

²⁵Chongwangpa hia chix nguakax-wangkho hia alixachongbue tamchu Israel khünaknue Zangshwom-Hom ma lax-twon angkya hanpakma koxle tüikya hun hia khop tuinabu kue tuak ma thüt ilaxle ija a nguapabu chak to kox.

²⁶Kue hwom chak to koxkya a ibibile changle: khop-jan - tuak 25, 000 100 khop tiklak-khuakhebu - tuak 150 hun - tuak 7, 500 hun khupbu 20 ma - tuak 20 müikya wi khupbu, otha ma hun khupbu füi tomwüi

²⁸Kue hwom ang thüi: “Hünzom tamchu mongtex tö hanpak ang apüile tüikya khop hia hun tiklakbu a JOWANPA, kwom putong hwom Zang zongto otsao changpu.

²⁹Hünzome Zangshwom-Hom alopkya kople ibu to müile humele changlax. Ikhato nguapabu nui ma ibu atuaklax ilaxle nguapabu kha ma akhokyabu chak to tamchu Liwi hwom chak to, anaolechu Jerusalem ma tüikya Israel nok lompabu chak to ibu apongle koxdao.”

³⁰Ikhoma nguapabu hia Liwi hwome ibu khop hia hun tuinabu to akhi-takle, ibu Jerusalem Zangshwom-Hom to apüile fa angkya mwot hwom chak ma lax.

³¹Ahawa Tilom dantoxle laxle Jerusalem to pao ang kwom achexkya a pongwang lükya lyetjang nyixbün anyi nyixkha changkya. Kwom Zang a kwom füi tüikya. Chixe kwom zanpabue ziakople hungokya chak tokya khosünle lomjang fole azui.

³²Jerusalem alopkya füima kwom nyix azom nazakle nui.

³³Ifüima nyix ali lükya to kwom Zangshwom-Hom to ngui, khop hia hun tamchu tiklak-khuakhebu atuakle hu, ilaxle ibu nguapa Meremoth chak to kox. Chix a Uriah sasün changkya. Chix füi tomle Finehas sasün Eliazar hia Liwi sün anyi, Jeshua sasün Jozabad hia Binnui sasün Noadiah hwom tüikya.

³⁴Pangnusa akiakle hu ilaxle thütle ano, ilaxle ibu bama pangwüi lai ma zale kop.

³⁵Zanda ang ngokya chatkyabu pangwüie Israel nok Zang ang zokle ashunle kox angkya töbu apüi. Hwome Israel khünak noknu bama maihupong 12, chun olabu 96, ilaxle chun hosabu 77 kox; ilaxle hwome ochaxbu tokya ma alüile atsao ang zwonpong 12 chuwüi kox. Müi ibu pangwüi JOWANPA ang töbu ang koxle zokle ashun.

³⁶Hwome chongwangpae hwom ang koxle akatkya laiza chuwüi alai ilaxle ija a Hannop-Eufrat ma Gowarnor hia alixachongbu chak to kox. Ofüima ibue khünaknu hia Zangshwom-Hom ma hwome zangshwomkya to asunle hüi.