Read Wancho Naga Nehemia 1 Bible Online

Nehemia 1 - Wancho Naga bible

Nehemia 1

¹Ibu a Hakaliah sasün Nehemia-e mokle tsuakkya mwotbu changle. Kislef-lyetnu ma, ija a Parsia ma Artakses chongwangpa ang achangkya zanglao tsalükya to, Nehemia, ku a pongwün tingnu Susa ma tüikya.

²Ku tüinao hwomkha angkya tuita, Hanani, mamabu othom füi tomle Judah tokya ngui. Kue hwom ma Jerusalem hia Babilon nok to zanda angkya chatkya mama Judah khünakbu bama atüi.

³Hwome ku hama, ikhato ozün ma toxkya hia ma chaxwan to chatle nguikyabu a müimamale sikngün-ashukle ngole tüikya tamchu hozui-onam to ngole tüikya mixnokbue hwom to asongle hule tüikya, ibu ku hama wünle kox.

⁴Chemtue kue ija kax atatpuix, ku sop üntoxle thung. Kue Zang to jop,

⁵“Ding hia Hax JOWANPA! Nang a tüle chongle ilaxle kwom a nang thua zale ajongpu. Nang to mongkünle hia nang kaxtom kax ma laxle tüikyabu füi nange nang Tsaotsüt otya ma thompu.

⁶Ku to hulax, JOWANPA, ilaxle ku zangjop atatlax, Israel khünaknu nang dabu hanpakma zangnak zangngaile kue zangjop ngokya a. Kwom, Israel khünaknue ochax lyendaoale kue ngaipu. Ku pupa hwome tamchu kue ochax lyenle hüidaoa.

⁷Kwome nang zongto chichangchizangle mokle hüidaoa ilaxle nang kaxtom kax ma chilaxle tüidaoa. Nang dapa Mosa makhange nange kwom ang koxle wanlombu kwome chitwonle hüidaoa.

⁸‘Hünzom Israel khünaknu ku to mongong shingmongle chitüi thüiningle, kue hünzom a chaxwan tok to chiakle asamüi’, le nange Mosa füi akaxkya kax athax texle atak-hüi.

⁹Ikoxlechu hünzom ku hato künlop-monglüile janghüi tamchu kue kaxtom fakya kax ma laxle jangmok thüiningle, hünzom chaxwan tok to chiakle tüikoxlechu, kue hünzome zangshwom angkya hanpakma zünle thomkya onui to hünzom tamchatle ngui ang tomüi.

¹⁰“JOWANPA, ibu a nang dabu changle, nang khünaknu a. Nang tsak-zong chongkya füi nange hwom khosünle koppu.

¹¹Athax ku zangjop to ilaxlechu nang achuaksele mongtsukya nang dabu zangjop to apahüi. Anyi ku mongtex oza alai ang tomhüi ilaxle chongwangpae ku to chingchale chang ang tomhüi.” Ipongma ku a chongwangpa pe twonmix wangshempa changkya.