Read Wancho Naga Nehemia 3 Bible Online

Nehemia 3 - Wancho Naga bible

Nehemia 3

¹Ija a tingnu katuk chemle azünle zaipuix ija changpu. Nguakho Eliashib hia chix füikya mama nguakhobue Chun Fülom zing, ija jople atsao, ilaxle ija zünkai ma apüt. Hwome pan katuk Hota Longthün hia Hananel Longthün alople jople atsao.

²Ifüi athuikya mwotthom ma Jeriko angkya khünakbu süt. Imri sasün Zakur-e ifüi athuile zing.

³Nyax Zünkai a Hassennah saxthom hwome zing. Hwome püntsi hia kahak ang zünkai ma apüt, ilaxle ija ka hakle thom angkya kuxmale ajakya kapatbu zingle kox.

⁴Uriah sasün Meremoth, Hakkoz susüne ifüikya othui zaile alai. Berekiah sasün Meshullam, Meshezabel susüne ifüi athuikya zingle alai. Ifüikya othui a Bana sasün Zadok-e zai.

⁵Tekoa angkya khünakbue ifüi athuikya zaile alai, ikoxle tinglong angkya lompabue, mwot-humixbue mok ang tomkya khünakbu ang ija mwot mok ang chitomle abax.

⁶Paseah sasün Joiada hia Besodeiah sasün Meshullam nyie Jeshanah Zünkai zaile alai. Ija zünkai angkya kapox hia kahak zaile alai ilaxle ija kahak amongle aja thom angkya hanpakma kapatjabu apütle kox.

⁷Gibeon angkya Melatiah, Meronoth angkya Jadon, ilaxle Gibeon hia Mizpah angkya khünakbue ifüi athuikya zaile alai. Hwome zaikya Hannop-Eufrat Gowarnor hom alople jao changkya.

⁸Harhaiah sasün Uzziel, tuita hun jaomix, chixe ifüi athuikya katuk zaile alai. Ongan müikya hing zingkya mixsün Hananiah-e ifüi athuikya katuk zaile alai. Chixe Khaokya Long-Katuk ha alople zai.

⁹Hur sasün Refaiah, chix a Jerusalem Distrik ma süifi to ole apünkya mix, chixe ifüi athuikya katuk zaile alai.

¹⁰Ifüi angkya othui Harumaf sasün Jedaiah-e zaile alai. Ija onui a chix hom zui jao changkya. Ifüi angkya othui a Hashabneiah sasün Hattush-e zaile alai.

¹¹Harim sasün Malkijah hia Moab nok Pahath sasün Hasshub ifüi athuikya pan katuk hia Fongbakbu angkya Towar nyi zaile alai.

¹²Hallohesh sasün Shallum, Jerusalem Distrik süifi ma apünkya mix, chixe ifüi athuikya katuk zaile alai. (Chix sacha hwomechu ija mwot to asun.)

¹³Hanun hia Zanoah tingnu ma ngokyabue Haxsha Zünkai zaile alai. Hwome ija kahak onui ma apütle kox ilaxle ija ajale among thom angkya hanpakma kapatjabu apütle kox. Hwome katuk a Oma-ota wütnui Zünkai alople sok 750 jao nguile zaile alai.

¹⁴Rekab sasün Malkijah, Beth Hakarem Distrik ma apünkya mix, chixe Oma-ota wütnui Zünkai zaile alai. Chixe onui ma kahak apütle kox ilaxle ija amongle aja thom angkya hanpakma kapatjabu apütle kox.

¹⁵Kolhozeh sasün Shallum, Mizpah Distrik ma apünkya mix, chixe Tümik Zünkai zaile alai. Chixe zünkai lomnu to chwop, onui ma kahak zingle dan, ilaxle ibu to kapatja apüt laxle amongle aja thom. Shelah Tüküi ma chixe wanghom hwom tsawat füi athuikya katuk zaile alai, ija ma chifün a Dawid Tingnu alople zingle tüikya.

