Read Wancho Naga Nehemia 11 Bible Online

Nehemia 11 - Wancho Naga bible

Nehemia 11

¹Jerusalem ma ngokya lompabu, ilaxle mama khünak noknue, Jerusalem to ka üntoxle ikha to ngo angkya hanpakma kako bün bama kako tuipong zün angkya hanpakma chizing tswon. Mamabu pangwüi ama tingnu hia tinglongbu to ngo.

²Jerusalem ma ngo ang mongtsule laikya mix khünaknue achuak.

³Mama tinglong hia tingnubu ma Israel khünaknu, nguapabu, Liwi hwom, Zangshwom-Hom zingpabu, ilaxle Solomon da hwom su-sabu a ma ting matoktok füi ma tinglonglong to ngo. Ibibi a Jerusalem ma ngole tüikya Judah haxsüt ma tüikya nokpu lompabu changle:

⁴Athaiah, chix a Uzziah sasün ilaxle Zekariah susün changkya. Mama chix putong hwom Amariah, Shefatiah, hia Mahalalel hwom bibi, Judah sasün Perez sixli hwom tüikya.

⁵Maseiah, chix a Baruk sasün ilaxle Kolhozeh susün. Mama chix putong hwom khama Hazaiah, Adaiah, Joiarib, hia Zekariah hwom bibi, Judah sasün Shelah su-sa hwom tüikya.

⁶Perez su-sa hwomkha angkya, zangle wünkya süpahibu 468 khünak Jerusalem ma ngo.

⁷Sallu, chix a Meshullam sasün ilaxle Joed susün. Mama chix putong hwom kax ma Pedaiah, Kolaiah, Maseiah, Ithiel, hia Jeshaiah hwom bibi tüikya.

⁸Gabbai hia Sallai, Sallu zongto haxnu-homsa hwom Pangnu athütle, 928 Benjamin khünak Jerusalem ma ngo.

⁹Zikri sasün Joel a hwom lompa changkya, ilaxle Judah sasün Hassenuah a tingnu ma anyi-lükya chifün ma alixachong tuita changkya.

¹⁰Joiarib sasün Jedaiah, ilaxle Jakin.

¹¹Seraiah, chix a Hilkiah sasün tamchu Meshullam susün changkya. Chix putong hwom khama Zadok, Meraioth, hia Ahitub, owa Nguakho changkya hex, hwom bibi tüikya.

¹²Pangnu athüt koxle, ija saxthom angkya 822 khünake Zangshwom-Hom ma thothale mok. Adaiah, chix a Jeroham sasün ilaxle Pelaliah susün. Chix putong hwom khama Amzi, Zekariah, Pashhur, hia Malkijah hwom bibi tüikya.

¹³Pangnu athüt koxle, ija saxthom angkya 242 khünak kako-kako lompabu changkya. Amashai, chix a Azarel sasün ilaxle Ahzai susün. Chix putong hwom khama Meshillemoth hia Immar nyi womle tüikya.

¹⁴Ija saxthom kha angkya zangle wünkya süpahi khama 128 khünak huak tüikya. Hwom lompa a Zabdiel, lompa hwom kako khama mixsün tuita.

¹⁵Shemaiah, chix a Hasshub sasün ilaxle Azrikam susün. Chix putong hwom khama Hashabiah hia Bunni tüikya.

¹⁶Shabbethai hia Jozabad, Zangshwom-Hom homtho mwot to hukya Liwi sün tuita.

¹⁷Mattaniah, chix a Mika sasün ilaxle Zabdi susün, tuita Asaf sixli changkya. Zangshwom-Hom ma münchuak tsai ngaokya othom chixe azüi. Bakbukiah, chix a Mattaniah to fongmix changkya hex. Abda, chix a Shammua sasün ilaxle Galal susün, tuita Jeduthun sixli changkya.

¹⁸Pangnu athütle, 284 Liwi hwom otsao tingnu Jerusalem ma ngo.

¹⁹Akub, Talmon, ilaxle hwom haxnu-homsabu, pangnu athüt koxle 172 khünak.

²⁰Mama Israel khünakbu pangwüi tamchu atale tüikya nguapabu hia Liwi hwom mating matoktok le Judah angkya mama tingnubu hia tinglongbu ma ngo.

²¹Zangshwom-Hom ma mwot mokkyabu a Jerusalem ma Ofel le nyakkya tingzong ma ngo ilaxle Ziha hia Gishpa nyi lomzun to mwot mok.

²²Liwi hwom opang Jerusalem ma ngole tüipuix, hwom mwot-humix a Uzzi changkya. Chix a Bani sasün ilaxle Hashabiah susün changkya. Chix putong hwom khama Mattaniah hia Mika nyi womle tüikya, ilaxle chix a Asaf saxthom angkya changkya. Ija saxthom a Zangshwom-Hom ma zangshwom pongma tsailom azüi angkya hünlit laxle tüikya.

²³Nyixfokya to saxthombue tsüilüile Zangshwom-Hom ma tsailom chemle zunüihex, ija bama wanghom khualo makhange wanlombu zinglaxle tüikya.

²⁴Meshezabel sasün Pethahiah, tuita Zerah saxthom, Judah homjen angkya, mixsün tuita, Israel nok mün ma Parsia nok khua ma ajong.

²⁵Ma manzai haxtok zui angkya tinglongbu ma khünakbu huanuma ngole hüi. Judah homjen angkya khünakbu a Kiriath Arba, Dibon, ilaxle Jekabzil, ilaxlechu ibu tingnubu zui ma hoxhoxle tüikya tingkhuabu to ngole hüi.

²⁶Hwom a Jeshua, Moladah, Bethpelet,

²⁷ilaxle Hazarshual tingnubu, tamchu Bersheba ma ilaxle ija akhople tüikya tingnubu ma ngole hüi.

²⁸Hwom a Mekonah angkya Ziklag tingnu ma, Mekonah hia ija tingkhuabu ma,

²⁹Enrimon ma, Zorah ma, Jarmuth ma,

³⁰Zanoah ma, Adulam ma, ilaxle ibu tinglongbu akhople tüikya tingkhuabu ma ngole hüi. Hwom a Lakish ma ngo ilaxle ija zui ma tüikya manzai haxtok ma, ilaxle Azekah hia ija tingkhuabu ma ngole hüi. Ija a, Judah angkya khünaknu a shuathongchi ma Bersheba ilaxle shuakuxchi ma Hinnom Haxsha ma ngole hüi.

³¹Benjamin homjen angkya khünaknu a Geba, Mikmash, Ai, Bethel ilaxle hozui ma tüikya tingkhua,

³²Anathoth, Nob, Ananiah,

³³Hazor, Ramah, Gittaim,

³⁴Hadid, Zeboiim, Neballat,

³⁵Lod, ilaxle Ono, ibu ma ngole hüi ilaxle Zingpabu Haxsha ma ngole hüi.

³⁶Liwi hwom züita othom opang Judah haxsüt ma ngopuix ibu a Benjamin khünakbu füi ngo ang tom.