Read Wancho Naga Nehemia 12 Bible Online

Nehemia 12 - Wancho Naga bible

Nehemia 12

¹Ija a Shealtiel sasün Zerubbabel hia Nguakho Jihusua nyi füi tomle zanda ang ngokya chatkya nguapabu hia Liwi hwom mün changpu:

²Seraiah, Jeremia, Izra, Amariah, Malluk, Hattush, Shekaniah, Rehum, Meremoth, Iddo, Ginethoi, Abijah, Mijamin, Madiah, Bilgah, Shemaiah, Joiarib, Jedaiah, Sallu, Amok, Hilkiah, hia Jedaiah hwom bibi. Ibu khünakbu a, Jihusua tsün ma hwom ngua tomtom khama lompabu changkya.

⁸Ibibi a münchuak tsai ngaokya tsailom zunkyabu changkya: Jeshua, Binnui, Kadmiel, Sherebiah, Judah, ilaxle Mattaniah hwom bibi.

⁹Ibibi khünake tsüilüile lanle tsai ngaokya othom zing: Bakbukiah, Unno, ilaxle hwom füikya Liwi hwom.

¹⁰Jihusua a Jehoiakim hopa; Jehoiakim a Eliashib hopa; Eliashib a Joiada;

¹¹Joiada a Jonathan hopa; ilaxle Jonathan a Jaddua hopa.

¹²Chemtue Jehoiakim a Nguakho ang ngokyahex, ibibi nguapabu ang nguapa hwom saxthom khama okhangbu changkya: [Nguapa] — Saxthom Meraiah — Seraiah Hananiah — Jeremia Meshullam — Izra Jehohanan — Amariah Jonathan — Malluki Jusep — Shebaniah Adna — Harim Helkai — Meraioth Zekariah — Iddo Meshullam — Ginnethon Zikri — Abijah … — Miniamin Piltai — Moadiah Shammua — Bilgah Jehonathan — Shemaiah Mattenai — Joiarib Uzzi — Jedaiah Kallai — Sallai Ebar — Amok Hashabiah — Hilkiah Nathanel — Jedaiah

²²Liwi hwom homkha angkya hia nguapabu homkha angkya lompa mün ibibi Nguakhobu ozün ma tüitanto zale thom: Eliashib, Joiada, Jonathan, ilaxle Jaddua hwom bibi. Ija mün zakya laiza a Parsia nok ma chongwangpa ang Dairas ngopongma tsuak.

²³Liwi hwom homkha angkya okhangbu thom, hwom a, Eliashib susün Jonathan tsün matix pünpa-chongwang laiza ma adün.

²⁴Hashabiah, Sherebiah, Jeshua, Binnui, ilaxle Kadmiel, tuita Liwi sün, hwom bibie othom-othom zing. Tamfang ma othom anyie tsüilüile lanle Zang achuak ilaxle münchong fa. Ija hwome, Zang khünak Wanghompa Dawid-e adangle fakya olom ma mok.

²⁵Zangshwom-Hom to nguiüi lom ma tüikya pung nye angkya hanpakma Zangshwom-Hom nyetmixbu ibibi kam: Mattaniah, Bakbukiah, Obadiah, Meshullam, Talmon, hia Akub hwom bibi.

²⁶Khünak ibu a Jihusua sasün tamchu Jeozadak susün Jihusua tsün ma, Gowarnor ang Nehemia ngopongma, tamchu Izra, owa Wanlom tsingpa tuita changkya hex, ibu din ma ngole tüikya.

²⁷Chemtue Jerusalem tingnu angkya katuk jople atsaopuix, tüjong-tüjong to ngole tüikya Liwi hwom, klingkingkongbu hongle münchuak tsai ngaokya füi ija jople atsaokya tusox ma hakle tsuak angkya hanpakma ikhato sele apüi.

²⁸Jerusalem akhople hom-hax zailaxle ngokya hia Netofath akhople ngokya Liwi hwomkha angkya tsaipabu pangwüi asox,

²⁹ilaxle Bethgilgal tokya, Geba, üntoxle Azmaweth tokyabu chuwüi ngui.

³⁰Nguapabu hia Liwi hwome ma alüile atsao angkya zomzing ilaxle khünaknu, zünkaibu ilaxle tingnu pan, ibu jople atsao.

³¹Kue Judah nok lompabu katuk-kho to asox ang tom ilaxle ibu a, tingnu akhople, Zang to münchong fale khualyenle aham angkya khünaknu othom anyi azüi ang tom Pongwang angkya othom a tsaxchi kao to katuk-kho makhange Oma-ota wütnui Zünkai chitole.