¹⁶Azbuk sasün Nehemia, chix a Bethzur Distrik ma apünkya mix, chixe ifüi athuikya katuk zaile alai. Chixe Dawid zukting, wanghom tüküi, ilaxle süpahibu ngwotnui alople zai.

¹⁷Ibibi Liwi hwome pan katuk obithomthom hexle zaile alai: Bani sasün Rehum-e ifüi athuikya zaile alai; Hashabiah, chix a Keilah Distrik süifi to apünkya mix, chixe chix distrik mün ma ifüi athuikya katuk zaile alai;

¹⁸Henadad sasün Bawai, Keilah Distrik ata kao ma apünkya mix, chixe ifüi athuikya katuk zaile alai;

¹⁹Jeshua sasün Ezar, Mizpah ma apünkya mix, chixe ifüi athuikya khyep-di tunthoma katuk zaile alai. Chixe zaikya a katuk kwotkya kha alople tüikya;

²⁰Zabbai sasün Baruk-e ifüikya othui zaile alai. Chixe zaikya katuk a Nguakho Eliashib hom to nopkya kha alople changkya;

²¹Meremoth, Uriah sasün tamchu Hakkoz susün, chixe ifüikya othui zaile alai. Chixe zaikya katuk Eliashib hom alople changkya.

²²Ibibi nguapabue ifüi athuikya katukbu zaile alai: Jerusalem akhople tüikya nguapabue ifüi athuile tüikya katukbu zaile alai;

²³Benjamin hia Hasshub nyie ifüikya othui katuk zaile alai. Ibu a hwom hom tuntho tang ma asukya. Azariah, Maseiah sasün tamchu Ananiah susün, chixe ifüi athuikya katuk zaile alai. Chixe zaikya a chix homtho tang changkya;

²⁴Binnui, Henadad sasün, chixe ifüi athuikya katuk zaile alai, Chixe zaikya katuk a Azariah hom makhange katuk ozong alople changkya;

²⁵Uzai sasün Palal-e ifüi athuikya katuk zaile alai. Katuk zongkhing makhange owang wangle wanghom khualo nyetmixbu ngwotnui zui angkya thakchikao wanghom homlo homthün ha alople changkya; Parosh sasün Pedaiah-e ifüi athuikya katuk zaile alai. Handünchi ma Ti Zünkai hia Zangshwom-Hom nyetnui tüikya. (Ija tingnu ma, Zangshwom-Hom mwotmixbu ngokya kha, Ofel le nyakkya tingzong zui ma changkya.)

²⁷Tekoa angkya khünakbue ifüikya othui katuk zaile alai. Hwome zaikya anyi-lükya a, Ofel zui ma Zangshwom-Hom nyetnui homthün chongkya kha alople tüikya.

²⁸Ifüi athuikya katuk a nguapabu othome zaile alai, ibu a Man Zünkai makhange shuakux chitole le tüikya. Hwom pangnue ma homthotho tang zaile alai.

²⁹Immar sasün Zadok-e ifüi athuikya katuk zaile alai. Ikhachu chix homtho tang asukya. Shekaniah sasün Shemaiah, Handünchi fülom nyetmix, chixe ifüi athuikya katuk zaile alai.

³⁰Shelemiah hia Hanun nyi sasün Hananiah, Zalaf sasün azok lükya, chixe ifüi athuile tüikya katuk zaile alai. Ija a nyi lükya changkya. Berekiah sasün Meshullam-e ifüi athuikya katuk zaile alai. Ijongkha a chix homtho tang ma tüikya.

³¹Malkijah, tuita hun jaomix, chixe ifüi athuikya katuk zaile alai. Ija a Zangshwom-Hom mwotmok mixbu hia thalex mixbue twonle ngokya longhom alople tüikya. Ija a Mifkad, Zangshwom-Hom to nguiüi fülom, shuakux-handünchi kao zongkhing ma tüikya katuk kho angkya homthün-nui zui ma tüikya.

³²Hun jaomixbu hia thalex mixbue akiakya katuk zaile alai. Ija a homthün kho angkya nui makhange Chun Zünkai alople tüikya.