³²Hoshaiah a tsaipabu füifüi ma hüi, chix füifüi ma Judah nok lompabu süifi tukux tüikya.

³³Ibibi nguapabu, nyazongbu mütle, hwom füifüi ma hüi: Azariah, Izra, Meshullam, Judah, Benjamin, Shemaiah, ilaxle Jeremia hwom bibi. Ifüima Zekariah, owa Jonathan sasün ilaxle Shemaiah susün changkya hex, chix hüi. (Chix putong hwom khama Mattaniah, Mikaiah, hia Zakur hwom womle tüikya. Ibu a Asaf saxthom changkya.)

³⁶Chix füifüi ma chix saxthom kha angkya khünakbu ibibi azüi—Shemaiah, Azarel, Milalai, Gilalai, Mai, Nathanel, Judah, ilaxle Hanani—hwom pangnusae wüi, Zang khünak, Wanghompa Dawid-e angaokya jat klingkingkongbu koplaxle tüikya. Khualyen pongma ija othom Izra, tuita Wanlom tsingpae azüi.

³⁷Tümik Zünkai ma hwom Dawid tingnu to lekya lom chifün ma haxkho chito dong. Hwome Dawid khualo akaile le, ilaxle Ti Zünkai ma tüikya katuk hato chat. Ija a tingnu zongma handünchi kao ma tüikya.

³⁸Mama othom opange münchong fapuix ibu othom a katuk-kho achole nong to le, ilaxle ku a khünaknu süifi füi azuile le. Kwom a Katuk Khaokya hato Fongbakbu Towar akaile le,

³⁹ilaxle kwom Efraim Zünkai akaile hia Jeshanah Zünkai, Nyax Zünkai, Hananel Homthün, ilaxle Hota Homthün, ibu akaile Chun Zünkai to le. Kwome ija khualyen Zangshwom-Hom zünkai hama ashuk.

⁴⁰Idaile Zang ang münchong fakya othom pangnyi wüi Zangshwom-Hom hozui to ngui. Ku füi tomle tüikya lompabu boma,

⁴¹ku othom ma nyazong mütle nguapabu ibibi womle tüikya: Eliakim, Maseiah, Miniamin, Mikaiah, Elioenai, Zekariah, ilaxle Hananiah hwom bibi;

⁴²ilaxle hwom füifüi ma azuile Maseiah, Shemaiah, Eliazar, Uzzi, Jehohanan, Malkijah, Elam, hia Ezar hwom bibi tüikya. Tsaipabu, Jezrahiah-e azui laxle, tsuakkya apongle akhongle tsai ngao.

⁴³Ija nyix töbu huanuma kox, ilaxle Zang-e hwom mong amüikya khoma khünaknu a huanuma mongmüi atungle tüikya. Shekobu hia naosombu ija atu-ajakya ma wom, ilaxle hwome pukya ozing a ochu-ochu tokhange atat.

⁴⁴Ipongma khünakbu a Zangshwom-Hom hanpakma tuinabu apüile koxkya athünle thomkya pungbu to hu ang dan. Hwome apüikya khama bünfong, zangpua mong angkya saxziak hia pünziak puamün wünkya ibu pangwüi tüikya. Wanlom ma tüikya ningle nguapabu hia Liwi hwom hanpak ang tingnubu zui ma tüikya manzai kha angkya saile asox angkya hwom mwot changkya. Judah angkya khünaknu pangwüi nguapabu hia Liwi hwom füi mongmüile tüikya,

⁴⁵chemthüikoxle Zang kaxtom ma tüikya ningle hwome zanglom ma hwom otsao ang achang angkya hia mama zom pangwüi hwome zingle kox. Wanghompa Dawid hia chix sasün Solomon nyie wanlom tanle koxkya ningle Zangshwom-Hom angkya tsaipabu hia Zangshwom-Hom nyetmixbue chuwüi hwom mwot mok.

⁴⁶Wanghompa Dawid hia tsaipa Asaf hokhi tsün tokhange wüi, tsaipabue Zang achuakle ngaokya tsailom zunle hüi.

⁴⁷Zerubbabel din ma tamchu Nehemia din ma, Israel khünaknu noknusae wüi Zangshwom-Hom tsaipabu hia Zangshwom-Hom nyetmixbu to fong angkya hanpakma hinghobu koxle hüi. Khünaknue Liwi hwom ang otsao töbu koxle hüi, ilaxle Liwi hwome zom-mwot ma lax angkyakya nguapabu ang koxle hüi.